Ahẹ Ụgama 34
34
Ahẹ oni Idevidi jị ga Ohomorihi
(Ahẹ Idevidi, ịhị Abimẹrẹkị dụ ọ, dị aa na).
1Ẹnẹyịmavara vị ọnị mị vaa kụ́ avọọ pooro kẹnẹ
Avọọ m mẹ̀ vaa kụ́ ọ pooro nị irenu amị ọ yị vaa tịtẹ.
2Ẹnẹyịmavara mị vaa sị mẹ ụbanyị nị
Aza ana aza aa mẹ ehunaa yị ẹ̀ wụ
dị ẹnị ẹ̀ rẹẹ jẹ ịrajẹ.
3Weē pè mii kà a nịnị ka Ẹnẹyịmavara ộ nyị ụbanyị ẹtẹẹtẹrẹ
vẹ di ye duduu sị ụbanyịị yọ.
4Mâ ma dá ịpẹ yị́ Ẹnẹ yị mā vara ka ọ̀ gụ mị ụvọ ịzẹyịza dị ọ gụ mị ụvọ nị
Dị ọ dọ mị tụ́ hụụnị ụvọ avaba ịsị e vịdị ee chire mị angwa nị.
5Aza ene ee zi Ohomorihi eyi vị ana vaa jẹ
ẹ yị nyị ụmẹ ọnị ụhị vaa sị nyị wa.
6Â nyị ọnụyọrị ọnọọ o mè nowu na za Ẹnẹyịmavara, dị ọba a owu nị
Dị Ẹnẹyịmavara vavọọ dọ ọ hụụnị avaba akanya anị nị.
7Anggẹẹrị Ẹnẹyịmavara vị ana maanị yà kara aza ana sị ayị tụra Ohomorihi
dị ệ dọ ọ tụ́ ka asị a nyị ịsị ẹ mẹ̀ ẹ nị.
8 #
1 Ipi 2.3
Ẹwụ ụvọta ọ̀ va zama a re di we re ka Ẹnẹyịmavara ngụ ayị ọza ẹtẹẹtẹrẹ
Ọza ene èe zwe na tẹ̀ ịda anị vaa dàa jẹ.
9Ẹwụ nịnị aza Ẹnẹyịmavara, waā sị ụbanyị yọ nịnị
Ọza ana àa sị ụbanyị yị Ẹnẹyịmavara, ẹ yị nyị ịsị o sì ka o yi vee re e.
10Wáá yẹ ka ịjị ẹnyị ụngwẹ kụ̀ idu nịnị di e yi re ịsa rị?
Ama aza ana ahịka ẹẹ̄ mẹ̀ ịsa ẹnẹ Ẹnẹyịmavara kà, ẹ yị nyị si e yee sì ẹnị è yi vee re.
11Ẹwụ nịnị ezi emi vẹ dị wa wụ́ ịrẹyị amị nịnị!
Mee sì ka ma sị kọ wụ nịnị ka waā sị ụbanyịị yị Ẹnẹyịmavara nịnị.
12 #
1 Ipi 3.10-12
Àa nyị ọza awụ nịnị ene sì ka ẹhẹ anị ò zoza dị ọnị ò kú orubo.
13Ẹngụ ọza ọnọọ ọ̀ na hụụnị ịrẹyị odivi ọyịkà, dị asị ọ rẹ cheeche.
14Asị ọ rẹ kụkụ mẹ̀ ebira odivi, ọ̀ naa mẹ̀ ebira ene zoza
Ịsị ọ̀ọ zị zụ mẹ kẹnẹ dị ọnịrị aza ẹ̀ ra ịnị ẹngwọọrọ, ọ̀ naa mẹ̀ ẹ.
15Ẹnẹyịmavara vị ana sị eyi pè aza ana aa mẹ̀ ebira ana vọrọ ini eyi anị
ẹnịnị ẹ̀ẹ nowu na za a, dị ọ ba wa owu.
16Ẹnẹyịmavara vị ana aa kụ́ ayịị hị́ aza ana aa mẹ̀ ebira odivi
Ọ vaa wụ̀ wa, dị ọza ọ mā vana tamayị ẹnịnị pàá ịnị ẹhẹ.
17Ọza ana aa mẹ ịzẹyịza ô nowu na za Ẹnẹyịmavara, dị ọba a owu,
dị ọ dọ ọ tụ́ hụụnị avaba akanya anị nị.
18Ẹnẹyịmavara ộ gụrị aza ana ayị ẹnịnị ee du ka ẹnị ệ mẹ̀ ịsa odivi
Aza ana ayị anị vavọọ du vị ọnị ọọ̄ dọ ọ há.
19Aza ana aa mẹ̀ ebira ana vọrọ ini eyi Ohomorihi ẹ nyẹngụ nyị ẹngụkata irenyi-irenyi
ama Ẹnẹyịmavara vị ana aa tụ̀ wa hụụnị avaba anị.
20 #
Ịjọ 19.36
Ẹnẹyịmavara vi ana nyayịnẹ sere e,
ọ yị hyakụ zẹẹ ka ẹchụkụ anị ikonya ò che.
21Ịsa odivi ọnị ọza odivi aa mẹ ọ vaa wụ̀ ọ nị
Aza ana ka ẹnị vị ọnịvị aza ana aa mẹ̀ ịsa ana vọrọ vị oni Ohomorihi vaa jị ịvịị yị.
22Ẹnẹyịmavara vaa dọ aza anịị tụ́
Avaba ọza ene zwe na vaka a ệ yẹ ka ẹnị ẹ sị há.
Currently Selected:
Ahẹ Ụgama 34: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
