Ahẹ Ụgama 116
116
Ọza ana a dọ tụ́ aa kụ́ Ohomorihi
1Mê sì ịrẹyị Ẹnẹyịmavara, agụvị ka m mè nowu ka ọ̀ vayị amị, ộ wụ́.
2Ka màa hị́ ọ ọọ̄ wụ́, ọnị mị va hị́ pooro ịnị ẹhẹ amị nị.
3Mâ nyị ẹngụkata ọnịrị ayodu ana ahịka ọ sị vọ chee me wusu.
Mị ka ọ sị vọ hwẹ̀ à raà sị mị ne chire ẹtẹ.
4Di mi ve nowu na za Ẹnẹyịmavara, dị mị ka Ẹnẹyịmavara ọ̀ navọ ọ̀ dọ mị tụ́ nị.
5Ẹnẹyịmavara vị ana aā vayị ọza, dị ọọ̄ mẹ̀ ịsa ana vọrọ.
Mị ka Ohomorihi ayịị̄ vayị ọza ẹnẹmẹhị.
6Ụnọ ẹnẹ ẹ̀ yị nyị omu, Ohomorihi ọọ̄ dụ o ịsị nị.
Ịrẹyị odivi mè tù mị, ọnị ọ dọ mị tụ́ nị.
7Ma nyẹngụ hi ụhwẹ zẹtẹ booro aanị, agụvị ka Ẹnẹyịmavara ọ raà mẹ̀ ịsa ene zoza mị.
8Ẹnẹyịmavara, wẹ rẹ vaa zẹẹ ka me sú.
We reè ji mi orere, wẹ yị va zẹẹ ka ma hyẹdụ.
9Ẹnẹyịmavara, ụ ka mà yà ịda awụ dị maa zị ụsẹ ịnị ẹhẹ beri aza ana yàra.
10 #
2 Ịkọ 4.13
Maa kà a ka mee vee sú, ama mị sị sị ayị tụra wụ nị,
11nyị ọza ọnị mị kụkụ zụ sị ayị tụra, dị mị kụkụ ka avaba aza vi onireche nị.
12Avaba ịsa ozoza ẹnị Ẹnẹyịmavara maanị mẹ mị aanị, méé zụ sị ọ atọ?
13Mị vaa sị eche dị ma sị va mẹ̀ ịsọvọ kụ́ Ẹnẹyịmavara avọ agụvị ka ộ dọ mị há.
14Ịsị mị ka mị vaa sị va yị Ẹnẹyịmavara vị ọnị maa sị vaa yọ éyi avaba aza anị.
15Àa nyị ọza Ẹnẹyịmavara ene sú, ọọ̄ zị ọ ẹngụ ẹtẹẹtẹrẹ.
16Ẹnẹyịmavara, ozi ahụ mị vị nị, ẹ yị vị ka vị a nyị ịsị ẹmị yà ịnị anị nị.
Ozi ọnẹẹ ana vị ozi ahụ awụ mị vị nị.
Wa raà tụ̀ mị hụụnị ẹba ana a sị tụ́ mị.
17Ẹnẹyịmavara, mị vaa kụ́ wụ avọ, dị maa dá ịpẹẹ wụ.
18Ịsị mị ka mị vaa sị va yị Ẹnẹyịmavara vị ọnị maa sị vaa yọ éyi avaba aza amị.
19Ẹnẹyịmavara, ini ohweje awụ ana yà ịnị akakana Ijerusarẹmị mị vaa sị ọ vẹ nị.
Waa kụ́ Ẹnẹyịmavara.
Currently Selected:
Ahẹ Ụgama 116: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
