Ahẹ Ụgama 115
115
Ohomorihi ọnị ịnya ọ vi Ohomorihi nị.
1Ẹnẹyịmavara, ẹwụ ịnyara kẹnẹ a vọrọ ka àa sị ụbanyịị yị nị.
A yị nyị aayị ịnị anị vụrụ-vụrụ, agụvị ka uū sì ịrẹyị ọza, dị ahịka ịzẹyịza ụ rẹẹ mẹ nị.
2Sị ẹ vẹ dị anẹkụra ẹnẹ ẹ̀ yị yẹ wụ ee họ̀ ka ịzị Ohomorihi ayị yà?
3Ohomorihi yà ẹbẹẹba, ịsa ene zee e eyi kẹnẹ ọọ̄ mẹ nị.
4 #
Ahẹ 135.15-18; Ẹtẹ 9.20 Ẹkẹhị ọnịrị igooru aza ẹnẹẹ ẹnị sị mẹ ori ẹnịnị nị.
Ọza ọ sị ụvọ anị tụ́ ori ẹnẹẹ nị.
5Ori ẹnẹẹ ệ nyị irenu, ama ẹ yị zụ sị kà ịrẹyị.
Ẹ rẹ nyị eyi, ama e yi zụ si re ẹtẹ.
6Avọọ ẹ mẹ̀ rẹ nyị ụtọ nị, ama ẹ yị zụ sị wụ́ ịrẹyị,
ệ nyị aahị ama ẹ yị zụ sị wụ́ agụ.
7Ệ nyị ụvọ, ẹ yị nyị ịsị ẹ zụ sị mẹ.
Ẹ rẹ nyị ahụ, ama ẹ yị zụ sị zị ụsẹ.
Ẹ yị rẹ zụ kà ịrẹyị vụrụ-vụrụ.
8Ẹnịrị aza ana mẹ̀ ẹ vị ọnya-ọnya nị,
avọọ aza ana sị ayị tụra wa ẹnị mẹ̀ rẹ yà nị.
9Ẹwụ nịnị Anisirẹrị, sị ayị tụra Ẹnẹyịmavara nịnị.
Ọnị aa gụ wụ nịnị ụvọ di ee sere wu nịnị nị.
10Ẹwụ nịnị aneehi Eerọnị, sị ayị tụra Ẹnẹyịmavara nịnị.
Ọnị aa gu wụ nịnị ụvọ di ee sere wu nịnị nị.
11Ẹwụ nịnị ene hí angwa Ẹnẹyịmavara, sị ayị tụra nịnị.
Ọnị aa gụ wụ nịnị ụvọ di ee sere wu nịnị nị.
12Ẹnẹyịmavara, aarịhịnị asị u hi ayị ayị, navọ wa mẹ ka ò zee yị.
Ẹnẹyịmavara vaa mẹ ka ò zee yi aneehi Isirẹrị,
ọ rẹ vaa mẹ ka ò zee yi aneehi Eerọnị.
13 #
Ẹtẹ 11.18; 19.5 Avaba aza ene hí angwa Ẹnẹyịmavara, vị ọnị ọ vaa mẹ ka ò zee yi,
ẹ̀ẹ vị aza eweyi, ẹ̀ẹ vị aza ẹbanyị.
14Ẹnẹyịmavara ọ̀ navọ dị ẹwụrị ezi ewu ẹ̀ vaa rụrụụ hu avọọ.
15Ẹnẹyịmavara ana mẹ ihinẹba ọnịrị ẹtẹ ọ̀ navọ ò zee wu.
16Ẹnẹyịmavara ọ nyị avaba ẹbẹẹba nị.
Dị ọ sị ẹhẹ dị ọ sị yị aza nị.
17Aza ene sú dị a sị wa nē ẹ yị kụkụ zụ kụ́ Ẹnẹyịmavara avọ.
18Ẹyị ana yà ẹhẹ aa sị ụbanyịị yị Ẹnẹyịmavara hụrẹ ọyaanị pooro zịna-zịna nị.
Waa kụ́ Ẹnẹyịmavara.
Currently Selected:
Ahẹ Ụgama 115: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
