Ụhịrẹyị 11

Sị eyi pe ịrẹyị irenu awụ ọnịrị ebira awụ

1Ẹnẹyịmavara ọ nyị ịhyẹrẹ aza ana mẹ̀ ọza rị ịnị ịsa ẹnẹ yaa ná ama o sị ịrẹyị aza ana a sị ịzẹyịza ná ịsa. 2Ọza anaā sịị ẹngụ anị tụ ẹba vị anaā tẹ, ama ọnịrẹyọyẹ vị anaā zị hẹẹ. 3Ebira ọnịzẹyịza vị anaā zụ ọ oze ama anapẹ vị ene su usu apẹ. 4Usu ọ̀ọ ngụ tụ ọza, ẹkẹhị anị ọ yị zụ dọ ọ ha ama ịzẹyịza kẹnẹ ọ zụ dọ ọza ha nị. 5Ịzẹyịza vị ana mẹ̀ ẹhẹ ọnịzẹyịza rọọ ẹngụ ama ebira odivi ọza ọhịmị aa tana yị usu nị. 6Ịzẹyịza ọnịzẹyịza aa dọ ọ ha nị, ama ọhọha anapẹ ọ vị ịrẹpa ana aa za a nị 7Ịhị ọza ọhịmị su ịhị ọnọọ anịị ta nị, ẹkẹhị ọnị ọ tụra eyi vị osusu. 8Ẹnẹyịmavara aa dọ ọza ọyịza ha hụụnị akanya nị, ama dị ọ hụrẹ ọza ọhịmị ụvọ tụ ịnị anị. 9Aza ọhịmị vị ene du ọza kẹnẹ ama ọza ọyịza vị ana a sị ịrẹyọyẹ anị dọ ọza tụ. 10Èee zee yị ọza ọyịza avaba anẹkụra vị ana a jẹ, ama ọza ọhịmị òo su dị avaba aza aa kụ aahẹ. 11Ize ọza ọyịza vị ana a sị ẹkụra tụ ẹba, ama ọza ọhịmị vi ana a sị ịrarẹ anị du ẹkụra. 12Ọnụra oo du ọza nị ama ọza ana yẹ ịrẹyị vị ana a sị ụvọ za irenu anị. 13Onireche vị ana a kụ ọza uruvo hi ẹhẹ, ama ọza ana wụra chi ayị za vị ana a sị̀ ịrẹyị tẹ. 14Ẹkụra ọnị ẹ nyị ọdọvịdị ana a zụ ọ oze vi ene e vu. Ẹkụra ana nyị anajuwe ọrụrụ o mē vu. 15Wèe wo oto ka we sị ụta yị ọnụta waa ka asị ụ sụ ụmayịyẹ kara ụvọ kwooze. 16Ọnyẹnẹẹ ana nyị ebira ọyịza vị anaā sịị ụbanyị yị ama ọnọrụ ana zụ mẹ̀ ụkọrọ vị anaā nyị ẹkẹhị. 17Ọza anaā vayị ọza vị anaa mẹ aha yị ẹngụ anị ama anayịchama vị anaa tụ̀ ẹngụ anị ụnava. 18Ebira odivi ẹ yị nyị ọgụ ama ọnịzẹyịza vaa dọ ọgụ ọyịza. 19Ọnịzẹyịza vị anaa mẹ̀ ẹhẹ ozoza ama ọza ọhịmị o mē ku orubo. 20Ẹnẹyịmavara vị anaā nyị ịhyẹrẹ aza ana nyị ayị odivi ama dị oō sì ịrẹyị ọnịzẹyịza nị. 21Ọza ẹ yị jị ọ ịrẹka ka aza ọhịmị vaa rị ụya, ama ezi ọnịrẹyịzẹyịza vị ana vaa ha. 22Ọnyẹnẹẹ ene zoza dị ẹ yị nyị ịrẹyọyẹ sị mẹ̀ anka ụra ana aa sị igooru tụ́ ọbẹ avọọ nị. 23Ọza ọyịza vị anaa tụra eyi ọyịza-ọyịza, ama aza ọhịmị vị ene zi ayodu kẹnẹ. 24Ọza anaā mẹ̀ ẹyịza vị ọnị ụvọ anị hi kà a wa ama eneyiche vị ọnị ụvọ anị vaa wụ̀. 25Ọza anaā mẹ̀ ẹyịza vị ọnị o zee yị, ọza anaā mẹ̀ ọgụvọ yị aza vee re ọgụvọ. 26Ọza anaā kụ ịsa naa tẹ ka ọnị ọ rị ọgụ ọdẹngụ vị ana azaā tụ́ ozirenu hi, ama aza vị anaā ga ọza anaā na ịsa yị wa ịnị ụmẹ ene yee sị ọ. 27Ọza ene si ọyịza vee re e, avọọ ọza ene si odivi me vee re e nị. 28Ọza anaa sị ayị tụra ẹkẹhị vị ọnị ụhị nyị ama ọnịzẹyịza vị enee re mẹ anka avị ohwoohu ana ya ụtọ okuha avọọ. 29Aza anaā kụ́ akanya tu ovwoovu anị vị anaā tụ́ avosusu. Ọnụra vị anaa vị ozi ahụ ọyẹrẹyị. 30Ọnịrẹyịzẹyịza sị mẹ anka ọchị anaa tụ́ ẹtụtụ anị avọọ nị. Ọza ọhịmị vị anaa wụ̀ ọza. 31#1 Ipi 4.18Ọnịzẹyịza àa rị aha ebira anị ịnị ẹhẹ ọnọnị, avọọ aza ọhịmị nịnị mẹ rẹ vaa rị ụya ebira odivi ẹnịnị nị.

Currently Selected:

Ụhịrẹyị 11: EBTP

Highlight

Copy

Compare