Ịrịka ỌYỊSỊZỤ
ỌYỊSỊZỤ
Aa hị́ ịrẹha iwe ọnọnị “Ịrịka” agụvị ka â za Anisirẹrị nịnị ịrịka ụpẹ ẹẹva ịnị ụnọmị ịnị ịtọpa ọnọnị. Ípaapa vị ana mẹ ịnị ụmẹ ọnị ẹ ya ịnị ataba Ịsịnayị, dị ẹ vaa kwẹẹtẹ aa zị ụsẹ. Ọyị za aza ịrịka ụpọhụva vị ana mẹ ịnị ẹtẹ Imowabi agụvị dị a yẹ anụmẹ ana vatụra ọnịpaapa. Ịtọpa ene hi ini iwe ọnọnị vị avaba ịsa ana mẹ ịnị akakana ịrayị ẹbẹẹva ọnị Anisirẹrị ya ịnị ụnọmị hụrị ataba Ịsịnayị na ngụ ụtọ ẹtẹ ẹkụra ọnị Ohomorihi wo oto ka ọnị aa sị yị wa. Ịnị ụmẹ ọnọọ, ẹnịnị ẹ tu Ịkẹdẹsị Ibaneya eyi ụvẹtẹ ẹtẹ Ikanaani ama ẹnịnị ẹ rẹẹ̀ vaa ngụ ịzọọ. Ẹnịnị ệ ra ịzọọ ịrayị ọrụrụ-ọrụrụ, dị ẹ va nọ akẹnẹ Ijodani eyi ịzị ọyịị̄ vẹ. Aza ẹnyị ẹnịnị ệ ra ịzọọ, dị ẹnịnị ana vọ tenyi ẹngụ jịnẹ irehu Ijodani na ngụ ẹtẹ Ikanaani nị.
Iwe ọnọnị ọ sị zụ Anisirẹrị nịnị mẹmẹ hí angwa agụvị ẹngụkata ọnị e re. Dị ẹ hụ agụvị avọọ mẹ akamawụ hi Ẹnẹyịmavara ọnịrị Imosiisi ọnị ọ nyị mẹ ọdọvịdị ẹnịnị. Ịtọpa iwe ọnọnị aa sị zụ ka Ohomorihi vị ọnịzẹyịza, dị ọ vavọọ yịị tẹsị aza ịnị ahịmị ọnịrị akamawụ ẹnịnị. Ọ rẹ sị zụ ka Imosiisi mẹ daka ha eyi ụmẹ ẹnyị, vị ọyịị jẹẹ geri-geri pe Ẹnẹyịmavara, di o kụ ẹngụ hi ịrẹyị anị ọnịrị ịrẹyị aza anị.
Eyi Ịrẹyị
Anisirẹrị ê tenyi ẹngụ ka ẹnị ẹ hụrẹ Ịsịnayị 1.1—9.23
a. Ọyịza ọza ịrịka ịpaapa 1.1—4.49
b. Ọda irenyi-irenyi ana tụ ẹhẹ 5.1—8.26
c. Eche ọyịparahu ọhụva 9.1-23
Hụrẹ ataba Ịsịnayị na ngụ Imowabi 10.1—21.35
Ịsa ana mẹ Imowabi 22.1—32.42
Avaba ụsẹ ẹnịnị hụrị Ijipiti na ngụ Imowabi 33.1-49
Ịrẹyị ana ka yị wa dị ẹ va jịnẹ irehu Ijodani 33.1—36.13
Currently Selected:
Ịrịka ỌYỊSỊZỤ: EBTP
Highlight
Share
Compare
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.