Ịrịka 1
1
Ịpaapa ana a za Anisirẹrị nịnị ịrịka
1 #
Ịrị 26.1-51
 nyị ụmẹ ọnị Anisirẹrị nịnị sị ka ahụ jẹẹ ịnị ụnọmị Ịsịnayị ẹ̀ mẹ hụrẹ ẹtẹ Ijipiti. Ịhị ẹ tụ ọ ẹkụhị ịpaapa ịnị ụhwẹ ọhụva ịnị ịrayị ọhụva ẹnịnị ịzọọ, Ẹnẹyịmavara pe Imosiisi ka ịrẹyị ịnị ajẹngụ anị nị. Ộ ka 2Imosiisi ọ̀ za Anisirẹrị ịrịka ovwoovu-ovwoovu ọnịrị ịrẹsụ-ịrẹsụ. Dị ọ chẹrẹ ịrẹha avaba anọrụ ẹnịnị tịtẹ 3Ọnọrụ ana vị ẹhụ ịrayị oohu daa va hịrẹ ana hwọọ nọ ịrẹkụ ọda ọnọnị za nị. Imosiisi ọnịrị Eerọnị ẹ vaa mẹ̀ ụkọrọ ọnọọ nị. 4Imosiisi ọ̀ nyị ọdọvịdị ọnyara hụụnị ịrẹsụ ọnyọọnya ana vaa gụ ọ ụvọ. 5Ịrẹha aza ọnị ọ nyị ẹ vị ẹnẹnị nị. Erizuri ana vị ozi Isedewu hụụnị ịrẹsụ Irubẹnị. 6Ịsẹrụmịyẹrị ozi Izurisadayi hụụnị ịrẹsụ Isimiyọnị. 7Inasoni ozi Aminadabi hụụnị ịrẹsụ Ijuda. 8Ịnẹtanẹrị ozi Izuwari hụụnị ịrẹsụ Iisaka. 9Eriyabi ozi Iheroni hụụnị ịrẹsụ Izeburuni. 10Erisama ozi Amihudi hụụnị ịrẹsụ Ehwireemi ozi Ijosẹẹhụ. Igamariyẹẹrị ozi Ipedahizuri hụụnị ịrẹsụ Ịmanasẹ ozi Ijosẹẹhụ. 11Abidanị ozi Igidiyọnị hụụnị ịrẹsụ Ịbẹnjamịnị. 12Ahiyẹza ozi Amisadayi hụụnị ịrẹsụ Ịdaanị 13Ipeniyeri ozi Okiranị hụụnị ịrẹsụ Aseri. 14Iriyasahụ ozi Iduwẹrị hụụnị ịrẹsụ Igadi 15Ahira ozi Enanị hụụnị ịrẹsụ Inahutari. 16Aza ẹnẹnị ana a nyị aanị vị ada ohweje ẹngụ ẹnịnị, dị ẹ vị ọdọvịdị ịrẹsụ ẹnịnị nị. 17Dị Imosiisi ọnịrị Eerọnị kụ aza ana a sị ịrẹha ẹnịnị yi wa aanị nị. 18Ịnị ẹkụhị ịpaapa ịnị ụhwẹ ọhụva ana a nyị wa aa hị́ avaba aza gụ, dị a za wa ịrịka ovwoovu-ovwoovu ịnị ịrẹsụ-ịrẹsụ, dị a chẹrẹ ịrẹha anọrụ ana sị gụ ịrayị oohu daa va hịrẹ. 19Imosiisi vị ana za wa ịrịka anka Ẹnẹyịmavara mẹẹ mẹ̀ ọda yị ọ. 20Avọọ a mẹ chẹrẹ ịrẹha avaba anọrụ ana sị hwọ nọ ịrẹkụ nị. Evere Irubẹnị ana vị ozi ọzọkụ Isirẹrị vị 21aza ẹnị ịrịka akawụ-akawụ oze ohurẹẹta tụra akavarẹchẹhị (46,500). 22Evere Isimiyọnị ana dàa hụrị ịrayị ohu va hịrẹ ana sị hụ ọ tu ịrẹkụ ana a chẹrẹ ịrẹha ẹnịnị 23vị ẹnị ọ jị akata ha ịnị akawụ-akawụ oze ohurẹẹwụ (59,300). 24Evere Igadi ana da hụrị ịrayị ohu va hịrẹ ana sị hụ ọ tu ịrẹkụ ana a chẹrẹ ịrẹha ẹnịnị 25vị ẹnị ọ jị ịrẹkarẹchẹhị tụra ẹvarẹwụ ịnị akawụ-akawụ oze oohu tụra ẹẹta (45,650). 26Evere Ijuda ana daa hụrị ịrayị ohu va hịrẹ ana sị hụ ọ tu ịrẹkụ ana a chẹrẹ ịrẹha ẹnịnị 27vị ẹnị akawụ-akawụ oze ohurẹẹwụ tụra ịhịmba tụra akata (74,600). 28Evere Iisaka ana daa hụrị ịrayị ohu va hịrẹ ana sị hụ ọ tu ịrẹkụ ana a chẹrẹ ịrẹha ẹnịnị 29vị ẹnị akawụ-akawụ oze ohurịhịmba tụra akava (54,400). 30Evere Izeburuni ana daa hụrị ịrayị ohu va hịrẹ ana sị hụ ọ tu ịrẹkụ ana a chẹrẹ ịrẹha ẹnịnị 31vị ẹnị ọ jị akata ha ịnị akawụ-akawụ oze ohurịhịnta (57,400). 32Evere Ehwireemi ana vi ozi Ijosẹẹhụ ana daa hụrị ịrayị ohu va hịrẹ ana sị hụ ọ tu ịrẹkụ ana a chẹrẹ ịrẹha ẹnịnị 33vi ẹnị akawụ-akawụ oze oohu tụra akavarẹchị (40,500). 34Evere Ịmanasẹ ana daa hụrị ịrayị ohu va hịrẹ ana sị hụ ọ tu ịrẹkụ vị ana a chẹrẹ ịrẹha ẹnịnị. 35Ịrịka ẹnị ana hụrẹ ịrẹsụ Ịmanasẹ vị ẹnị akawụ-akawụ oze ẹwụrịhịnọnyị tụra ịrẹka (32,200). 36Evere Ịbẹnjamịnị ana daa hụrị ịrayị ohu va hịrẹ ana sị hụ ọ tu ịrẹkụ ana a chẹrẹ ịrẹha ẹnịnị 37vị ẹnị ọ jị akata ha ịnị akawụ-akawụ oze ẹwụrịhịnta (35,400). 38Evere Ịdaanị ana daa hụrị ịrayị ohu va hịrẹ ana sị hụ ọ tu ịrẹkụ ana a chẹrẹ ịrẹha ẹnịnị 39vị ẹnị akawụ-akawụ oze ohurẹẹwụ tụra ọnya tụra akatarẹchẹhị (62,700). 40Evere Aseri ana daa hụrị ịrayị ohu va hịrẹ ana sị hụ ọ tu ịrẹkụ ana a chẹrẹ ịrẹha ẹnịnị 41vị ẹnị akawụ-akawụ oze oohu tụra akahị tụra akavarẹchẹhị (41,500). 42Evere Inahwitari ana daa hụrị ịrayị ohu va hịrẹ ana sị hụ ọ tu ịrẹkụ ana a chẹrẹ ịrẹha ẹnịnị 43vị ẹnị akawụ-akawụ oze ohurịhịnọnyị tụra akahị tụra akava (53,400). 44Avaba anọrụ ọnị Imosiisi ọnịrị Eerọnị neberi ọdọvịdị Anisirẹrị ẹwụrẹva za ịrịka vị ana jẹẹ yị ọzọza. 45Avaba Anisirẹrị ana daa hụrị ịrayị ohu va hịrẹ ana sị hụ ọ tu ịrẹkụ vị ana a chẹrẹ ịrẹha ẹnịnị ovwoovu-ovwoovu. 46Avaba ẹnịnị vị akawụ-akawụ oze ịrẹkẹchẹhị tụra ọnya tụra akahị tụra akavarẹchẹhị tụra akahị (603,550). 47Ama Anireevi nịnị ẹ yị ịnị aza ana a za ịrịka aanị. 48Ẹnẹyịmavara ộ vịdị ka yị Imosiisi ka 49asị ọ za Anireevi nịnị beri Anisirẹrị àaa za wa ịrịka. 50Ọ̀ nyị wa ka ee sị eyi pe ajẹngụ Ẹnẹyịmavara ọnịrị avaba ẹnya ene hi ini anị ana aa sị mẹ ahẹkẹ. Ẹnịnị ẹ ra kara a. Ụmẹ ọnị Anisirẹrị nịnị àa kụ̀rà na ngụ aha ọsa, ẹnị aa kụ ẹnya ẹnẹẹ nee tenyi ọ jị aha ọwọọwa ọnọọ nị. 51Anireevi nini kẹnẹ ẹ nyẹngụ jị ẹnya ẹnẹẹ hi ẹtẹ dị rẹ varẹma tenyi wa kụ jẹẹ nị. Ọza ẹnịsa enee hira gụrị wa vị anaa wụ. 52Anisirẹrị nịnị ana vọ vị ọnị ovwoovu ọzọza kụ udi anị anka a mẹmẹ ga wa hi ịrẹsụ-ịrẹsụ. 53Ama Anireevi nini vị ana a jị udi ẹnịnị kara ajẹngụ Ẹnẹyịmavara. Ẹnị ee sere e agụvị asị a nyị ọza ana gụrị ọ dị Ẹnẹyịmavara ọ vaa kụ ayị hi Anisirẹrị nịnị nị. 54Dị Anisirẹrị nịnị mẹ avaba ịsị Ẹnẹyịmavara kà yị Imosiisi nị.
Currently Selected:
Ịrịka 1: EBTP
Highlight
Share
Compare
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
