Ịrịka 17
17
Ẹnẹyịmavara ộ sị ọza ọnị ọ nyị zụ
1Ẹnẹyịmavara ộ kà yị Imosiisi ka, 2ọ ka yị Anisirẹrị nịnị ka ẹ sị okutẹ ẹwurẹẹva vẹ. Ọdọvịdị ịrẹsụ ọzọza ọ sị okutẹ anị vẹ dị aa chẹrẹ ịrẹha anị tụ́ ọ. 3Okutẹ ana a sị hụrẹ ịda Anireevi nịnị vị ana a vaa chẹrẹ ịrẹha Eerọnị tụ́. Okutẹ ọnyọọnya vị anaa jẹẹ yị ohi ịrẹsụ ọzọza. 4Ẹnẹyịmavara kà Imosiisi ọ̀ kụ́ avaba okutẹ ẹnẹẹ tụ ọvịdị apoti oto ịnị ajẹngụ ọnị ọnịrị ọ gẹ. 5Ẹnẹyịmavara kà ọnị vaa nyị ọza ịnya ana vaa vị ohirẹsụ irehi anị obooro. Ẹnịnị vaa yẹ ọza ọnọọ agụvị ka okutẹ anị vee nyima ee nyị avị ọwọọwa ọsọnị vaa mẹ̀ ka irenu aza anaa rị uhuhu hi ọnịrị Imosiisi ó su. 6Ịzẹyịza, dị Imosiisi vavọọ ka yị Anisirẹrị nịnị nị. Dị ọdọvịdị ịrẹsụ ọzọza sị okutẹ anị vẹ dị ẹ vị ẹwụrẹva nị. Ọnyara ịnị okutẹ ẹnẹẹ vị Eerọnị. 7Dị Imosiisi kụ́ okutẹ ẹnẹẹ tụ́ ọvịdị Ẹnẹyịmavara ịnị ajẹngụ anị ịzị apoti oto ya nị. 8#Ihib 9.4Eyinẹhẹ anị Imosiisi mẹ ngụ ịnị ajẹngụ Ẹnẹyịmavara, dị o re ka okutẹ Eerọnị ana jẹẹ yị Anireevi o re nyị avị ọwọọwa, dị ọ hyakụ nyị avọ ẹnịrị ẹtụtụ arịmọndị nị. 9Dị Imosiisi kụ́ okutẹ ẹnẹẹ tụ́ ẹhẹ hụụnị ajẹngụ Ẹnẹyịmavara zụ avaba Anisirẹrị nịnị nị. Ịjị avaba aza re e, dị ọzọza sị okutẹ anị varẹma nị. 10Dị Ẹnẹyịmavara kà a yị Imosiisi ka ọ̀ sị okutẹ Eerọnị tụ́ ịnị ajẹngụ ọvịdị apoti oto. Ịsa ana mẹ̀ aanị vaa ka aza anaā rị uhuhu hi ọnị ọnọ ka ẹ za avọ hi agụvị asị ọnị vu wa ẹtẹ. 11Avọọ dị Imosiisi mẹ̀ ịsị Ẹnẹyịmavara kà yọ nị. 12Dị Anisirẹrị nịnị ka yị Imosiisi ka, ẹnị ẹ yẹ ka ẹnị vee su. Ẹnị ẹ sị vu, usu aa za ịrẹsụ yị ẹnị nị. 13Ọza tụra ọza anaa ka pe ajẹngụ Ẹnẹyịmavara vị enee su. Ịzẹyịza avaba ẹnịnị wéé su ha nị kẹ?
Currently Selected:
Ịrịka 17: EBTP
Highlight
Share
Compare
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
