Ịmarakayị ỌYỊSỊZỤ
ỌYỊSỊZỤ
Ịmarakayị vị ana a chẹrẹ ọvavịrẹma ana raà tenyi irehi Ohomorihi ana ya Ijerusarẹmị dà. Ọnịsẹ Ịmarakayị vị ana hị́ ohirẹsụ irehi Ohomorihi nịnị ọnịrị aza ana vọ ka ẹ saasa ọkatịtẹ ọnị ẹnịrị Ohomorihi mẹ yị ẹngụ. Ụmẹ ọnị a sị ka wa ọnọ ọnọnị, ẹtẹ ô sị du, aza ẹ yị kụkụ sị ịzẹyịza hẹkẹ Ohomorihi. Ọdọvịdị ahẹkẹ nịnị ọnịrị aza vị anaa mẹ̀ Ohomorihi rị. Ẹnịnị ẹ̀ yị saasa ịrẹyị Ẹnẹyịmavara ẹnẹ ẹ yẹ, dị ẹnịnị ẹ yị kụkụ sị ịsa ịsọvọ ọnịrị avaba ịsa ana vị Ohomorihi va yọ ịnị irehi anị nị. Ama Ẹnẹyịmavara kà ọnị vaa mẹ̀ ọkarẹyị yị wa, dị ọnị varẹma tenyi ẹtẹ. Agụvị avọọ ộ tụ́ ọnụtụ anị da jị wa aanị nị.
Eyi Ịrẹyị
Ohuvọ Anisirẹrị nịnị 1-2.16
Ọkarẹyị Ohomorihi ọnịrị ayamva anị 2.17—4.6
Currently Selected:
Ịmarakayị ỌYỊSỊZỤ: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.