Arụwẹ 5
5
Arụwẹ Ọhụhị
Ọyị da ịpẹ Ayamva
Ọnịsẹ kà:
1Ẹnẹyịmavara kwogwo asị ụ hi ayị ịsị e tu ẹnị aanị.
Navọ wạ kana eyi dị we re ụhị ana a mẹ̀ nyị yị aanị o.
2Azọga ẹ sị yị dọ ogu ọnị ohiku ayị hụrẹ ụvọ tịtẹ yị yị.
Anẹkụra ọsa nịnị ẹ kụkụ ra ịnị eehi ayị nị.
3Ya sị vara ezi oku ẹnẹ ẹ yị nyị ada;
ọnyị ayị nịnị ẹ kụkụ sị vara osoku va hi ẹtẹ booro aanị.
4Ị kụkụ aa hị́ enyi ọnị yee hú nị;
ọkụ ọnị yaa sị ka ịra vị ọnị yaa hị́ bẹẹ.
5Aza anaa dụ yị vi ana ku chire yị dị ẹ yịị và,
ọ sị ngụ yị ẹngụ, yẹ yị nyị eyi tụ́ ụhwọ́.
6Yâ sị ẹngụ ayị mẹ ezi ahụ yị Anijipiti ọnịrị Anasiriya
agụvị di ye re ịsa za ayị zụ kẹnẹ.
7Ohiku ayị nịnị ẹ mẹ̀ ebira odivi ama ẹnịnị ẹ yị kụkụ ya ịzọọ,
dị ẹyị vaa rị ụya anị aanị nị.
8Ọrịhị nịnị aa mẹ ọda tụra ayị ịrẹsụ
dị ẹ̀ yị nyị ọza anaa dọ yị hụrẹ wa ụvọ aanị nị ọ.
9Ị kụkụ aa sị ịrẹsụụ tu usu ne sì ịsọyịrị,
agụvị ka ẹnị ana wụ̀ ọza vị ene hi ẹkara-ẹkara ẹkụra ee zí ọza.
10Ẹngụ ayị ộ ta kayịra anka arasị avọọ,
ụngwẹ maa vaa wụ̀ yị.
11Ose ẹyị vị ọnị ọnịvị ayị nịnị kụkụ aa ngụụ chire ẹtẹ ịrẹsụ ataba Ịzayọnị;
Avọọ ẹ mẹ raa sị ụkata-ụkata ngụ tu ezwoorihi ayị ẹnẹ ẹ yị yẹ́ ọnọrụ avaba ẹkụra ene hi ẹtẹ Ijudiya ni.
12Ọdọvịdị ayị nịnị vị ana kụ obo hi ụvọ dị e zù wa obo.
Aza ẹ yị sị ụbanyị yị azọkụ ayị vụrụ-vụrụ.
13Ezwọọmụha ayị vị ana aa sị ụkata zaa kwọ̀ ayị,
dị ezi ọnọrụ ayị kụkụ aa sị ahụụ jị ọsaa nyee ọkụ ene kune tụra wa mẹ ngụ wa nị.
14Azọkụ nịnị ẹ yị kụkụ gẹ enoze oze ana ngụ ẹkụra,
ọpa ezweyi ẹnị ẹ̀ yị kụkụ mẹ aahẹ.
15Ayohine ayị ộ ta;
ẹzẹ ọnị ịị nyị ọ sị vara ayodu.
16Avaba ịsị ẹnị yaa sị me eyi zị ệ ta.
Ya sị da agụvị ebira odivi ọnị ị mẹ.
17Ịrẹyị ẹnẹnị ẹ raa mẹ ka ayị ayị ọ va zi,
ẹgọ ẹ yị kụkụ zẹẹ ka ye re ẹtẹ ẹtẹẹrẹ ị maa jị òrèrè,
18agụvị ka ataba Ịzayọnị ọ sị tụ́ osusu,
dị ahịka irezi ịnị avị ẹ kụkụ aa woowo ngụ ịnị anị zị nị.
19Ama ẹwụ, Ẹnẹyịmavara ọ vị ohinọyị pooro zịna-zịna nị.
Ẹ wa rẹ vaa mẹ̀ ịjọva pooro ne tu ẹzẹtẹ ẹhẹ nị.
20Sị ẹ vẹ dị Ẹnẹyịmavara maanị hi ayị ayị gọdọ?
Sị ẹ vẹ dị ụ maanị và ịrẹma ayị gọdọ?
21Ẹnẹyịmavara kwogwo, kụ yị varẹma ka ẹngụ awụ vẹ! Kụ yị varẹma!
Navọ wa và ayị ịrẹma nọ udi ụbanyị ayị ịyẹẹyẹ.
22Ẹnẹyịmavara ụ wáá sị yị yi tịtẹ saka-saka nị? Aanị ka ọyịkụ awụ ẹ yị vaa nyị ẹhwị?
Currently Selected:
Arụwẹ 5: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
