Ijoovu 26

Ịrẹyị ọnị Ijoovu kà

1Ijoovu ka, 2Ibiridadi wee ro ka ọnị aa gụ ọkụmị anị ụvọ aanị nị? Áá vị aanị a mẹ̀ẹ sị ụvọ gẹ ọkụmị kwẹẹtẹ? 3Sị ẹ vẹ di e du irenu anị ha di ee beri ọnị ọnụra jị uwe. 4Ọ kà eni Ibiridadi ro ka ọ vaa wụ́ ịrẹyị ẹnẹẹ kẹ? Ẹnẹ tụ ọ ka ọ̀ maanị ka ẹngụ ịrẹyị ọnọnị?

5Aneku ene hi ini enyi iruvo ẹtẹ vị ana nyayịnẹ ee hí angwa Ohomorihi ịzọọ. 6Ịdị aneku ẹ yị tẹ yị Ohomorihi Ee re avaba ịsị e hi ịzọọ 7Ohomorihi vị ana gana ihinẹba ku oze eyi ẹbẹẹba, Ẹ́ yị nyị ịsị ọ sị ẹhẹ gẹ ịnị anị. 8Avọọ ọ mẹ rẹ sị eguhi banyị para enyi nị. Enyi ọnọọ ẹ yị gara eguhi ha. 9Ohomorihi ọ sị ụhwẹ tẹ ịrẹma eguhi, dị ọ gana eguhi ku ọ nị. 10Ohomorihi ọ tẹ̀ ẹhwị ẹtẹ tụ ịrẹsụ oku yị ọọdụ ọnịrị ịrahụ. 11Ộ mẹ̀ kara eyi hi ọhẹ ọnị ọ ka ihinẹba, angwa o hi wa dị eyee zizi nị. 12Ọ sị ụkata anị za ahị ịnị oku jẹẹ. Ịrẹyọyẹ anị ọ sị wụ̀ uye odivi ini òkū ana aā hị́ Ịrahabị. 13Ọ̀ọ tụ ụhwẹ kẹnẹ dị avaba ẹtẹ hweyi ịnị ihinẹba; ụvọ anị ọ̀ sị wụ̀ ẹ́wụ́ ene e zwe nị. 14Avaba ịsa ẹnịnị aa kiiki ịnị ụkata anị anka o rere hu ohi kẹnẹ avọọ nị. Ẹnẹ zụ yẹ ịzị Ohomorihi banyị na za.

Currently Selected:

Ijoovu 26: EBTP

Highlight

Copy

Compare