Ijeremaya 42
42
Aza ệ dá ịpẹ yị Ijeremaya ka ò pe ẹnị mẹ̀ aduwa
1Ijeremaya ka avaba ẹnị ọdọvịdị isoja, beri Ijohananị ozi Ikareya ọnịrị Azariya ozi Ihosaya, ệ kụ aza irenyi-irenyi ve tu ọnị, 2dị ẹ ka, aarịhịnị, ọnị ò pè ẹnị mẹ̀ aduwa hi Ẹnẹyịmavara Ohomorihi ẹnịnịị de. Ẹ ka, ọnị ee ré ka ẹnị ệ vịdị rụrụ, ama ẹnị chee ọ vị booro aanị nị. Ọnị ọ̀ mẹ̀ aduwa yị ẹnị ana vẹtẹ anị de. 3Ẹnịnị ka, ọnị ọ̀ mẹ̀ aduwa ka Ẹnẹyịmavara, Ohomorihi ọ̀ zụ ẹnị oze ana vọrọ ka ẹnị zị, dị ọ̀ zụ ẹnị ịsị a vọrọ ka ẹnị ẹ̀ mẹ. 4Ijeremaya ka, dị ọnị tụ́ ohi ka, oo zoza de. Ọnị vaa mẹ̀ aduwaa hi Ẹnẹyịmavara, Ohomorihi ẹnịnị, anka ẹ́ mẹ tụ ọnị. Ịsa tụra ịsa ọọ ka, ọnị vaa kà a yị wa, ẹ́ yị nyị ọnị ọnị vaa sịị tẹ̀ yị wa. 5Dị ẹnịnị ka, Ẹnẹyịmavara ọ̀ vị onivenu ẹnịnị, ẹnị ẹẹ na mẹ avaba ịrẹyị ọnị Ẹnẹyịmavara, Ohomorihi ẹnịnị ọọ sị tụ́ ọnị hi ẹnị nị. 6Ẹ ka òo zoza, òo divi, ẹnị vaa saasa ịrẹyị Ẹnẹyịmavara, Ohomorihi ẹnịnị, ọnị ẹnị tụ́ ọnị ee nee tu aanị. Ẹ ka o vee zozaa yị ẹnị, ẹnị ẹ̀ẹ saasa a.
Ẹnẹyịmavara ô tụ́ ohi aduwa Ijeremaya.
7Ijeremaya ka, ịjị ọ sị mẹ ẹkụhị ẹẹwụ, dị Ẹnẹyịmavara kà ịrẹyị ọnị nị. 8Dị ọnị Ijohananị, ọnịrị avaba ọdọvịdị isoja anaa saasa a beri avaba aza ana vọ nị. 9Dị ọnị kà a yị wa ka, Ẹnẹyịmavara, Ohomorihi Anisirẹrị, ọnị ẹ́ tụ ọnị ne họ̀ usirẹyị ka, 10wàa dọ di ụ yà ịnị ẹtẹ ọnọnị nịnị nị, ọnị vaa mẹ ka waa yara nịnị, ọnị ẹ́ yị vaa gara wụ nịnị. Ọnị vaa hị́ wụ nịnị, ọnị é yi vee hu wu nịnịị hụrẹ ẹtẹ. Ọ kà ụya ọnị ọnị sị rị wụ nịnị aanị, ô du ọnị ayị. 11Ẹnẹyịmavara kà, asị ụ re kuku hí angwa ohinọyị Ịbabịrọnị ọnị wee hí angwa anị nịnị aanị. Ọ kà ọnị jẹẹ pe wu nịnị, ọnị vaa dọ wụ nịnịị hụrẹ ụvọ. 12Ẹnẹyịmavara kà, agụvị ka ọnịị vayị ọza, ọnị vaa mẹ ka ọ̀ vayị awụ nịnị, dị ọ navọ wụ nịnị ka waa nọ echi awụ nịnị. 13Ama, wàa ka wẹ́ yị kụkụ yà ịnị ẹtẹ ọnọnị nịnị, dị wẹ yị saasa ịrẹyị ọnị Ẹnẹyịmavara Ohomorihi awụ nịnị nị. 14Wàa ka ụ waa naa ra ẹtẹ Ijipiti nịnị, ka ịzọọ u wè yị vee re ịrẹkụ nịnị nị, à vị ka wa wụ ọpanyị ịrẹyị nịnị nị. Wèe roo ka ịzọọ ụngwẹ ẹ̀ yị vaa kụ̀ wụ nịnị dị ụ ka waa na ra ịzọọ nịnị nị, 15ẹwụ nịnị Anijuda ana vọ ọ̀ wụ́ ịrẹyị Ẹnẹyịmavara nịnị. Ẹnẹyịmavara Ochẹtẹẹngụ, Ohomorihi Anisirẹrị nịnị ka: Wàa sị eyi và ka Ijipiti ka waa naa rá ịzọọ nịnị, 16ịrẹkụ ọnị wee hí angwa anị nịnị aanị, ọ vaa wụ̀ wụ nịnị ịzọọ nị. Ụngwẹ ọnị wee hí angwa anị nịnị aanị vaa tụra wụ nịnị na ngụ ịzọọ, dị ụ sú va hi ịzọọ nịnị. 17Ẹnẹyịmavara kà avaba aza ana sị eyi và ka Ijipiti ka ẹnị aa naa rá ịzọọ aanị, vị ọnị ịrẹkụ, ụngwẹ ọnịrị ụkụ vaa wụ̀ ha, ọ ka, ẹ́ yị nyị ọza ana vaa há hụụnị ịrẹyị odivi ọnị ọnị vaa kụ ụ tù wa. 18Ẹnẹyịmavara Ochẹtẹẹngụ, Ohomorihi Anisirẹrị nịnị ka, ayị mẹ kụ ọnị tu Anijerusarẹmị nịnị avọọ, avọọ ayị mẹ rẹ vaa kụ ọnị tu wu nịnị wàa nọ Ijipiti nịnị nị. Ọza enee ré wu nịnị, vị ana angwa vee hí; Aza vị anaa vànaa sị wụ nịnị mẹ ịyẹyẹ, dị we yi me vene re ẹkụra ọnọnị nịnị. 19Ijeremaya ka, dị ọnị rẹ kà a yị wa ka, Ẹnẹyịmavara ọ́ raa kà a yị ẹwụ nịnị ana vẹtẹ tụ Ijuda ka, asị ụ nọ Ijipiti nịnị o. Dị ọnị raa kà wụ nịnị ọ̀nọ̀ booro anị ka 20eyi ọnị wee nyee nịnị aanị, ẹhẹ awụ nịnị u ve sii sí ụta anị o, ọnị ka, ẹwụ nịnị ọ tụ ọnị ka ọnị ọ̀ na mẹ̀ aduwa hi Ẹnẹyịmavara, Ohomorihi ayị nị, dị ụ kà a nịnị ka ụ vaa mẹ avaba ịsị ọọ ka nị. 21Booro aanị, ọnị ọ́ raa kà a wụ nịnị avaba ịsị ọ kà, ama wẹ́ yị saasa nịnị. 22Avọọ, yẹ́ nịnị ịzẹyịza ka, ịrẹkụ ụngwẹ ọnịrị ụkụ ọ vaa wụ̀ wụ nịnị vaa ha ịzị ụ ka waa naa rá nịnị avọọ nị o.
Currently Selected:
Ijeremaya 42: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
