Ihoseya 12

1Anehwireemi nịnị vị ana sị avaba ụmẹ ẹnịnị tịtẹ aa sị dụ osusu ọnịrị oyidu kẹnẹ. Dị ẹ dà ụvọ tụ́ ụvọ ịnị ireche ọnịrị ezigidi ọyịmẹ̀ huu avọọ nị. Dị ẹnịrị Anisiriya mẹ̀ eto vabẹ, dị ẹyaa sẹ̀ ohu angwẹ nọ Ijipiti nị.

Ịtọpa Akamawụ Anisirẹrị

2Ẹnẹyịmavara kà Anijuda nịnị ẹ nyị ịrẹyị anị. Ộ ka ọnị vaa sị ụya ebira Anisirẹrị nịnị rị wa. Ọnị vee si wa atọ ịsị ẹnẹ ệ mẹ̀. 3#Oyn 25.26#Oyn 32.24-26Dị a va ma ada ẹnịnị Ijekọvụ, ô sị vụrị ka ọnị ọ mẹ ẹnẹbẹnị anị Iisọ rị ịnị ịrẹka ọnyị anị. Avọọ ọ mẹ rẹ beri Ohomorihi vụ ịrẹvụ ọ mẹ vị ọmụha nị. 4#Oyn 28.10-22Ô beri anggẹẹrị vụ ịrẹvụ, dị ô hu ọ, dị ộ jị òrèrè, dị ọ da ịpẹ ka ọ mẹ̀ aduwa yị ọnị nị. Ẹkụra ana aā hị́ Ịbẹtẹrị, Ohomorihi ve tu Ijekọvụ dị o pè ka ịrẹyị nị. 5Ịrẹha Ohomorihi ọnọnị ọ rị Ẹnẹyịmavara Ochẹtẹẹngụ nị. 6Agụvị avọọ ẹwụ nịnị ezi Ijekọvụ sị ayị tụra Ohomorihi awụ nịnị, dị wa vaka a vẹ. Sì ịrẹyị anị, dị waa mẹ ịsẹ ẹ vọrọ, di wee zi Ohomorihi awụ nịnị pooro. 7Anisirẹrị nịnị sị mẹẹ anka osohu ẹnẹ ẹ yị nyị ịzẹyịza anaa mẹ ọza rị avọọ nị. 8Ẹnịnị aa kà a ka ẹnị ẹ nyị ẹkẹhị ama ẹ yị nyị ọza ana zụ za ẹnịnị ka ẹnị aa mẹ̀ ọza rị, dị ọ va vị ịvị yị ẹnị. 9#Ire 23.42,43Ẹnẹyịmavara kà ọnị ọ vị Ohomorihi ana kụ́ wa hụrị ẹtẹ Ijipiti nị. Ọnị vaa mẹ̀ ka ẹ rẹẹ̀ varẹma na ra ịnị ajẹngụ anka ụmẹ ana aa sị rị eche avọọ. 10Ọ kà ọnị ộ ka ịrẹyị yị ọnịsẹ nịnị, dị ọnị mẹ̀ ka e re ẹtẹ ọrụrụ-ọrụrụ ana mẹ ka ẹ yẹ ka ẹnịnị ee vee vú ẹtẹ nị. 11Igiriyadi ẹ yaa hẹkẹ ori, dị ẹ yaa kụ́ ụnọ mẹ̀ ịsọvọ. Ụta ẹnịnị vị ana vaa vị ịrẹta ana za gụ ịnị avị kẹnẹ. 12#Oyn 29.1-20Ijekọvụ ô zwe na ngụ ẹtẹ Aramị ịzị ộ mẹ̀ ụkọrọ ana a sị sị ọnẹẹ ga a, ọnẹẹ o sere atẹmẹ yị ọza nị. 13#Kụra 12.50,51Ẹnẹyịmavara ộ tụ́ ọnịsẹ ka ọ kụ́ Anisirẹrị hụrị Ijipiti, dị o sere wa. 14Anisirẹrị nịnị ệ mẹ̀ ayị kụ́ Ẹnẹyịmavara ẹtẹẹtẹrẹ, avọọ ọ mẹ̀ ọkarẹyị usu si ụta ịvị ẹnịnị yị wa nị.

Currently Selected:

Ihoseya 12: EBTP

Highlight

Copy

Compare