1 Ịtọpa 26

Aza enee sere Irehi Ohomorihi

1Â nyị ẹnị Anireevi eneē sere Irehi Ohomorihi. Aanị a mẹ̀ gà ụkọrọ nị. Â nyị ọnọrụ ana aā hị́ Imeseremiya ozi Ikoore hụụ ịrẹsụ Ikohati. Imeseremiya ọnọnị vị ana hụrị ovwoovu Asahwi vẹ. 2Ộ ma ezi ọnọrụ ịhịmba. Ẹ́nịnị mẹmẹ vị ọzọkụ yị ẹngụ a chẹrẹ wa aanị nị: Ịzakaraya, Ijediyayeri, Izebadiya, Ijatiniyẹrị, 3Erami, Ijehohananị, ọnịrị Eriyehoyenayi. 4#2 Ịsa 6.11; 1 Ịtọ 13.14Â rẹ nyị ọnọrụ ọsa ana aā hị́ Ọbẹdị Edomi. Ohomorihi ộ sị ezi ọnọrụ ịhịnta mẹ̀ ẹ ẹyịza. Ẹ́nịnị mẹmẹ vị ọzọkụ yị ẹngụ a chẹrẹ wa aanị nị: Isemaya, Ijehozabadi, Ijowa, Iisaka, Inetaneri, 5Amịyẹrị, Iisaka, ọnịrị Ipewuretayi. 6Isemaya ozi Ọbẹdị Edomi ana vị ọzọkụ ọnị ộ rẹ ma ezi ọnọrụ ohi-ohi ẹ vị ịpa ada ẹnịnị nị, agụvị ka ệ nyị ụkata ẹtẹẹtẹrẹ. 7Ezi ọnọrụ Isemaya ẹnẹnị ẹ vị: Otini, Irehweri, Obẹdị, ọnịrị Erizabadi. Ẹnịnị ệ nyị ẹyịnyara ẹẹva ana aā hị́ Erihu ọnịrị Isemakiya. Ẹnịnị vị ana nyị ụkata ụnarenyi. 8Hụụnị ovwoovu Obẹdị Edomi kẹnẹ, aza ẹnị ẹbẹẹta tụra ẹẹva ệ hwọọ mẹ̀ ụkọrọ ẹtẹẹtẹrẹ nị. 9Hụụnị ovwoovu Imeseremiya, â nyị aza ẹnị ẹwụrịhịnta ana hwọọ mẹ̀ ụkọrọ. 10Â nyị ọnọrụ ana aā hị́ Ihosa hụụ ịrẹsụ Ịmẹrari. Ộ ma ezi ọnọrụ ẹẹna: Isimiri (ẹ yị vị ọnị ọ vị ọzọkụ ama ọnị ada ẹnịnị sị mẹ ọdọvịdị nị), 11Ihikaya, Itebariya, ọnịrị Ịzakaraya. Avaba aza ana hụụnị ovwoovu Ihosa enee sere irehi Ohomorihi vị ẹnị ẹwụrẹta. 12Ẹnị enee sere irehi Ohomorihi vị ogu-ogu anka ovwoovu ẹnẹ hụrẹ vẹ. Â sị ụkọrọ ẹnịnị yị wa ịnị irehi Ohomorihi anka á mẹ̀ sị yị Anireevi ana vọ. 13Ovwoovu ikonyi ikonya, ẹ̀ẹ banyị, èe weyi vị anaa zama ẹtẹẹ tụ ọ dị ẹ̀ yẹ oze ọbanyị ẹnẹ ẹnị vee sere. 14Iseremiya a sị oze ọbanyị ana yà eyi oni ọyịị̄ hụrẹẹ vẹ yị nị. Dị a sị oze ọbanyị ana ya eyi ẹbẹẹba yị ozi anị Ịzakaraya nị. 15Obẹdị Edomi a sị oze ọbanyị ana ya eyi ụvẹtẹ yị nị, dị ahịka ezi a nyị ka ee sere aku-aku ana aā kụ́ ịsaa hi nị. 16Â nyị ọnọrụ ana aā hị́ Isupimi. Ọnịrị Ihosa a sị oze ọbanyị ana ya eyi ọnị ọyịị̄ zịị ngụ ẹtẹ ọnịrị oze ọbanyị Ịsarẹkẹtị yị nị. Oze ọbanyị ọnọnị vị ana ya oze ẹbẹẹba. Vị́ a gà ụmẹ yị wa ene eyee sii sere ẹtẹẹ tu ẹngụ tu ẹngụ nị. 17Ẹkụhị ọnya-ọnya, oserẹtẹ ịhịnọnyị aa yà eyi ọnị ọyịị̄ zịị ngụ ẹtẹ nị; dị ẹnị ẹẹna-ẹẹna yà eyi ẹbẹẹba ọnịrị eyi ụvẹtẹ. Oserẹtẹ ẹvẹẹva aà sere aku ikonyi ikonya ana aā kụ́ ịsaa hi nị. 18Â nyị oserẹtẹ ẹẹna enee sere oze ana gụrị ajẹngụ ana a jị tụ eyi ọnị ọyịị̄ zị naa ngụ ẹtẹ, dị ẹnị ẹẹva yà ịnị ajẹngụ ọnọọ ụvọta nị. 19Aanị a mẹ̀ gà ụkọrọ yị ẹnị ezi Ikoora ẹnịrị ezi Imerari enee sere ẹtẹ oze ọbanyị nị.

Ụkọrọ ana vọ ini Irehi Ohomorihi

20Â nyị Ahija ọnịrị ẹnị Anireevi ana vọ ene si eyi pe ogu ene hi ini irehi Ohomorihi ọnịrị aku-aku ana aa kụ ẹyịza ana a kụ tịtẹ yị Ohomorihii hi. 21Â nyị ọnọrụ ọnya ana aā hị́ Ịradanị. Ọnya ini ezi ọnọrụ Ịgasoni ọ vị̀ nị. Ọnị ọ vị ohiku ovwoovu ọrụrụ-ọrụrụ nị. Ọnị ọ rẹ yị vị ohiku ovwoovu ozi anị Ijehiyẹrị. 22Ịradanị ộ ma ezi ọnọrụ ẹẹva ọsa, Ịzẹtamị ọnịrị Ijowẹrị. Ẹnịnị ê si eyi pe ogu ene hi ini irehi Ohomorihi ọnịrị aku nịnị ana aā kụ́ ịsaa hi. 23Â rẹ gà ụkọrọ tu Anamịramị, Aniziha, Anihebirọnị, ọnịrị Anuziyeri. 24Â nyị ọnọrụ ana aā hị́ Isebuweri, ozi Imosiisi ana aā hị́ Igerisomi ọ̀ vị ohiku anị nị. Isebuweri ọnọnị ọ vị ohirẹsụ ẹnị ene si eyi pe ogu ene hi ini Irehi Ohomorihi nị. 25Anda anị ana vọ ẹ vị ezi Eriyaza ọyịnyara anị nị. Eriyaza ọ vị ada Irehabiya nị, dị Irehabiya vị ada Ijesaya. Ijesaya ọ vị ada Ijorami nị, dị Ijorami vị ada Izikiri nị. Izikiri ọ vị ada Iseromiti nị. 26Iseromoti ọnịrị ovwoovu anị ẹ sị eyi pe avaba ẹyịza oni ohinọyị Idevidi sị va yị Ohomorihi nị. Ẹnị e si eyi pe ẹyịza ọnị ohirẹsụ ovwoovu-ovwoovu, ọnịrị ọdọvịdị ịrẹsụ-ịrẹsụ, beri ọdọvịdị isoja nịnị kụ́ va yị Ohomorihi nị. 27Ẹnịnị ệ nyị hụụnị ogu ẹnẹ ẹ kụ ẹ mẹ̀ nọ ịrẹkụ va yị Ohomorihi ka à sịị mẹ̀ ụkọrọ ini irehi Ohomorihi. 28Iseremoti ọnịrị ovwoovu anị e si eyi pe avaba ịsa ana a sị yị Ohomorihi ka à sị mẹ̀ ụkọrọ ini irehi anị nị. Ịsa ọnị Ịsamụwẹrị ọnịsẹ sị vẹ, ịsa ọnị ohinọyị Ịsọọrụ ozi Ikisi sị vẹ, ịsa ọnị Abịna ozi Ineeri sị vẹ ọnịrị ịsa ọnị Ijowabi ozi Izeruya sị vẹ.

Ụkọrọ ẹnị Anireevi ana vọ

29Ini ezi Aniziha, Ịchẹnanịya ọnịrị ezi anị a ka ẹ̀ si eyi pe á mẹmẹ aa mẹ̀ ụkọrọ nị: Ẹnị aa chẹrẹ ịsa aa mẹ̀, dị ẹ rẹ yaa mẹ̀ ọkarẹyị yị aza ana àa nyị ịrẹyị ịnị Anisirẹrị nịnị nị. 30Hụụnị ịrẹsụ Anihebirọnị, Ihasabiya ọnịrị anda ẹnịnị akahị tụra akatarẹchẹhị (1,700) a ka ẹ̀ si eyi pe ịrẹyị ahẹkẹ ọnịrị ịrẹyị uzee Anisirẹrị nịnị ene hi eyi ọnị ọyịị̄ zị naa ngụ ẹtẹ okuha Ijodani nị. Avaba anda ẹnịnị ẹnẹnị vị aza ọkọọka. 31Â nyị ọnọrụ ọnya ana aā hị́ Ijeriya. Ọnị ọ vị ọdọvịdị Anihebirọnị nịnị nị. Ọ́ mẹ̀ sị gụ ịrayị ẹbẹẹva oni Idevidi rị ohinọyị, ê ne sì iruvo ovwoovu ezi Ihebirọnị nịnị. Dị e re isoja ọkọọka ana vị anovwoovu ọnọnị ka ẹẹ ra hi ịzị aā hị́ Ijazeeri ịnị ẹtẹ Anigiriyadi nị. 32Ohinọyị Idevidi ộ nyị ẹnị akawụ tụra akatarẹchẹhị ịnị ohirẹsụ ovwoovu aza Ịjẹrịya. Dị ọ ka ẹnịnị è sị eyi ịrẹyị ahẹkẹ ọnịrị ịrẹyị uzee Anisirẹrị nịnị ene hi eyi ọnị ọyịị̄ zị vẹ okuha Ijodani nị. Ịzọọ ọ vị ẹtẹ Irubẹnị, Ịgaadị ọnịrị ezi Ịmanasẹ ene hi eyi ọnị ọyịị̄ zịị vẹ nị.

Currently Selected:

1 Ịtọpa 26: EBTP

Highlight

Copy

Compare