ULĪFAYI 20
20
Ulé kú á lɛyítáajɛ ŋ́
1Óndú ā da Umósīsi kóō 2Le ka lɛ ācɛ kú Ísrɛ̄lu ā kahíníī, “Ɔ̄cɛ kú Ísrɛ̄lu dóódu, ámāŋ éwɔhá nēe bá ɔlɛ́ aá, kwú ɔyí nū dóódu ú lɛ ɛcí nēé hī ka Umɔ́lɛ̄ki ā kéē bī ɔ̄ le yá ɛdɔ kú úklɔ́ dúúmā eko nēé gē gbō ɔ̄ ɛ̄gbā, ójīla kú ācɛ Ísrɛ̄lu géē tɛ́ɛ́cɔ̄ klá anú cɛ́ɛ́ kóō gekwú. 3Ami abɔ̄yī um géē héyī kwu ɔ̄cɛ ɔ́ɔmā. Ó klla gáā wɛ éyi kú ācɛ ɔlɛ́ um ɛ́ɛ́ gɛ ŋ́. Ohígbū koó kwú ɔyí nū ú gwɛ́ɛya lɛ Umɔ́lɛ̄ki, cɛ̄ lɛ Áklɔ̄kpīihɔ kú um ā kwú tēelihɔ. Ó klla le uwēyī je lɛ iyē ōtīihɔ kú um. 4Amáŋ ɔ́dāŋ ka ācɛ kú ajɛ ā lɛ eyī gwū ɔdā nōó yá ā tá, nēé ŋmó ɔ̄ ŋ́, 5ami abɔ̄yī um géē héyīkwu ɔ̄cɛ ɔ́ɔmā mɛ́mla ācɛ ɔlɛ́ nū, mɛ́mla odúúdú ācɛ nēé pīya tɔ̄há mɛ́mla anú, kéē cɛ̄ɛ̄lā kú um gɛ ŋ́, nyɔ̄ gaá gbɔɔ́ ō gbā umɔ́lɛ̄ki ɛ̄gbā ā. É í gáā wɛ éyi kú ācɛ ɔlɛ́ um ɛ́ɛ́ gɛ ŋ́.
6“Ɔ́dāŋ ka ɔ̄cɛ dúúmā i tá ɛga ācogwɛ́bā nyɔ̄ í le ɛbā gwó, ámāŋ koó le tá ɛgiyí aɔ́hɛ kéē nwū ɔ̄ ɛlā, n géē bɛ́yíkwu ɔ́. Ó kē gáā wɛ éyi kú ācɛ ɔlɛ́ um ɛ́ɛ́ gɛ ŋ́. 7Aá lɛ iyī aá tīihɔ, ohígbū ka ami, Óndú ā nōo wɛ Ɔwɔicō kú aá á tīihɔ. 8Aá lɛ íne kú um tū, ohígbū ka ami nōo wɛ Óndú ā, abɔ̄yī um yá aá tīihɔ.” 9#Oyɛb 21.17; Umát 15.4; Umák 7.10Óndú ā klla lɛ aíne nēe bá nyā kpó lɛ uwá kpɔ́. “Ɔ̄cɛ dúúmā nōo lɛ ɛcá cá ádā nū ámāŋ ka ɛ́nɛ́ nū, é géē ŋmó ɔ̄. Ɔ̄cɛ ɔ́ɔmā ā bī ikwū gē lɛ iyī nu á.
10 #
Oyɛb 20.14; Ulīf 18.20; Obla 5.18 “Ɔ́dāŋ ka ɔ̄cɛnyīlɔ éyi le ikpó kú ɔnyā kú ɔ̄cɛ Ísrɛ̄lu ɔhá dóódu ce, é géē kpó ɔ̄cɛ ɔ́ɔmā mɛ́mla ɔnyā ā ŋmó 11#Ulīf 18.8; Obla 22.30; 27.20Ɔ̄cɛ nōo le ikpó ɔnyā ádā nū ce, le uwēyī je lɛ ádā nū ɛɛ́. É géē kpó anú mɛ́mla ɔnyā ádā nū ā ŋmó. Ɛfiyɛ kú ikwū kú uwā ce īyī uwā ɛyí 12#Ulīf 18.15Ɔ́dāŋ ka ɔ̄cɛ dúúmā le ikpó ɔnyā ɔyí nū ce, é géē kpó uwá ɛpɛlɛ́ɛpa ŋmó. Ɛfiyɛ kú ikwū kú uwā géē ce iyī uwā ɛyí 13#Ulīf 18.22Ɔ́dāŋ ka ɔ̄cɛnyīlɔ dúúmā le ikpó kú ɔ̄cɛnyīlɔ ɔ́mpānū ce, ɔdēelihɔ nēé yá á. É géē kpó uwá ɛpɛlɛ́ɛpa ŋmó. Ɛfiyɛ kú ikwū kú uwā ce iyī uwā ɛyí 14#Ulīf 18.17; Obla 27.23Ɔ́dāŋ ka ɔ̄cɛ le ɛ́nɛ́ mɛ́mla ɔyí nū nɔ̄nyā lɛ ɔnyā nū, é géē kpó uwā ɛtɛ́trɛ́ɛtá yɔlá dúúdú. Ohígbū ka ɔdā uwēyī nɛ̄hi nēé yá á. Aá híī yá ɔdā ɛ́gɔ́ɔmā ipú aá ŋ́. 15#Oyɛb 22.19; Ulīf 18.23; Obla 27.21Ɔ́dāŋ ka ɔ̄cɛ le ikpó ɛbɛ́ ce ɛ́gɛ́nɛ̄ é gē cikpó ɔnyā ā, é géē kpó anú mɛ́mla ɛbɛ́ ā ŋmó 16Ɔ́dāŋ ka ɔ̄cɛnyā dúú kwú iyī nū ú táajɛ lɛ ɛbɛ́ kóō lɛ ikpó nū ce ɛ́gɛ́nɛ̄ ɔ̄cɛ ī cikpó ɔnyā ā. É géē kpó ɔnyā ā mɛ́mla ɛbɛ́ ā ŋmó. Ɛfiyɛ kú ikwū kú uwā ce iyī uwā ɛyí.”
17 #
Ulīf 18.9; Obla 27.22 Ɔ́dāŋ ka ɔ̄cɛ le ɔyínɛ́ nū nɔ̄nyā, ámāŋ ɔyí ádā nū nɔ̄nyā lɛ ɔnyā, aá géē je uwēyī lɛ uwá ipéyī odúúdú ācɛ, cɛ́ɛ́ é lɛ uwá kpó nū ŋmá ipú ójīla kú ācɛ Ísrɛ̄lu. Ó í móōwē kú ɔdā nōó yá ā, ohígbū koó le ikpó ɔyínɛ́ nū nɔ̄nyā ce. 18#Ulīf 18.19Ɔ́dāŋ ka ɔ̄cɛ le ikpó ɔnyā nōo yɔ̄ ī nyílá kú ɔyɔ̄ɔ̄yā kú nū ce, aá géē nū uwā ɛpɛlɛ́ɛpa ŋmá ipú aá. Ohígbū ka uwá le íne kú iyē ō tū yēŋēē bīya. 19#Ulīf 18.12-14Ɔ́dāŋ ka ɔ̄cɛ le gwutá mla ɔmáapú ádā nū ámāŋ ɔmáapú ɛ́nɛ́ nū nɔ̄nyā, uwá ɛpɛplɛ́ɛpa géē móōwē kú ɔdōbɔ̄bí nɛ̄hi nēé yá ā. 20Ɔ́dāŋ ka ɔ̄cɛ dúúmā le ikpó ɔnyā ɔmáapú ádā nū ce, ó le uwéyī je lɛ ɔmáapú ádā nū ɛɛ́. Uwá ɛpɛlɛ́ɛpa géē móōwē kú nū. É gáā ma ɔyí ŋ́ gbóógbóō ipú ɛcɛ nyā. 21#Ulīf 18.16Ɔ́dāŋ ka ɔ̄cɛ mīyɛ ɔnyā ɔyínɛ nū le ɔ́ lɛ ɔnyā nū, ó le ɔdēeliho yá ɛɛ́, klla le uwēyī je lɛ ɔyínɛ́ nū ā. É gáā ma ɔyí ŋ́ jāā gbéeko nēé í kwú.”
22Óndú ā kahíníī, “Aá géē lɛ odúúdú aíne kú um nyā tū, cɛ́ɛ́ kú ajɛ kú Ukénan nɛ̄ n yɔ̄ ī kpó aá nyɔ̄ anú ā kóō híī bɔ̄bí lɛ aá ŋ́. 23Aá híī yá ucē kú ācɛ nɛ̄ n gē nū bɛ̄cɛ hīla aá nyā ŋ́. Ucē obɔ̄bí nɛ̄hi nēé yá ā cɛ̄ le ɔtū kú uwā wá um nɛ̄hi. 24Amáŋ, n le okónu ce ka n géē je ajɛ olɔhi o yá ɔdɛ̄hɔ̄ nɛ̄hi nyā lɛ aá kóō wɛ ákú aá ā, n géē je ɔ́ lɛ aá. Ami wɛ Óndú ā, nōo wɛ Ɔwɔicō kú aá á. N le aá fō tá ɛyɛ́ɛyɛ́yí hɛ̄ ācɛ nēe bá ā tá. 25Aá géē jé ɛyɛ́ɛyɛ́yí kú ɛbɛ́ mɛ́mla aígbáanɔ nēe wɛ ɛ́béelihɔ mɛ́mla aɛ́nɛ̄ o le yēŋēē. Aá kóō híī lé aɛ́bɛ́ ámāŋ ka aígbáanɔ nēe wɛ ɛ́béelihɔ lɛ aá ŋ́. N le ka tɛ́ɛcɛ ka é wɛ ɛ́béelihɔ lɛ aá. Ɔ̄cɛ dúúmā nōo le odóódu kú uwā lé géē je tēelihɔ. 26Aá géē wɛ ācɛ otīihɔ, kú aá wɛ ācɛ ɔlɛ́ um ofōōfū um, ohígbū ka ami Óndú ā tīihɔ, n klla lɛ aá fō ɛyɛ́ɛ́yí hī ācɛ ohile tá, cɛ́ɛ́ ká āā wɛ kú um ofōōfūnū.”
27Ɔ̄cɛnyīlɔ, amáŋ ɔ̄cɛnyā dóódu nōo gē gwɛ́ɛbā klla gē yá ɔhɛ, é géē tá ɛcɔ̄ klá anú kéē lɛ ɔ́ ŋmó. Ɛfiyɛ kú ikwū kú nū géē ce ɔ́ ɛyí.”
Currently Selected:
ULĪFAYI 20: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma
