ULĪFAYI 19

Aíne ɛdɔ ɛyɛ́ɛyɛ́yí

1Óndú ā da Umósīsi kóō 2#Ulīf 11.44,45; 1 Upít 1.16le ka lɛ ójīla kú Ísrɛ̄lu ā kahíníī, “Aá le īyī aá tīihɔ, ohígbū ka ami Óndú ā, nōo wɛ Ɔwɔicō kú aá ā tīihɔ 3#Oyɛb 20.12; Obla 5.16; Oyɛb 20.8; Obla 5.12Odúúdú aá géē lɛ ojīlīmā ce ɛ́nɛ́ aá mɛ́mla ádā aá. Aá géē lɛ ɛ̄cī Usábāti kú um ā tū ɛ́gɛ́nɛ̄ n je íne kú nū lɛ ā. Ami wɛ Óndú ā, Ɔwɔicō kú aá á. 4#Ulīf 26.1; Oyɛb 20.23; 34.17; Obla 17.2-5Aá híī cīgbīhi gaá pɛ̄cī ɛ́ɛ́ gɛ ŋ́, ɛ́ɛ́ nɛ̄ aá géē yá ojíbó dóódu lɛ iyī aá ŋ́. Ami wɛ Óndú ā, nōo wɛ Ɔwɔicō kú aá á.

5“Aá lɛ aíne nɛ̄ n je lɛ aá lɛyíkwu ɛbɛ́ nɛ̄ aá ge ŋmó eko nɛ̄ aá géē gwɛ́ɛya kú ɛbɔ́ ā tū, cɛ́ɛ́ n géē mīyɛ ɛya kú aá ā. 6Aá géē je ɛbɛ́ ā lé ícíícɛ nɛ̄ aá gwɛ́ɛya ā ámāŋ ka ɔŋmɔ́cī nū. Aá géē je ɛbɛ́ dóódu nōo hile gbó ɛ̄cī ɔ́mɛɛtá ā yɔlá, 7ohígbū koó kwú pīya ɔdēelihɔ ɛɛ́. Ń gáā je ɔ̄cɛ dúúmā nōo le lé éyi, ka ó wɛ kú ācɛ ɔlɛ́ um gɛ ŋ́. 8Ɔ̄cɛ dúúmā nōo le lé géē lɛ́pɔ̄bí kú o je ɔdā nēé kwú kwɛ́ɛya ga um ā tēelihɔ. Ohígbū ɔ́ɔmā, é gáā je ɔ́ ka éyi kú ācɛ ɔlɛ́ um gɛ ŋ́.

9 # Ulīf 27.15; Obla 24.19-22 Eko nɛ̄ aá le ɔdɛ̄hɔ̄ kú aá ce ŋmá ajɛ, aá híī cē aɛ́nɛ̄ o kwu okónōgwu ɛhɔ̄ ā ŋ́. Aá kē gáā kwúcē igbīhi gaá tɔ́ɔpla ce aɛ́nɛ̄ ohile ā ŋ́. 10Aá híī tá ɔgwɔɔgwu kú ɛhɔ̄ kú ufáyin kú aá ká aá yá īkpō nōo hɛ́ aá abɔ̄ wāajɛ ámāŋ ka aɛ́nɛ̄ e hile igbīhi nɛ̄ aá le ákú aá kpó wū ŋmá anú ā ŋ́. Aá habɔ̄ aɛ́nɛ̄ e bá abɔ́ɔ ā tá lɛ aógbɛhá mɛ́mla aéwɔhá. Ami nōo wɛ Óndú ā, Ɔwɔicō kú aá á ka á.

11 # Oyɛb 20.15; Obla 5.19; Oyɛb 20.16; Obla 5.20 Aá híī wūūwī ŋ́#19.11 wuuwi Ɔdā nēé tá okónu Uhíb nyā lɔfú wɛ ɔ̄cɛ o kwú tá ɔlɛ́ abɔ̄fú, ɔ̄cɛ o kwú dɔ̄ɔ̄kā ije ce ɔ́ mɛ́mla ɔ̄cɛ o kwú abɔ̄fú gaá cɔ̄fiyɛ 12#Oyɛb 20.7; Obla 5.11; Umát 5.33Aá híī bī iyē kú um le gbɔkpá ɛ̄kɛ̄mgbɛ̄ ŋ́. Ɔ́dāŋ ka aá jé ka aá í gáā yá ɔdā nɛ̄ aá gbɔkpá kú nū ɔ́ɔmā glá ŋ́. Ɔdā ɛ́gɛ́nyā gē bī uwēyī gé lɛ iyē kú um. Ami wɛ Óndú ā, nōo wɛ Ɔwɔicō kú aá á.

13 # Obla 24.14,15 “Aá híī lɛ abɔ̄ da ɔ́mpa aá ɛyí tū ajɛ ŋ́ ámāŋ nú ɔdā dóódu kú nū abɔ̄fú ŋ́. Aá híī bī ulé kú ɔ̄cɛ nōo yúklɔ́ lɛ aá ā otú gbɔ́ɔ̄cī ŋ́. 14#Obla 27.18Aá híī cá odahɔ̄ ɛcá ŋ́, ɛ́ɛ́ nɛ̄ aá gē lɛ ɔdā ō hɛ́ ɔ̄cɛ gwōnū tá ɔwɛ lɛ ópeyī ŋ́. Aá lɛyítáajɛ gā um. Ami wɛ Óndú, nōo wɛ Ɔwɔicō kú aá á.

15 # Oyɛb 23.6-8; Obla 16.19 “Aá géē hɛ́ɛ́pɔ̄ okpaakpa ɛga okɛpɔ̄ kú aá. Aá kóō híī méyīnyinyi ɔ̄cogbɛhá ŋ́, ɛ́ɛ́ nɛ̄ aá gē yúfi ɔ̄colɔdu ŋ́. 16Aá kóō híī yɔ̄ ī kɛ̄mgbɛ̄ lɛyíkwu ɔ̄cɛ dúúmā ŋmá amu ga ánū ŋ́. Aá cīījáalí nōo géē nya ɔ̄cɛ nēé yɔ̄ gē kɛpɔ̄ ɔ̄cɛ ō ŋmó tū ɔ̄ ā tá. Ami wɛ Óndú ā á.”

17 # Umát 18.15 “Aá híī bī ɛlā kú ɔyínɛ́ aá tɔ̄ɔ̄tū ŋ́. Amáŋ lɛ ɔdā dúú nōo yɔ̄ ɔtāhɛ̄ kú aá ā kagwó mla anú, cɛ́ɛ́ kú aá lɛ íne bīya ohígbū nū ŋ́. 18#Umát 5.43; 19.19; 22.39; Umák 12.31; Ulúk 10.27; Uróm 13.9; Ugal 5.14; Ujém 2.8Aá gwó ɔ̄cɛ dúúmā ɔ́ci ŋ́, ɛ́ɛ́ nɛ̄ aá kōō yɔ̄ ī wɔ́tū nū ŋ́. Amáŋ aá yíhɔtū tá ɔ́mpā aá bɛ̄ɛka ɛ́gɛ́nɛ̄ aá abɔ̄yī aá ā gē yíhɔtū tá iyī aá ā. Ami wɛ Óndú ā á.”

19 # Obla 22.9-11 Aá lɛyítáajɛ lɛ íne kú um. Aá cɛ̄ lɛ aɔ́dāajɛ kú aá ce ɔnyā ɛdɔ ɔhá gwū ɛdɔ kú iyí uwā tá ŋ́. Aá kóō híī nyi īkpɔ̄dɛ̄hɔ̄ ɛyɛ́ɛyɛ́yí ɛpa tū ipú ajɛ ɛhɔ̄ éékpónú ŋ́. Aá kóō híī lɛ úwé nēé bī ɛdɔ kú īlī ɛyɛ́ɛyɛ́yí ɛpa le gɔ́ ɔ̄ ā wiyē ŋ́.

20“Ɔdāŋ ka ɔ̄cɛ dúúmā má gwutá mla ɔfiyɛ nɔ̄nyā nɛ̄ ɔ̄cɛ ɔhá le ɔ̄kā nū da táajɛ ka anúɔ gē lɛ, é géē yá uwā ɛplɛ́ɛpa italā ofōōfūnū, nááná nɛ̄ ɔ̄cɛ ɔhá ā í gbā ije kú ɔnyā ā, cɛ́ɛ́ kéē lɛ ɔ́ hɛ́tá ɛ́ɛ́ ŋ́ mā. É gáā ŋmó uwā ŋ́, amáŋ é géē bɔ̄kwu ɔdā nōo yá ā ohígbū ka ɔnyā ā wɛ ɔfiyɛ kpɔ́ ɛ́ɛ́. 21Amáŋ, ɔ̄cɛ ā géē bī omlede kú ɛya kú ɛpɔ̄bí gé lɛ um okómpīinu kú Áklɔ̄kpīihɔ, ɛga nɛ̄ n yɔ̄ ā kú ɛya ōgwó kú ine o bīya mɛ́mla ɛpɔ̄bí ō lé kú nū. 22Ɔ̄cogwɛ́ɛya ā, géē bī ɔ̄ le gwɛ́ɛya nōo géē gwu ɔ́ iyē, cɛ́ɛ́ Ɔwɔicō kwú íne nōó bīya ā ú yá ɔ̄ ɛhi.

23Eko nɛ̄ aá ga ipú ajɛ kú Ukénan, anɔ́ɔ aá le ɛdɔ kú ɔcí o gwíikpō dóódu nyi, aá géē je ɔcí koó wɛ ɔcí elihɔ ipú iháyí ɛtá kú aflɛ́yí ɔ́ɔmā. Aá híī lé īkpō kú nū ɛpléeko nyā ŋ́. 24Aá géē kpó odúúdú īkpō kú ɔcí gā um bɛ̄ɛka odée kú ɛya gā um kóō wɛ ɛya nɛ̄ aá gwó tá um ahínyá á#19.24 ká aá mafú ka ɔdā nɛ̄ n yá lɛ aá ā jɛ̄ aá eyī, ámāŋ ká aá cɛ̄tra um 25Amáŋ, aá lɔfú lé īkpō kú ɔcí ā iháyí ɔ́mɛɛhɔ̄ ā glá. Ɔ́dāŋ ka á lɛ yá ɛ́gɛ́nɛ̄ n ka lɛ ā, aɔ́cí kú aá géē gwíkpō nɛ̄hi. Ami wɛ Óndú ā, nōo wɛ Ɔ́wɔicō kú aá á.

26 # Ohút 9.4; Ulīf 7.26,27; 17.10-14; Obla 12.16,23; 15.23; Obla 18.10 “Aá kóō híī lé ɛbɛ́ dúúmā nēé fu oyī kú nū bónū ŋmá anú ŋ́ mā ŋ́. Aá híī yúklɔ́ imabɔ̄ ɛ́dɔ dúúmā ka ɔhɛ ō yá ŋ́. 27#Ulīf 21.5; Obla 14.1Aá híī hɛ́ inyīlɛ̄yí kú aá áklō ikpɛ̄yí, ámāŋ gbɛ́ ɔnwū kú aá wāajɛ ŋ́. 28Aá híī fu ɔkpíyē kú aá ukɔ̄ ámāŋ tíína tū ɛga dúúmā kú ɔkpíyē kú aá kóō mafú ka aá yēekwu kú ɔ̄cɛ nōo gekwú ā ŋ́. Ami wɛ Óndú ā, nōo wɛ Ɔwɔicō kú aá á.

29 # Obla 23.17 Aá híī je ayínɔ̄nyā kú aá pīya akwuna#19.29 aákwuna kú ikpɛ́cí. Ɛdɔ kú anyā nēe bá ā bá agbla kú ɛcí kú ācɛ kú Ukénan, ɛga nēé gē gbā ɛcí kú o ma nyīla kú aɛ́bɛ́ mɛ́mla aɔ́dɛ̄hɔ̄ ɛ̄gbā. Ācɛ ā kē cɛ̄ ká eko nɛ̄ ācɛ le gwutá mla aákwuna nēe bá abɔ́ɔ ā, ɔ́ɔmā gē yá kú ɔdɛ̄hɔ̄ kóō yá lɔhi mɛ́mla o yá kú aɛ́bɛ́ kéē ma nyīla kú īkpɛ́cí dúúmā ŋ́ ohígbū nōó í je pīya ɔdūwēyī lɛ uwá. 30#Ulīf 26.2Aá géē lɛ ɛ̄cī usábāti kú um ā tū, aá klla í lɛ ojīlīmā ce Áklɔ̄kpīihɔ kú um. Ami wɛ Óndú ā, nōo wɛ Ɔwɔicō kú aá á.

31 # Obla 18.11; 1 Usám 28.3; 2 Aɔ́cɛ́ 23.4; Ayis 8.19 “Aá híī ga ɛgiyí ācomɛ́ɛbɛ ámāŋ ka ācogwɛ́bā ŋ́. Ɔ́dāŋ ka aá le yá lɛ ā, aá géē je tēelihɔ. Ami wɛ Óndú ā, nōo wɛ Ɔwɔicō kú aá á.

32Aá lɛ ojīlīmā ce anyākwɔ́cɛ cɛ́ɛ́ kú aá tɛ́yíwāajɛ lɛ uwá. Aá kóō yúúfi ami nōo wɛ Ɔwɔicō kú aá klla lɛyítáajɛ lɛ ɛlā kú um. Ami wɛ Óndú ā, nōo wɛ Ɔwɔicō kú aá á.

33 # Oyɛb 22.21; Obla 24.17,18; 27.19 “Aá híī yá aéwɔhá nēe lā ipú ajɛ kú aá ā owē ŋ́. 34“Aá je uwá bɛ̄ɛka éyi kú ācɛ Ísrɛ̄lu aɔ́mpa aá. Aá yíhɔtū tá uwā bɛ̄ɛka ɛ́gɛ́nɛ̄ aá í yíhɔtū tá iyī aá ā. Aá bla ka aá abɔ̄yī aá tɛtɛ wɛ éwɔhá ipú ajɛ kú ācɛ Íjīpiti. Ami wɛ Óndú ā, nōo wɛ Ɔwɔicō kú aá ā.

35 # Obla 25.13-16; Aíit 20.10; Isík 45.10 “Aá híī bī ɔdā ō miya ɔdā kú újí lɛ miya ɔdā dúúmā lɛ ɔ̄cɛ ŋ́. Ó kōō wɛ ákú ɔdā ō gbɛnú ámāŋ ka ɔdā ō lɛwa 36Aá kóō bī ɔdā ōmiya odée okpaakpa ā lɛ miya ɔdā lɛ ācɛ. Ami wɛ Óndú ā, nōo wɛ Ɔwɔicō kú aá, nōo kpó aá bɛ̄cɛ ŋmá ajɛ kú Íjīpiti ā á. 37Aá lɛyítáajɛ lɛ odúúdú aíne kú um ā. Ami wɛ Óndú ā, nōo wɛ Ɔwɔicō kú aá ā á.”

Currently Selected:

ULĪFAYI 19: IFBCL

Highlight

Copy

Compare