ULĪFAYI 21
21
Ɔ̄cogwɛ́ɛya ā tīihɔ
1Óndú ā da Umósīsi kóō ka lɛ ayínɔ̄nyīlɔ kú Árɔ̄ni nēe wɛ ɔ̄cogwɛ́ɛya ā kahíníī, “Ɔ̄cogwɛ́ɛya dúúmā í gá ā je iyī nū tēelihɔ oŋmá lɛ o nyɔ̄ í yá uculo kú ɛyíkwū eko nɛ̄ ɔmáapú nū gekwú ŋ́. 2Ayíka ádā uwā, ɛ́nɛ́ uwa, ɔyí uwa nɔ̄nyīlɔ, ɔyí uwa nɔ̄nyā, 3ámāŋ ɔyí uwa nɔ̄nyā, nōó lɛ ɔbá ŋ́, nōo yɔ̄ ɔlɛ́ uwa nɛ. 4É gáā je iyī uwa tēelihɔ eko nɛ̄ ohilí uwā gekwú ŋ́. 5#Ulīf 19.27,28; Obla 14.1Ɔ̄cogwɛ́ɛya dóódu í gáā wā ɛyí kú nū ámāŋ ɔnwū agba, ámāŋ pi ína dóódu tū ɔkpíyē kú nū, kóō mafú koó yēkwu ŋ́. 6É géē wɛ ācɛ otīīhɔ lɛ Ɔwɔicō kú uwā. É gáā je uwēyī lɛ iyē kú Ɔwɔicō kú uwá ŋ́. Ohígbū kú é gē je ɔdōlé kú ɛ̄gbā gwɛ́ɛya gā um á. Ó le lɛ ā, é géē tīihɔ. 7Ɔ̄cogwɛ́ɛya dóódu í gáā lɛ ɔnyā nōo tɛtɛ wɛ akwuna ámāŋ ɔnyā nōo tɛtɛ le ɔ̄cɛnyīlɔ jé ɛɛ́, ámāŋ ɔnyā nōo tɛtɛ lɛ ɔbá gbɔbū nēé tá ŋ́. Ohígbū ka ɔ̄cogwɛ́ɛya ā tīihɔ. 8Ācɛ ā géē je ɔ̄cogwɛ́ɛya ā ka ācɛ o tīihɔ. Ohígbū keé gē gwɛ́ɛya gā um. Ami nōo wɛ Óndú ā, nōo je aá tīihɔ ā, n kē tīihɔ. 9Ɔ́dāŋ ka ɔyínɔ̄nyā kú ɔ̄cogwɛ́ɛya dúúmā kwú pīya akwuna. Ó le uwēyī je lɛ ádā nū ɛɛ́. É géē je ɔyínɔ̄nyā ɔ́ɔmā yɔlá dúúdú.”
10“É le anɔ̄ pīya tū otrɛ̄yí kú ācogwɛ́ɛya ā ɛyí, klla kwú abɔ̄ ú ce ɔ́ ɛyí kóō lɛ ɔdōwiyē kú ācogwɛ́ɛya ā wiiyē ɛɛ́. Ohígbū ɔ́ɔmā, ó gáā híla úwé kú nū ámāŋ mabɔ̄ ɛyí kú nū tá kwiicō kóō híī fíyɛ́ ɔ̄ ŋ́ nɛɛ ŋ́, nōo í mafú koó gē yēekwu ŋ́. 11Ó gáā ga inu ɛgiyí okwū dúúmā ŋ́. Ó kōō wɛ okwū kú ádā nū ámāŋ ákú ɛ́nɛ́ nū. 12Ɛ́ɛ́ nōó géē bɛ̄cɛ, ŋmá ipú Áklɔ̄kpīihɔ ā kóō je Áklɔ̄kpīihɔ kú Ɔwɔicō kú nū tēelihɔ ŋ́. Ohígbū ka anɔ̄ ihɔ kú Ɔwɔicō kú nū yɔ̄ ɔɔ́ ɛyí. 13Ó géē lɛ ɔnyā nōó jé ɔ̄cɛnyīlɔ jéjéé ɛ́ɛ́ ŋ́ mā. 14Ó gáā lɛ ɔnyā okwū, amáŋ ɔnyā nɛ̄ ɔbá nū tá ɔ̄, nōo le tēelihɔ ŋ́, ámāŋ ka akwuna ŋ́. Amáŋ ó géē lɛ ɔyípɔ̄ncɛ́nyā nōó je ɔ̄cɛnyīlɔ jéjéé ɛ́ɛ́ ŋ́ mā, ŋmá ipɔ́ɔma kú ācɛ ɔlɛ́ nū. 15Ó lɛ ā ŋ́, ayípɛ̄ ɔlɛ́ nēe cíkā ō tīihɔ ā, géē je pīya ācɛ o tēelihɔ. Ami wɛ Óndú ā á, n le ɔ́ fō tá céé kóō wɛ otrɛ̄yí kú Ācogwɛ́ɛya.”
16Óndú ā da Umósīsi kóō 17le ka lɛ Árɔ̄ni kahíníī, “Áyááyí kú uwɔ dúúmā nōo le nyɔ́nyí í gáā gwɛ́ɛya kú ɛ̄gbā kú ɔdōlé ɛ́dɔ dúúmā gā um ŋ́. Íne nyā í yɔ̄ jāā gbéeko ɛcɔ̄bū nōo ī wā ā. 18Ɔ̄cɛ dúúmā nōo lɛ ɔ́nyí iyē í gáā túblá ɛyí ede ajaajɛ ámāŋ gwɛ́ɛya gā um ŋ́. Ɔ̄cɛ dúúmā nōo le eyī pu, le ikpó ce, ámāŋ le ɛdɔ kú ɔ́nyí dóódu iyē, 19ɔ̄cɛ nɛ̄ ikpó ámāŋ abɔ̄ kú nū le ŋmó tíiyē, 20ɔ̄cɛ dúúmā nōo wɛ oligwū, ámāŋ ima, ámāŋ ɔ̄cɛ nōo lɛ eyī éyi, ámāŋ ōcē kú ɔkpíyē, ámāŋ okwápī í gáā gwɛ́ɛya kú ɛ̄gbā kú ɔdōlé gā um ŋ́. 21Ɔ̄cɛ ipɔ́ɔma kú Árɔ̄ni dóódu nōo le nyɔ́nyí í gáā gwɛ́ɛya gā um ŋ́. 22Ɔ̄cɛ ɛ́gɔ́ɔmā lɔfú lé ɔdōlé nēé le gwɛ́ɛya gā um, kwu ɔdōlé kú ɛya ɛ̄nɛ̄ o tīihɔ mɛ́mla ɛ̄nɛ̄ o tīihɔ fíyɛ́ dúú ā. 23Amáŋ, abɔ̄ ó le nyɔ́nyí ā, ó gáā túbla ukɔ́tin kú igá kú ɛga otīihɔ ā ŋ́ ámāŋ ka otúblá ede ā ŋ́. Ó gáā nyílá ɔ́dā otīīhɔ nēe bá nyā iyē ŋ́. Ohígbū ka ami nōo wɛ Óndú ā yá uwá tīihɔ á.”
24Ɛ̄nyā wɛ ɔdā nɛ̄ Umósīsi ka lɛ Árɔ̄ni mɛ́mla ayínɔ̄nyīlɔ kú nū mɛ́mla odúúdú ācɛ kú Ísrɛ̄lu á.
Currently Selected:
ULĪFAYI 21: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma