THIAMPI NADEHNAK 19

Thianthohnak le Dikcangnak Daan

1Israel mipi tei nelah hilh tukin, 2Topa in Moses nelah hi bangin hilh hi, “Keimah ka thiangtho bangbokin thiangtho un hi. Topa na Pathian uh ing.#Thiam 11:44-45; 1Pet 1:16; 3Kuakua hei in mah i nu le pa cu upat tek unna, ka thupiakmi bangin Sabbath ni cang un hi. Keimah cu Topa na Pathian uh ing.#Suah 20:8, 12; Daan 5:12, 16;

4Ka lak pen tai in milim bia pahsuh un; daal tuah pathian zuk bawlin bia pahsuh un. Keimah cu Topa na Pathian uh ing.#Thiam 26:1; Suah 20:23; 34:17; Daan 27:15;

5“Pawlkom biakpiaknak tukin ngan na ngawh uhten ka piaksa mi daan zui unna, mahten na piak uhmi biakpiaknak cu sang tung hi. 6Na ngawh uhmi cik cu na ngawh ni-in, ahimata a zingten ei un hi. A ni thumnak a tangmi cik cu mei tuah haal un. 7Itahim titale cik thiangtho ngawl a hih hangin mi pa kha khatin, a ei ahi tale na bawl uhmi biakpiaknak cu sang tuk mang hi. 8Ka lak a, piaksa mi a eih hangin le na thiangtho a simsial ngawl hangin misualah cang hi. Mah hangin amah cu ka hinnam sungah sialcih hi tukma toh hi.

9“Na lo sungah an na lak uhten lo ngi a um tianin la pahsuh un; na zamsa uhmi ansangte vang zeileh pahsuh un.#Thiam 23:22; Daan 24:19-22; 10Na lak khelh uhmi sabit ngah, ahimata leihum a cakmi sabit ngah zeileh tukin na dum uhah hawhleh pahsuh un. Mah mite cu mi ca-ngah le mi khual, sakzin, hangzin mitei ca in zam un hi. Keimah cu Topa na Pathian uh ing.

11“Nguca pahsun; mizol pahsun, zol thu son pahsun.#Suah 20:15-16; Daan 5:19-20; 12Na zui tuk ngawlmi thutepnak ka minin bawl pahsun; ka minsiatik ci. Keimah cu Topa na Pathian uh ing.#Suah 20:7; Daan 5:11; Mt 5:33;

13“Nangma metnak tuk hangin mi nauneh pahsun: midang thil sut pahsun. Midang i nilawh man cu zan khatno hei kem hih pahsun.#Daan 24:14-15; 14Bengbul tamsia pahsun; mitcaw pa bah hen tin, a maiah thil pa kha khat koih pahsun. Keimah kihca in, Topa na Pathian ing.#Daan 27:18;

15“Midang tei thu na khen ten pat bul nei ngawlin thuman le lamcam zetin sonin hi; mi ca-ngah pan cuang pahsun; mihau vang lau cuang pahsun.#Suah 23:6-8; Daan 16:19; 16Zolthu son pepel pahsun; mi pa kha khatin nunnak le thihnak thu a son ten na thu sonmi a nemcuam tuk tale maisong ngawlin hilhin, keima cu Topa ing.

17“Na unau huat mi nei pahsun; amah hangin misual na hih ngawlnak tukin khial hi na titale ciangno in hilh saw in hi.#Mt 18:15; 18Kua i hum hei ah phuba la pahsun; mi na huatnak vang na lungmu sungah cingleng pahsun; nangmah na ihdun bang bokin midangte it in hi. Keimah cu Topa ing.#Mt 5:43; 19:19; 22:39; Mk 12:31; Lk 10:27; Rom 13:9; Gal 5:14; James 2:8;

19“Ka thupiakmi zui un. Inn ngulh ngan phun bangten ngawl ca nei tukin phialduntik pahsuh un. Lo pa khat sungah anci nam nih cing kop pahsuh un. Nim nam nih a tahmi puan silh pahsuh un.#Daan 22:9-11;

20“Mi pa khatin ama sila nu cu midang pa khat i zineu tukin zuak tukin thutiam naven, a man a ngah laih ngawlin mah a sal nu cu a sualpih tale, a pa nih haw in thah hi haw tukma hi; a salnu hi leleng laihin, a luat laihngawl a hih hangin dantat piak tuk bek hi. 21Mahpa in tuucang pa khat mawhnak ca biakpiaknak tukin ka umnak Puanbuk kongka ah hunpih tuk a, 22mahmi tuah a sualthiannak tukin thiampi in thiantiknak bawl tuk a, Pathian in ngaidam tuk hi.

23“Kanaan ngam hengin, thingkung na phut uhten masa beel kum thum sung mah thingngah cu a thiangtho ngawlmi thingngah hi, tin ngaisung unna, ei pahsuh un. 24A kum linak ten thingngah hempoh cu keimah na Topa uh humah lungdam langtiknakin ka nelah ap khawng un hi. 25Mahnaven a kum nganak ten a ngahte cu ei un hi. Hitih bangin na bawl uh tale na thingkungte cu tam sesemin ngah tuk hi. Keimah cu Topa na Pathian uh ing.

26Thisan telmi cik cu ei pahsuh un. Pol le mizial bawl hihim pahsuh un.#Pian 9:4; Thiam 7:26-27; 17:10-14; Daan 12:16, 23; 15:23; 18:10; 27Mi thi ngaih hangin, na phu dip hum uh a sam met pahsuh un.#Thiam 21:5; Daan 14:1; 28Mithi ngai in, na mai uh caantik pahsuh un, na taksa uh vang sun pahsuh un. Keimah cu Topa ing.

29“Na canu uhte cu biakinn a, numei pha ngawl#19:29 Tisa zuaktuKanaan ngam a ummi ten a pathian haw biaknakah numei pha ngawl a koih mek haw hangin hi. hihnak tuah a mai haw nintik pahsuh un. Mahti bangin na bawl uh tale Pathian dang tei nelah tai hi tuk uh ci a, hi ngam cu nu le pa sual nawngkainak tuah dim tuk hi.#Daan 23:17; 30Sabbath ni cang un. Keimah na biaknak uh ka munthiang cu upat un. Keimah cu Topa ing.#Thiam 26:2;

31“Mithi hawvang a samthiamtu pol tei lakah kungkhai pahsuh un. Mahti bangin na bawl uh tale mithiang ngawl hi tuk uh ci. Keimah cu Topa na Pathian uh ing.#Daan 18:11; 1Sam 28:3; 2Kum 23:4; Isa 8:19;

32“Kum upa upat unna, kihcaknak nei un. Keimah kihca un. Keimah cu Topa ing.

33“Na ngamsung uh a, um bokmi ngamdangte bawlsia pahsuh un.#Suah 22:21; Daan 24:17-18; 27:19; 34Israel miten na zohdun uh bangbokin, amuh vang zo bok un. Nangmuh le muh na ngaihsakdun uh bangin amu ca ngaihsutsak bok un. Izipt ngam sungah mikhual na hih uh laih khi phawk ngil pahsuh un. Keimah cu Topa na Pathian uh ing.

35“A com le sau tehnak, a ngit le ngit ngawl khainak, a tam le a dem sialnakin hihen, thil man ngawl mangin, mizol pahsuh un.#Daan 25:13-16; Thup 20:10; Ezk 45:10; 36A com le sau tehnakin, a man mi tehnak mang un: a ngit le ngit ngawl khainakin, a man mi cuai mang unna, a tam le a dem sialnakin, a man mi nate mang un. Keimah cu Topa na Pathian uh ing. Izipt ngam pen nangmuh a suahtu ing. 37Ka daan le ka thupiakmi hempoh zui un. Keimah cu Topa ing,” ti hi.

Currently Selected:

THIAMPI NADEHNAK 19: NBF1

Highlight

Copy

Compare