THIAMPI NADEHNAK 18

Khammi Nupa Sualnak

1 Topa in Moses lakah, 2“Keimah cu Topa na Pathian uh ing. 3Na um awngnak uh Izipt ngam tei nuncan bangin nung pahsuh un, ka henpih tukmi Kanaan ngam mihing tei bawl bang vangin bawl pahsuh un. 4Keima daan bek zui unna, ka thupiakmite zui un hi. Keimah cu Topa na Pathian uh ing. 5Bawl tuk a, ka tihmite bawl unna, zui tuk ka piak mi daan zui un hi; mahti bangin na bawl uh tale nung tuk uh ci. Keimah cu Topa ing hi,” ti hi.#Neh 9:29; Ezk 18:9; 20:11-13; Lk 10:28; Rom 10:5; Gal 3:12;

6 Topa in, a nuailam a daan hi, amuh tei nelah pia hi. Kua hei hihen mai unaupihte tuah nupa sualnak bawl pahsuh un. 7Na nu tuah sualin, na pa i zahcak mualphonak bawl pahsun. Nangmah hingtu na nu a hih hangin a mai nintik pahsun. 8Na pa i zi dang tuah sualin, na pa i mualphonak bawl pahsun.#Thiam 20:11; Daan 22:30; 27:20; 9Inn khat sungah khuasa mi na hi uh hei in, na hi uh ngawl hei in hihen, na celnu ahimata nu dang hin na celnu sualpih pahsun.#Thiam 20:17; Daan 27:22; 10Na tu nu sualpih pahsun, na mualphonak hi tuk hi. 11Na pa i zileh canu kenmi sualpih pahsun, na celnu hi bok hi. 12-13Na ni ahimata na nu le na pa tei unau sualpih pahsun.#Thiam 20:19-20; 14Na pa i suahpih tei zi tuah sual pahsuh un, na nu hi bok hi. 15Na capa i zi tuah sual pahsun.#Thiam 20:12; 16Na mo tuah sual pahsun.#Thiam 20:21; 17Na sualpih mi numei nu i canu ahimata tu nu tuah sual pahsuh un; na unau pih hi leng bok hi, mahtibang cu thil nawngkai zetmi hi.#Thiam 20:14; Daan 27:23; 18Na zi a nun sung hempoh cu na zi i unau cu zi in huai pahsun.

19Numei daan a nei laih hunin numei zaupih pahsun, itahim titale mi thiangtho ngawl hi.#Thiam 20:18; 20Midang tei zi sualpih pahsun, itahim titale mi thiangtho ngawlin suak tuk ci.#Thiam 20:10; 21Molek pathian biaknakah na ca pia pahsun; itahim titale Topa na Pathian i min siatiktu in suak tuk hi. Amah bek hi Topa hi.#Thiam 20:1-5; 22Pano akua bang hei hihen a dang pano tuah sual pahsuh hen, mahti bang cu Pathian i huatmi hi.#Thiam 20:13; 23Pano hihen, ngamsa tuah sual pahsuh un hi; mahti bangin nawngkai in, na um uh tale mi thiangtho ngawl hi tuk uh ci.#Suah 22:19; Thiam 20:15-16; Daan 27:21;

24A hum a, khammi hi bawlin mi thiangtho ngawlin bawlduncop pahsuh un. Hi ngam na hen uh laih ngawlin a umtu Pathian thei ngawltu ten a hum a, kham mite a bawl haw hangin mi thiangtho ngawlin suak haw hi. Mah hangin noh ten a umnak haw na luah theihnak tukin, Topa in hawlvawk sak hi. 25A bawlmi haw hangin a ngam haw tianin ngam thiangtho ngawlin suak hi. Mah hangin Topa bawlsia in, a ngam haw vang lawlin um hi. 26-27Hiti bang ningdelhhuai thil bawlin a ngam haw cu nintik khawng zo haw hi. Mahnaven noh cu Topa i daan le thupiakmite zui unna, Israel mi hihen, na lak uhah ummi ngamdangmi hihen, kua hei in, hi tih bang thil sual cu bawl pahsuh un hi. 28Mah tih bangin na zui uh tale na mu laih ngawlin a umtu Pathian thei ngawlte a lawl bangin noh cu hi ngam pen lawl tukma hi. 29Hitih bang thil nawngkai le ningdelhhuai a bawltu cu Pathian hinnamin sialcih khak tukma toh hi tih cu thei tuk ci.

30 Topa in, “Ka thupiakmite hi zui un hi; hi ngam na hen uh laih ngawlin a ummi tei nuncan cu zui pahsuh un; a nuncan haw zui in, mi nawngkai in bawlduncop pahsuh un. Keimah cu Topa na Pathian uh ing,” ti hi.

Currently Selected:

THIAMPI NADEHNAK 18: NBF1

Highlight

Copy

Compare