THIAMPI NADEHNAK 12

Nauhin Nungten Thianthoh Dunnak

1A nuailam a daan hi Israel tei zui tukin Topa in 2Moses nelah pia hi. Numei pa khatin capa a hin ten, ha sial a neihmi numeidan i hangin mi thiangtho ngawlin sial a hih bangin, ni salih sung mi thiangtho ngawl hi. 3Ni liatnak ten a capa cu vunceptan hi tuk hi.#Pian 17:12; Lk 2:21; 4A thianthohleh laklawh ni sawm thum le ni thum ngak hen hi. A thianthohdun hun a kim laklawh a thiangthomi na zen pahsuh henna, Puanbuk thiangtho sung heiah tum hih ma hen.

5Canu a hing tale ha sial a neihmi thi hangin mi thiangtho ngawl a hih bangin ni sawm le ni li sung mi thiangtho ngawl hi. A thi tulnak pen a thianthoh laklawh ni sawm luk le ni luk sung ngak hen hi.

6Capa hingin, ahimata canu hingin, a thianthohdun hun a hen ten kum khat kim tuuno pa khat halkang biakpiaknak tukin Topa i umnak Puanbuk tumnak kongka a, um thiampi nelah hunpih tuk hi. Laileng pa khat ahimata khulo pa khat vangin sualhah biakpiaknak tukin hunpih hen hi. 7A ken mi biakpiaknak cu thiampi in Topa i nelah piak tukmi a nawngkainak thiangtho tukin biakpiaknak bawl tuk hi; mahbek ten numei thiangtho in suak tuk hi. Hi cu nauhing nawngkai thianthohnak tukin numei in, a zui kulmi daan hi.

8Numei in tuuno pa khat hei a nei mata, khulo pa nih ahimata laileng pa nih, pa khat cu halkang biakpiaknak tuk, a dang pa khat cu sualhah biakpiaknak tuk hunpih tuk hi. A nawngkainak thiangtho tukin thiampi in biakpiaknak bawlsak tuk a, mah nu cu mi thiangtho in suak tuk hi.#Lk 2:24;

Currently Selected:

THIAMPI NADEHNAK 12: NBF1

Highlight

Copy

Compare