SUAHTULNAK 38

Halkang Biakpiaknak Tuk Biaklandawh

(Suah 27:1-8)

1Halkang biakpiaknak tukin Bezalel in biaklandawh cu thingha in dawh hi. A tung le a vang cu tong nga veve hi. A sanlam cu tong thum hi. 2A hum a mutmi thing zum cu a kil pa liah mutin, biaklandawh tuah pehdun khawng haw hi. A venghawng daalin tuam hi. 3Mah biaklandawh ca in nate kuangkum, kawpia, thil koihnak le beel cu daal tuah bawl khawng hi. 4Khocang bangin daal pek bawlin, biaklandawh a sanlam i lang a hennak tukin mah daalpeek cu biaklandawh i mawk nuaiah koih hi. 5Biaklandawh puaknak tukin daalkual pa li bawlin a zawnnak ngolh holhnak tukin mah daalkual cu daalpeek i kil liah bulh hi. 6A zawnnak ngolh cu thingha tuah bawlin, daalin tuam hi. 7biaklandawh puaknak tukin a siklam pa nih a um daalkualah a zawnnak ngolh cu holh hi. Biaklandawh cu thingpek tuah bawlin a sung awngtik hi.

Khut Somnak Kuang

(Suah 30:18)

8 Topa i umnak Puanbuk sung tumnak kongkhah a nadektu numei tei neihmi daal thalang pen khutsomnak daalkuang le daal tawdamte bawl hi.

Topa i Umnak Puanbuk Upnak

(Suah 27:9-19)

9Puanbuk upnak a bawl ten hanglam mawk upnak cu kaih sawm nga a sau mi puan manpha, coihmi tuah bawl hi. 10Khuam sawm nih le a tawdam sawm nih cu daalin bawlin khuam zawl le a khihnak kualte cu ngun tuah bawl hi. 11Saklam mawk kulhtian vang cu mah ti bang lengin bawl haw hi. 12Nitumnak lam upnakin kaih sawm nih le kaih nga a saumi puanzak mangin, puanzak khaihnakin khuam sawm le a tawdam sawm bawl hi; khuamzawl le a letnak kual cu ngun tuah bawl hi. 13Nisuahnak lamah tumnak kongkhah umin, a upnak puanzak a manmi cu kaih sawm nih le kaih nga leleng sau hi. 14Tumnak kongkhah pen langkhat lam a puanzak cu kaih salih le lang zalin khuam pa thum le tawdam pa thum um hi. 15Kongkhah pen langkhat lam vang mahti bang lelengin bawl hi; mah hangin a upnak kongkhah pen taklam le veilamah puanzak kaih salih le a lang veve zalin khuam pa thum le tawdam pa thum veve bawl hi. 16Puanbuk upnak tukin man mi puanzak hempoh cu a phanin phan mi puan manpha ngeh tuah bawl hi. 17Khuam tawdam cu daal tuah bawlin khuam hum a um khuam zawl letnak kual khuamzawl le khuam lu tuamnak cu ngun tuah bawl hi. A upnak tukin manmi khuam hempoh cu ngun tuah bawlmi khuamzawl len khawng hi. 18A upnak kongkhah a puanzak cu coihmawi mi mepian, sandup le a sanmi tuumul le puan manpha a phanin phan mi tuah bawl hi. Mah puanzak cu a upnak a man mi puanzak dang bang lelengin kaih sawm sau in kaih nih le lang zal hi. 19Hi puanzak cu daal a bawlmi tawdam pa li a mutmi khuam pa liah khai hi. Khuamzawl letnak kual, khuam lek cunnak le khuamzawl cu ngun tuah bawl hi. 20Puanbuk, le a upnak puanzak khaihnak kual hempoh cu daal tuah bawl khawng hi.

Topa i Puanbuk Ca Manmite

21Thukham ngatnak suangpeek pa nih a koihnak haw Puanbuk sung a man haw mi nate cu cazin bawl haw in, a nuailam bangin hi. Mah cazin bawl tuk cu Moses in thupia a, thiampi Aaron i capa Ithamar khutnuai a nadektu Levi miten bawl haw hi.

22Judah miphun Hur i tupa Bezalel, Uri i capa in Moses lak a Topa i thupiaknak bangin thil hempoh cu bawl khawng hi. 23Bezalel bawmtu, Dan miphun Ahisamak i capa Oholiab cu suang kuat tuah zuksuai lamin, khutzung thiam, pungsan suai thiam le mepian, sandup, a sanmi tuumul le puan manphate tak thiamtu hi.

24Mun thiangtho a, manmi sui hempoh, Topa i lakah a piak haw mi sui cu biakinn cuai khainakah a khai ten pawng thawng nih le za le sawm kuah le pawng nga ngit hi. 25Israel miten mipum sial hunin, a piak haw mi ngun hempoh cu biakinn cuai khainakah khai ten pawng thawng salih za nga le sawm nga ngit hi.#Suah 30:11-16; 26Hihi cu Israel miten mipum a sial haw ten mi pa khatin, mai piak tuk zah ten a piak haw mi hulawmin biakinn cuai khainakah a khai haw mi zah hi. Mipumsial ten kum sawm nih le a humlam cu a venghawngin mihing thawng za luk le thawng thum za nga le sawm nga haw hi.#Mt 17:24; 27Ngun a piak haw mi venghawng sung pen mun thiangtho ca tuk hihen, puanzak ca tuk hihen, khuam tawdam a bawlmi haw hempoh ca tukin pawng thawng salih le za nga mang haw hi. Pawng thawng salih le za nga cu tawdam za khat ca a hih hangin ngun pawng sawm salih le pawng nga cu tawdam pa khat ca in mang haw hi. 28A tanglaihmi ngun pawng sawm nga tuah khuam ngunkual, khuamlek tuamnak le khuam zawlte bawl hi. 29Topa i lakah a piak haw mi daal cu a venghawngin pawng thawng nga za thum le pawng sawm ngit hi. 30Mah daal tuah Puanbuk sung tumnak kongkhah khuam tei tawdam, biaklandawh, khocang bangin bawlmi daalpeek le biaklandawh na hempoh bawl haw hi. 31Mah hum pen Puanbuk upnak khuam tawdam kongkhah khuam tawdam le Puanbuk ca in hihen, a upnak tukin hihen, puan khaihnak kual hempoh cu daal tuah bawl haw hi.

Currently Selected:

SUAHTULNAK 38: NBF1

Highlight

Copy

Compare