SUAHTULNAK 27

Biaklandawh

(Suah 38:1-7)

1“Biaklandawh cu thingha thing tuah dawh unna, a sau lam le a zallam a canvemi hi tuk hi. A sau lam le a zallam pi salih veve le a sanglam pi li le lang hi tuk hi. 2A kil liah thing zum pa li bulh unna, biaklandawh tuah pehdun khawng tuk hi. A venghawngin daal tuah tuam un. 3Biaklandawh a, sathau le vut laknak tukin, kawpia, kuang, thil laknak le beel bawl unna, biaklandawh na cu a venghawngin daal tuah bawl khawng un hi. 4Biaklandawh a, man tukin daal tuah suuk na bawl un. Mah daalsuuk killi ah daalkual pa li khaih unna, 5biaklandawh a sannak i lang tian a hennak tukin daalkual cu biaklandawh lek nuai deuhah na khaih un hi. 6Biaklandawh ca in thingha tuah a zawnnak ngolh bawl unna, daal tuah tuam un. 7Biaklandawh na zawn uhten biaklandawh sik a, ummi, daalkualah a zawnnak ngolh cu holh un hi. 8Biaklandawh sungah thingpek tuah akua bawl unna, mualhum a, ka lakmi innluang bangin bawl khawng un hi.

Puanbuk Upnak

(Suah 38:9-20)

9“Puanbuk, ka umnakah inntual bawl un hi. Inntual i hanglam mawkah kaih sawm nga sau, puan manpha tuah phanmi puanzak bawl un hi. 10Daal khuam sawm nih le a tawdam sawm nih cu daal tuah bawlmi hi tuk naven mah khuam tei humah a khaihnak le a ngaknak ngun tuah bawlmi um tuk hi. 11Mah bang lelengin saklam mawk a, puanzak cu kaih sawm nga saumi hi tuk a, daal tawdam neimi daal khuam sawm nihah khaih un hi. Mah khuam tei humah a bahnak le ngun tuah bawlmi a ngaknak um haw tuk hi. 12Nitumnak lam, a zallam upnak tukin kaih sawm nih le kaih nga a sau mi puanzak tuah khuam sawm le tawdam sawm tuah bawl un hi. 13Nisuahnak lam, kongka umnak lam upnak cu kaih sawm nih le kaih nga zal tuk hi. 14A tumnak pen langkhat lam mawk puanzak cu kaih salih le lang a zalmi, khuam pa thum le a tawdam pa thum bawl un hi. 15a dang langkhat lam mawk a, zakmi puanzak vang kaih salih le lang a zalmi, khuam pa thum le a tawdam pa thum hi bok tuk hi. 16A tumnak kongka puanzak cu mepian, a san le san dup, tuumul le mawizet coihmi puan manpha, kaih sawm sau in bawl un hi. Mah puanzak tawdam pa li pen a dingmi khuam pa li humah khaih un hi. 17A upnak khuam hempoh cu ngun tuah bawlmi khuam zawl tuah pehdun khawng tuk a, khuam zawl bahnak cu ngun tuah bawlmi hi haw tuk hi. Khuam tawdamte cu daal tuah bawlmi hi haw tuk hi. 18Hi upnak cu kaih sawm nga sau, kaih sawm nih le kaih nga zal, kaih nih le lang sang hi tuk hi. Puanzak cu nimphan tuah tahmi puan mantam hi tuk hi. Khuam tawdamte cu daal tuah bawlmi hi haw tuk hi. 19Pathian umnak Puanbuk sung a, man mi na hempoh, iti bangin manmi ahi haw hei in Puanbuk le a upnak a, van bahnak hempoh tianin, daal tuah bawlmi hi khawng haw tuk hi.

Mei Vaknak Khuam

(Thiam 24:1-4)

20“Meivaknak kuang sungah olif sathau phabel haw hunpih tukin Israel mite thupia inna, mei inn cu catngawlin taksial vak leleng thei tuk hi. 21Puanbuk sung, Thutiam Kuang koihnak mai a, puanzak pualamah, Aaron le a capa ten taklam pepan zinglam tian Topa i maiah mah mei inn koih haw tuk hi. Hi thupiakmi cu Israel mite le a casuan ten a kumkhua kemin, a zui haw tukmi hi.

Currently Selected:

SUAHTULNAK 27: NBF1

Highlight

Copy

Compare