TITUS 2
2
Thuhilna Man Hil in
1Ahi vangin nang na hile thuhilna man tawh kituohin thu na hil in. 2Pasal khanghamte pen a kideh zo mi, a zatah huoi mi, a pilvang mi, upna man a nei mi, itna a nei mi, le thuoh zawhna a nei mi ahi nadingun na gen in.
3Tua ma bangin numei khanghamte zong a gamtatna uh zatah baang mi, mi gensie lo mi, zu’ sila a suoh lo mi ahi nadingun na gen in; amate in thu a hil ding vua, 4tuaci’n nupilate in a pasalte le a tate uh a it nadingun hanthawnin, 5Pasien’ thu a kigensiet lo nadingin amau le amau a ki-uh thei, a gamtat siengtho, inn sung vaihawm siem mi, a migi, le a pasalte thu a mang mi a suo nading uh ahi hi.
6Tua ma bangin pasal khangdawngte in a pumpi uh a ki-uh zo ciet nadingun hanthawn in. 7Nang mama in sil bangkimah gamtat hoina limpha na lah inlen, na thuhilna ah citahna le zatah huoina lahin, 8a kimawsah thei lo thutah na zang in; tua hile ei langpan mite in ei gensiet nading uh bangma thu mu loin a maizum ding uhi.
9Silate in a pute uh thu mang a, sil bangkimah amate a lungkimsah thei nading uh gen in; amate selkia loin, 10a nate uzong guhdappieh loin sil bangkimah i hundam pa uh Pasien’ thuhilna a etlawmsah ahi thei nadingun a kicing le a bukim a muonhuoina uh a kilahsah thei nadingun gen in.
11Bangzieh ahei cile mi zosie tunga hutdamna thu a puoh Pasien’ hepina ang kilang zo a, 12tua hepina in Pasien zatah lona le leitung cilesa deigawnate paimang dingin eite ei hil a, tuhun leitungah i pumpi ki-uh zo-in, thutang le Pasien zataha i hin nadingin ei hil kawmin, 13a lien i Pasien le i hundam pa Jesu Khris vanglien tahin ang kilah nading a manpha lametna ngahin i om uhi. 14Ama in eite gitlona zosie panin ei tankhie-in ama’ neituom mite ei sienthosah nading le nasep hoi i sep nop nadingin eite adingin amama ang kipumpieh zo hi.#Late 130:8; Pei 19:5; Thkna 4:20; 7:6; 14:2; 1Pet 2:9
15Tami thute gen inlen, thuneina#2:15 Gk “thupieh “ zosie tawh hanthawnin phawhsie in. Koima’ simmaw-in om sin.
Currently Selected:
TITUS 2: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
