TITUS 1
1
1Pasien’ nasem#1:1-3 Gk “sila “ le Jesu Khris’ sawltahpi keima Paul in, Pasien’ teeltuom mite upna zieh le Pasien’ mi hina tawh kituoh thuman thutah ziehin, 2zuouthu a gen ngai lo Pasien in leitung kipat masanga a ciemsa, kumtawn hinna lametna ah, 3a hun a tun ciengin eite’ Hundampa Pasien’ thupiehna tawh keima ei ki-ap tangkona tungtawnin ama’ thu hing kilangsah a,
4eite in i neiton uh upna sungah ka tapa tahtah ahi Titus tungah lai kang hlah hi:#2Cor 8:23; Gal 2:3; 2Tim 4:10
Pa Pasien le i Hundampa Khris Jesu tung panin hepina#1:4 Adang tang laibute ah “Hepina, khuotuona” ci-in kigiel hi. le lungmuonna na tungah hing tung taheh.#2Cor 8:23; Gal 2:3; 2Tim 4:10
Cerete Tuikulah Titus
5Crete tuikul ah kang nuasiena thu pen tam thu zieh ahi hi. Nangma na hile a kinuasie nasep bangsam teng na man sieng thei nading le kang lamlahsa bangin khuopi cin tengah hlattuom pawlpi upate se-in a koi ding na hi hi. 6Tua upa dingte pen paubanna a om lo mi, zi khatvei#1:6 Gk “zi khat’ pasal “ beh a nei mi hi ding a, a tate zong thu um mi hi-in, huasanin thu mang lo hi, ci-a a kimawsah lo mite hi ding hi. 7Bangzieh ahei cile hlattuom pawlpi kem siepa pen Pasien’ neisa a kempa ahi ma bangin paubanna a nei lo mi hi ding hi; a kiphasah lo, a thangpai bai lo, zu a hai lo, mi tawh a kihau lo, a gamhtat lo, met nading sui-in a hawhdah lo mi hi ding hi; 8tuale mahin zindo siem mi, thuhoi dei mi, a pilvang mi, a pumpi ki-uh zo mi, a thutang mi, biehna lam a pawnthaw mi le a kideh zo mi hi pelmaw ding hi. 9Thuhilna man tawh thu a hil thei nading le thuman a nielte a thuh thei nadingin ama in thuhilna dung zui-in a muontah thu a tukip mi hi pelmaw ding hi.#1Tim 3:2-7
10A paupeng mi, thu mot gengen mi, le mi sol thei mi tampi zong om a, a diehdiehin tep kitan mite lahah tam deu hi; 11amate pen a sip dide ding uhi, a zieh pen amate in a dih lo sum nga nadingin hil dinga a kilawm lo thute hilin, innkuon buppi a buoisah uhi. 12Amate lahah a kamsang pa khat in,
“Crete gam mite pen zuouphuo dente,
gamsa gilo, a thasie le a gongsante ahi uhi,” a ci hi.
13Tami teci panna pen a man ahi hi. Bangzieh ahei cile upna lamah a maan nading ule, 14Jew mite’ tangmite le thuman thutah a nielte’ thupiehte a thudon lo nadingun amate khautahin phawhsie in. 15A siengtho mite adingin na zosie siengtho a, hinanle a kisiete le thu um lo mite adingin a siengtho khat zong om lo hi. Amau’ lungsim mama le a kitheina lungsim uh a kisie hi. 16Pasien thei a kinei vua, ahi vangin a gamtatna utawh ama a nuol uhi. Amate pen a mudahuoi, thu mang lo, nasep hoi khatpo sem dinga a kilawm lo mite ahi uhi.
Currently Selected:
TITUS 1: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
