KILAHNA 7
7
A Kiciemtesa Israel Mi 144,000
1Tam zaw ciengin leitung kiuli-a a ding vantungmi li ka mu a, amate in leitung, tuipi tung, le singkung khatpo a mutmang zo lo nadingin tua leitung hui lite a tukon uhi.#Jer 49:36; Dan 7:2; Zech 6:5 2Nisuona lam panin a hingzing Pasien’ ciemtena a nei vantungmi adang khat ang kato ka mu a, ama in leitung le tuipi a suhsiet thei nadinga vanglietna kipiesa vantungmi lite nahpi tahin hlan a, 3amate kungah, “I Pasien nasemte’#7:3 Gk “silate “ talpang tungah ciemtena i khet zo masangsie leitung, tuipi, le singkungte susie nai sih un,” a ci hi.#Ezk 9:4, 6
4Tuale cieptesa mi phaza a kisim ka za a, Israel mi nam zosie sung panin mi tul za le tul sawmli le tul li cieptesa ahi hi:
5Judah be panin tul sawm le tul ni,
Reuben be panin tul sawm le tul ni,
Gad be panin tul sawm le tul ni,
6Asher be panin tul sawm le tul ni,
Napthtali be panin tul sawm le tul ni,
Manasseh be panin tul sawm le tul ni,
7Simeon be panin tul sawm le tul ni,
Levi be panin tul sawm le tul ni,
Issachar be panin tul sawm le tul ni,
8Zebulun be panin tul sawm le tul ni,
Joseph be panin tul sawm le tul ni,
Benjamin be panin tul sawm le tul ni kiciemte hi.
Minam Zosie panin Mihonpi
9Tam zaw ciengin ka khuodah leh mi namcin, be namcin, micin, le ham namcin panin koima’ simzawh lo mihonpi in puonpaa silin, a khut sung vuah lutu na a tawi vua, tuaci’n kumpi topha mai le Tuuno mai-ah a ding uhi. 10Nahpi tahin amate awngin,
“Hutdamna khu kumpi topha tunga a to
i Pasien ule Tuuno-a’ ahi hi!” a ci uhi.
11Kumpi topha, upate, le ganhing lite kimvela a ding vantungmi zosie in kumpi topha mai-ah kunin Pasien a bie vua,
12“Amen! I Pasien uh tungah minthanna,
pilna, lungdam kona, patawina, vanglietna,
le hatna om den tawntung taheh!
Amen” ci-in la a sa uhi.
13Tua ciengin upate khat in, “Tami puontuol paa silte koite hi a, hei pana hing pei uh ahei?” ci-in ei dong hi. 14Keima in, “Siepa aw, a thei nang na hi hi,” ka ci hi. Tua ciengin ama in keima kungah, “Tam mite pen gimna lienpi pana ang pei ahi uhi; amate in a puontuolte uh Tuuno sisan sungah sawp siengin a paasah zo uhi.#Dan 12:1; Mat 24:21; Mrk 13:19
15Tami ziehin amate Pasien’ topha mai-ah a om vua,
sun le zanin a biehinnpi sungah ama’ na a sem uhi.
Kumpi topha tunga a to pa in amate a dal ding hi
16Amate gilkiel ngai nawn loin,
zong dangta ngai nawn lo ding uhi;
nisa in zong ka ngai nawn lo ding hi.#Isa 49:10
17Bangzieh ahei cile kumpi topha laikima om
Tuuno khu amate a cing pa hi ding a,
hinna tuinah ah amate a peipi ding hi.
Tuale Pasien in a mittang panun hlitui zosie
a nulsieng pieh ding hi,” ei ci hi.#Late 23:1; Ezk 34:23; Late 23:2; Isa 49:10; 25:8
Currently Selected:
KILAHNA 7: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
