Popular Bible Verses from KILAHNA 7

Share

Tam zaw ciengin ka khuodah leh mi namcin, be namcin, micin, le ham namcin panin koima’ simzawh lo mihonpi in puonpaa silin, a khut sung vuah lutu na a tawi vua, tuaci’n kumpi topha mai le Tuuno mai-ah a ding uhi.

Nahpi tahin amate awngin, “Hutdamna khu kumpi topha tunga a to i Pasien ule Tuuno-a’ ahi hi!” a ci uhi.

Bangzieh ahei cile kumpi topha laikima om Tuuno khu amate a cing pa hi ding a, hinna tuinah ah amate a peipi ding hi. Tuale Pasien in a mittang panun hlitui zosie a nulsieng pieh ding hi,” ei ci hi.

Tami ziehin amate Pasien’ topha mai-ah a om vua, sun le zanin a biehinnpi sungah ama’ na a sem uhi. Kumpi topha tunga a to pa in amate a dal ding hi Amate gilkiel ngai nawn loin, zong dangta ngai nawn lo ding uhi; nisa in zong ka ngai nawn lo ding hi.

amate kungah, “I Pasien nasemte’ talpang tungah ciemtena i khet zo masangsie leitung, tuipi, le singkungte susie nai sih un,” a ci hi. Tuale cieptesa mi phaza a kisim ka za a, Israel mi nam zosie sung panin mi tul za le tul sawmli le tul li cieptesa ahi hi