KILAHNA 6
6
Ciemtena Sagite
1Tua ciengin Tuuno in ciemtena sagite lahah khat a phen ka mu a, ganhing lite lah pan khat in vanto ging bangin, “Hing pei in! “#6:1 Ahi sihle “Pei un! “ a ci ka za hi. 2Ka khuodah leh sakol kang khat na om hi! Sakol tunga a tuong pa in thal khat tawi-in ama tungah kumpi lukhu khat kipie a, tuaci’n guolzo pa hina tawh a guolzo dingin ama a kuonkhie hi.#Zech 1:8; 6:3, 6
3Ciemtena a nina a phen ciengin ganhing a nina in, “Hing pei in! “#6:3 Ahi sihle “Pei un! “ a ci ka za hi. 4Tua ciengin sakol san dang khat ang pusuoh hi. Tuale mite khatlekhat a kitha thei nadingun a tunga tuong pa in leitung panin kilemna a lahkhiet thei nadingin thu kipie hi; namsau golpi khat zong kipie lai hi.#Zech 1:8; 6:2
5Ciemtena a thumna a phen ciengin ganhing a thumna in, “Hing pei in! “#6:5 Ahi sihle “Pei un! “ a ci ka za hi. Ka khuodah leh sakol vom khat na om hi! A tunga tuong pa in tawitena kop khat a khutah tawi hi.#Zech 6:2, 6 6Tuale ganhing lite laikimah awging tawh a kibang khat ka za a, “Ni khat thaman#6:6 Gk “denarius khat “ dingin mangbu quart#6:6 Gk “choinix” (liter khat bang tawh kikim hi) khat le ni khat thaman#6:6 Gk “denarius khat” dingin mangbu-ham quart thum hi a, ahi vangin oliv thau le lenggazu susie sin!” a ci hi.
7Ciemtena a lina a phen ciengin ganhing a lina in, “Hing pei in! “#6:7 Ahi sihle “Pei in! “ a ci ka za hi. 8Ka khuodah leh sakol kang daang khat na om hi! A tunga tuong pa’ min pen Sina hi a, Misi khuo#6:8 Gk “Hades “ in ama nua a zui hi. Amate in namsau, kielpi, pulnatna, le gamsate tawh leitung seli-suo-sekhat a tha thei nadingun thuneina kipie hi.#Ezk 14:21
9Ciemtena a ngana a phen ciengin maitam nei-ah Pasien’ thu hang le teci a panna hang vua thana a thuoh mite’ hlagau ka mu hi. 10Amate in, “A thuman le a siengtho, Thunei pen pa aw, nangma in leitunga a teng mite tungah thukhenin ka sisan phu uh na lah masang bangtan sawt lai ding ahei?” ci-in nahpi tahin a kiko uhi. 11Amate tungah puontuol kang khat ciet kipie a, amate a kitha bangin a sawt lo-a kithat lai ding a naseppite#6:11 Gk “silate “ ule a sanggamte uh a kim sieng masangsie bakhat sung a khawl phot dingun amate kungah kigen hi.
12Ciemtena a guhna a phen ciengin ka khuodah leh, zil nasie tahin ang ling a, ni zong la-ip puon bangin ang vomin, hlapi pen a buppi-in sisan bangin ang san hi.#Kln 11:13; 16:18; Isa 13:10; Joel 2:10, 31; 3:15; Mat 24:29; Mrk 13:24-25; Luk 21:25 13Huipi a lan ciengin theipuomte a pul sieng bangin vana aasite lei-ah ang kiesuh hi. 14Laiziel a kizieltum bangin vanpi zong kizielin ang maimang a, muolpi le tuikul zosie a opna mun panin ang kikhinmang uhi.#Isa 34:4#Kln 16:20 15Tua ciengin leitung kumpite, miliente, galkapmangte, mihaute, mi thuneite, silate le sila lote a kipanin mi zosie, leikuohawm sung lah le muoltung suongpite lahah a kibu vua,#Isa 2:19, 21 16tua muolte le suongpite kungah, “Ka tung vuah hing kiesuh un, kumpi topha tunga a to pa’ maitang pan le Tuuno thangpaina panin ei lie un;#Hos 10:8; Luk 23:30 17azieh pen amau’ thangpaina ni thupi hing tung zo ta ahi ziehin koi in thuoh zo ding ahei?” a ci uhi.#Joel 2:11; Mal 3:2
Currently Selected:
KILAHNA 6: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
