KILAHNA 5
5
Laiziel le Tuuno
1Tua ciengin kumpi topha tunga a to pa zietlam khutah a sunglam le a pulama kigiel ciemtena sagi tawh kiciemte#5:1 Ahi sihle “a sunglama kigiel, le a pulama ciemtena seal kitumte” laiziel khat ka mu hi.#Ezk 2:9-10; Isa 29:11 2Tuale a thahat vantungmi khat in, “Tua laiziel a phen ding le a ciemtenate a phel dinga a kilawm koi ahei,” ci-in awging tawh a kiko ka mu hi. 3Tuale vantung ahi a, leitung ahi a, leinei ahi zongin tuami laiziel phenin a sung a en thei ding koima om lo hi. 4Tua laiziel a phen ding le a sung a en dinga a kilawm mi koima a kimu lo ziehin nahpi tahin ka kap hi. 5Tua ciengin upate khat in keima kungah, “Kap sin. En in, David’ Zungpi Judah minam Humpi in laiziel le a ciemtenate a phen thei nadingin guolzo ta hi,” ei ci hi.#Pien 49:9; Isa 11:1, 10
6Tua ciengin tua kumpi topha le ganhing lite kikal le upate lahah a kigosa tawh a kibang, ki sagi le mittang sagi a nei tuuno a ding khat ka mu a, tuate pen leitung zosie-a kisawl Pasien’ hlagau sagite ahi hi.#Isa 53:7; Zech 4:10 7Ama pei-in kumpi topha tunga a to pa’ zietlam khuta laiziel a la hi. 8Tua laiziel a lah zaw ciengin tuuno mai-ah ganhing lite le upa sawmni le lite a khupbawh uhi. Amate in mi siengthote’ thungetna ahi harp lasahna khat ciet le panamtui a dima kikoi kham kuong khat ciet a tawi uhi.#Late 141:2 9Amate in la tha khat,
“Laiziel a la ding le a ciemtenate
a phen dingin nang na kilawm hi,
azieh pen nang ang kigo zo a,
Pasien adingin be namcin, ham namcin,
mi namcin, minam namcin panin
na sisan tawh mite na tan zo hi;#Late 33:3; 98:1; Isa 42:10
10ka Pasien uh’ na a sem dingin kumpi za le siempu za na pie zo a,
amate in leitung a uh ding uhi,” ci-in a sa uhi.#Pei 19:6; Kln 1:6
11Tua ciengin ka khuodah leh kumpi topha, ganhingte le upate kimvela a om vantungmite’ awging ka za hi. A tam dan uh ahile a tul a then ahi vua,#Dan 7:10 12amate in,
“A kigo tuuno khu vanglietna le hauna,
pilna le thahatna, patawina, minthanna, le
phatna nga dingin a kilawm hi!”
ci-in a aw nei za-in la a sa uhi.
13Tua ciengin vantung, leitung, leinei, tuipi sung le tuate sunga a om a kipiengsah ganhing zosie in,
Kumpi topha tunga a to pa tung le Tuuno tungah
phatna, patawina, minthanna le vanglietna
om den tawntung taheh!” ci-in la a sa uhi.
14Tuale ganhing lite in, “Amen!” a ci vua, a upate in zong khupbawhin a bie uhi.
Currently Selected:
KILAHNA 5: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
