KILAHNA 4
4
Vantung Biehna
1Tam zaw ciengin ka khuodah leh vantungah kot kihongsa khat ka mu hi! Tuale pengkul tawh a kibang, ei hopi awging ka zah masa pen in, “Tanah hing kato in, tam zaw cienga thupieng dingte kang lah ding hi,” ei ci hi. 2Thakhatthu-in hlagau#4:2 Ahi sihle “Hlagau in “ in ei luodim a, tuale vantungah kumpi topha khat ang kidaw a, tua kumpi topha tungah mi khat ang to hi! 3Khumi kumpi topha tunga a to pa pen jasper le carnelian suongmanpha tawh kibang a, kumpi topha kimvelah emerald suongmanpha tawh a kibang sakhi-guihlung khat a om hi.#Ezk 1:26-28; 10:1 4Tua kumpi topha kimvelah kumpi topha sawm ni le li ma om a, tua kumpi tophate tungah puontuol kang silin a lu tung vuah kham lukhu a khu upa sawm ni le li a to uhi. 5Tua kumpi topha panin tun ang phe a, keh kie-in van ang to vapual a, tuaci’n kumpi topha mai-ah Pasien’ hlagau sagite ahi meivah sagi kivah hi.#Pei 19:16; Kln 8:5; 11:19; 16:18; Ezk 1:13; Kln 1:4; Zech 4:2 6Kumpi topha mai-ah crystal suong tawh a kibang le limlang tuipi tawh a kibang khat a om hi.
Kumpi topha kimvel le a pang tuohah a nua a ma-ah mittang a dima a nei ganhing li a om hi:#Ezk 1:22 7Ganhing masa pen humpi tawh kibang a, a nina pen bawngtang tawh kisunin, a thumna pen in mihing maitang bang nei a, a lina pen a lenglai muvanlai tawh kibang hi.#Ezk 1:5-10; 10:14 8Ganhing lite in hla guh ciet nei-in, tua a hlate’ kimvel le a sung lamah mittang a dim hi. A sun a zanin khawl loin,
“A omsa, tuhun-a om, le ang pei lai ding
Vanglien Topa Pasien,
Siengtho, siengtho, siengtho hi, ci-in la a sa uhi.#Ezk 1:18; 10:12; Isa 6:2-3
9Tua ganhingte in kumpi topha tunga a to a hingzing pa tungah minthanna, patawina le lungdamkona a nei sielun, 10kumpi topha tunga a to a hingzing pa mai-ah tua upa sawmni le lite in khupbawhin a bie uhi. Amate in kumpi topha mai-ah a lukhute uh pai-in,
11“Kote’Topa le Pasien aw,
minthanna, patawina, le vanglietna nga dingin na kilawm hi.
Azieh pen sil bangkim na piengsah a,
na deina bangin tuate omin kipiengsah hi, ” ci-in la a sa uhi.
Currently Selected:
KILAHNA 4: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
