KILAHNA 13
13
1Tuale ki sawm le lutang sagi a nei gamsa khat tuipi pana ang pusuoh ka mu hi; a kite tungah kumpi lukhu sawm omin, a lutangte tungah Pasien gensietna minte a om hi.#Dan 7:3; Kln 17:3, 7-12 2Tua ka gamsa mu pen kamkei tawh kibang a, a kengte vompi-a’ tawh kibangin, a kam humpinelkai’ kam tawh kibang hi. Tuale gulhiempi in a vanglietna, a kumpi topha, le a thuneina lienpi ama a pie hi.#Dan 7:4-6 3A lutang khat in si nading za dongin liemma nei leh kilawm a, hinanle tuami si thei nading liemma#13:3 Gk “ama’ sina ding gimna “ pen damkia zo hi. Leitung bup in lamdangsa-in tua gamsa nua a zui uhi. 4Gulhiempi in tua gamsa tungah thuneina a pieh zo tah ziehin amate in ama a bie vua, “Gamsa tawh a kibang koi om a, koi in ama do zo ding ahei?” a ci uhi.
5Kiphatsahna le Pasien gensietna kammalte a gen nadingin tua gamsa tungah kam khat kipie a, a thuneina a zah hun ding hla sawmli le hla ni sung kipie hi. 6Ama in Pasien a gensie dingin a kam kah a, ama’ min le ama’ tenna le vantunga a tengte zosie a gensie hi.#Dan 7:8, 25; 11:36 7Misiengthote tungah galbawlin a zaw nadingin zong phalna kipie hi. #13:7 Adang tang laibute ah tami laiguol om lo hi.Ama tungah phung namcin, micin, ham namcin le minam cin kipie a, 8leitung piencil a kipanin a kigosa Tuuno’ hinna laibu sunga a min kigiel lo ahi leitunga teng mi zosie in ama a bie ding uhi.
9Zah nading bil nei a koimapo in ngai un:
10Saltang dinga ang kikai leh
saltang ding ma-in na pei ding hi;
namsau tawh mi na tha leh
namsau ma tawh ang kithat ding hi.
Tam sungah misiengthote’ thuohzawh na le upna kalh hi.
A Nina Gamsa
11Tua ciengin leitung pana ang pusuoh gamsa dang khat ka mu hi; ama in tuuno bangin ki ni nei a, gulhiempi bangin a ham hi. 12Ama in amasa gamsa tangin thuneina zosie zang a, leitung le a sunga tengte in a si nading liemma#13:12 Gk “ama’ sina ding gimna “ a damsa tua gamsa masa pen a biesah hi. 13Ama in a lien a lamdang limte bawl a, mi zosie’ mu-in vantung pan leitungah mei nangawn a kiesah hi. 14Ama in amasa gamsa tanga a kibawlsah lim lamdangte tawh leitunga a tengte sol a, namsau tawh a liemsa#13:14 Ahi sihle “namsau gimna a thuohsa “ hi napi a hingkia ahi gamsa’ lim khat a bawl nadingun amate thu a pie hi; 15tua gamsa’ lim a ham thei nading le gamsa’ lim a bie lote a kitha thei nadingin tua gamsa’ lim sungah hu#13:15 Ahi sihle “hla “ kimop hi. 16Ama in a neu a lien, a zawng a hau, sila le sila lo, mi zosiete a zietlam khut ahi sihle a talpangah a ciemtesah hi. 17Tuaci’n gamsa’ min ahi sihle a min’ nambat ahi ciemtena a nei lo poma in van lei thei loin zong zua thei lo hi. 18Tami thu-ah pilna a kisam hi: Pilna a nei poma in tua gamsa’ nambat tuot taheh, bangzieh ahei cile tua pen mi khat’ nambat ahi hi. Tua nambat pen zaguh sawmguh guh#13:18 Adang tang laibute ah “zaguh le sawm le guh” ci-in kigiel hi. ahi hi.
Currently Selected:
KILAHNA 13: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
