KILAHNA 12
12
Numei le Gulhiempi
1Vantungah a gol lim lamdang khat ang kilang a, numei khat in puon sil bangin ni silin a keng nei-ah hlapi koi a, a lu tungah aasi sawm le ni tawh a kizem kumpi lukhu a khu hi. 2Tua numei pen a gai ahi a, nau suoh natna in a tut ziehin na sa-in a peng vagua hi. 3Tua ciengin vantungah lim lamdang adang khat ang kilang leuleu hi: gulhiempi a san a gol mama khat in lutang sagi le ki sawm nei-in, a lu tungah kumpi lukhu sagi khu hi.#Dan 7:7 4A mei in vantunga aasite sethum-suo-sekhat kaikhie-in tua teng leitungah kikhiesuh hi. Tua ciengin nau a suo lien cienga a neh thei nadingin nau suoh kuon numei nu mai-ah tua gulhiempi a ding hi.#Dan 8:10 5Numei ang suoh a, sia ciengkhut tawh minam zosie a uh ding ta pasal khat ang nei hi. Ahi vangin a tapa kila-in Pasien le a topha tungah kipeipi hi.#Isa 66:7; Late 2:9 6Ni tul le zani le sawmguh sung a kiva dingin Pasien in a bawlpiehsa mun khatah tua numei nu a tai hi.
Michael in Gulhiempi Zo
7Vantungah gal kidona ang om hi; Michael le ama’ vantungmite in gulhiempi a do uhi. Tua gulhiempi le vantungmite in zong a dokia vua,#Dan 10:13, 21; 12:1; Jude 9 8ahi vangin gal lel uh ahi ziehin vantungah amate adingin mun a om nawn sih hi. 9A gol mama gulhiempi, dawimangpa le Satan a kici leitung buppi a sol pa, tanglai gulpi lei ah kikhiesuh hi, ama pen a vantungmite tawh kikhiesuh hi.#Pien 3:1; Luk 10:18
10Tua ciengin vantungah aw ngai mama khat ka za a,
“Tu-in i Pasien’ hutdamna, a vanglietna, a gam le
ama’ Messiah#12:10 Gk “Khris “ thuneina ang tung zo ta hi.
Azieh pen i Pasien mai-ah
i kithuopite#12:10 Gk “sanggamte” sun le zana mawsah pa kikhiesuh zo ta hi.#Job 1:9-11; Zech 3:1
11Hizongle amate in Tuuno sisan zieh le
amau’ teci panna thu ziehin ama a zo uhi.
Azieh pen amate in sina a thuoh dongun
a nuntahna nangawn uh a it sih uhi.
12Tua hi a, no vantungte le
a sunga tengte aw, kipah un!
Ahi vangin leitung le tuipi in
gimna a thuoh ding uhi,
azieh pen dawimangpa in
a hun a tom lamtah a thei ziehin
lungthahna lienpi tawh
na kung vuah ang peisuh hi!” a ci hi.
Gulhiempi in Leitung Simkia
13Tuaci’n gulhiempi in leitungah ama a kikhiehsuh zo lamtah a thei bepin ama in ta pasal a nei numei ang del hi. 14Ahi vangin tua gulpi kung panin suohta-in hun khat, hunte, le hun lang#12:14 Ahi sihle “kum thum le alang “ sung a kiva nading ama’ mun ahi gamlahah a len thei nadingin a gol mama muvanlai’ hla ni tua numei kipie hi.#Dan 7:25; 12:7 15Tua ciengin tuikhang in numei a tawmang thei nadingin gulpi in a kam panin guntui bangin numei nu’ nua lamah tui a luongsah hi. 16Ahi vangin lei in numei nu panpi a, a kam kahin tua gulhiempi in a kam pana a pusuoh guntui a hupkang hi. 17Tua ciengin numei tungah gulhiempi thangpai a, Pasien’ thupieh a pomte, Jesu’ teci panna a pomte, le a omlai numei’ suonlehlahte sim dingin a kuonkhie hi.
A Khatna Gamsa
18Tua ciengin tuipi gei-a senel tungah gulpi a ding hi.
Currently Selected:
KILAHNA 12: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
