Popular Bible Verses from KILAHNA 12

Share

Hizongle amate in Tuuno sisan zieh le amau’ teci panna thu ziehin ama a zo uhi. Azieh pen amate in sina a thuoh dongun a nuntahna nangawn uh a it sih uhi.

Tua ciengin vantungah aw ngai mama khat ka za a, “Tu-in i Pasien’ hutdamna, a vanglietna, a gam le ama’ Messiah thuneina ang tung zo ta hi. Azieh pen i Pasien mai-ah i kithuopite sun le zana mawsah pa kikhiesuh zo ta hi.

A gol mama gulhiempi, dawimangpa le Satan a kici leitung buppi a sol pa, tanglai gulpi lei ah kikhiesuh hi, ama pen a vantungmite tawh kikhiesuh hi.

Tua hi a, no vantungte le a sunga tengte aw, kipah un! Ahi vangin leitung le tuipi in gimna a thuoh ding uhi, azieh pen dawimangpa in a hun a tom lamtah a thei ziehin lungthahna lienpi tawh na kung vuah ang peisuh hi!” a ci hi.

Vantungah gal kidona ang om hi; Michael le ama’ vantungmite in gulhiempi a do uhi. Tua gulhiempi le vantungmite in zong a dokia vua

Tua ciengin numei tungah gulhiempi thangpai a, Pasien’ thupieh a pomte, Jesu’ teci panna a pomte, le a omlai numei’ suonlehlahte sim dingin a kuonkhie hi.

Vantungah a gol lim lamdang khat ang kilang a, numei khat in puon sil bangin ni silin a keng nei-ah hlapi koi a, a lu tungah aasi sawm le ni tawh a kizem kumpi lukhu a khu hi. Tua numei pen a gai ahi a, nau suoh natna in a tut ziehin na sa-in a peng vagua hi.

Numei ang suoh a, sia ciengkhut tawh minam zosie a uh ding ta pasal khat ang nei hi. Ahi vangin a tapa kila-in Pasien le a topha tungah kipeipi hi. Ni tul le zani le sawmguh sung a kiva dingin Pasien in a bawlpiehsa mun khatah tua numei nu a tai hi.

Tua ciengin vantungah lim lamdang adang khat ang kilang leuleu hi: gulhiempi a san a gol mama khat in lutang sagi le ki sawm nei-in, a lu tungah kumpi lukhu sagi khu hi. A mei in vantunga aasite sethum-suo-sekhat kaikhie-in tua teng leitungah kikhiesuh hi. Tua ciengin nau a suo lien cienga a neh thei nadingin nau suoh kuon numei nu mai-ah tua gulhiempi a ding hi.

Ahi vangin tua gulpi kung panin suohta-in hun khat, hunte, le hun lang sung a kiva nading ama’ mun ahi gamlahah a len thei nadingin a gol mama muvanlai’ hla ni tua numei kipie hi. Tua ciengin tuikhang in numei a tawmang thei nadingin gulpi in a kam panin guntui bangin numei nu’ nua lamah tui a luongsah hi. Ahi vangin lei in numei nu panpi a, a kam kahin tua gulhiempi in a kam pana a pusuoh guntui a hupkang hi.