JUDE 1
1
1Jesu Khris’ nasem#1:1 Gk “sila “ khat le James’ sanggam pa Jude#1:1 Gk “Judas “ in,
Pa Pasien sunga#1:1 Ahi sihle “zieha “ it le ngaite#1:1 Adang tang laibute ah “a kisiensuo” ci-in kigiel hi. le Jesu Khris dinga#1:1 Ahi sihle “zieha “ a bihtaha kikem a kihlansate tungah lai kang hlah hi:#Mat 13:55; Mrk 6:3
2Hepina, lungmuonna le itna tampite no-a’ hing hi taheh.
Laihlahna Ahang
3Ka itte aw, na kung vuah i neiton uh hutdamna ka giel nuom mama laitahin, mi siengthote tungah a kimang den dinga khatvei beh a kipie tua upna adingin gal na do nading uh kutna lai giel ding a kisap lam ka mu hi. 4Bangzieh ahei cile tanglai-a kipanin tami mawsah thukhenna a thuoh dinga eite lahah a na kisesa Pasien a zatah lo mi honkhat ang dap lut zo a, amate in i Pasien uh’ hepina pen numei-pasal thangtatna lamah hei-in eite in i neisun uh ahi Mangpa le Topa Jesu Khris a niel uhi.#1:4 Ahi sihle ” i neisun i mangpa le i Topa Jesu Khris “
Sie Zuoute tunga Thukhenna
5A kicinga na theisa uh hizongle note in a kimang den dinga khatvei beh tawh a mite a hunkhie#1:5 Adang tang laibute ah “a kimang den dinga khatvei beh tawh kicing taha ang kizasahsa, tua Jesu” (ahi sihle “Joshua “) ei hunkhie pa” ci-in kigiel hi. pa Topa in a nua ciengin Egypt gam hunkhie-in, a um lo mite a suhsietna thu kang phawhsah kia nuom hi.#Pei 12:51; Gam 14:29-30 6Ama in ni thupi ni-in thukhenna thuoh dingin a panmun kemcing loin a tenna a nuasie vantung mite zong khuomiel thuhpi sungah tawntung siakhau tawh a khicip hi. 7Sodom, Gomorrah le a kimvela om khuopi mite zong amate bangin gamta-in numei-pasal pahtatna le mihing ngaina dan ahi lo cilesa lunggulna lamah a kipumpieh ziehun mite’ ette dingin kumtawn meikuong tawh gawtna a thuoh uhi.#Pien 19:1-24
8Ahi vangin tua bang ma-in mangmante in a tahsa uh a buasah vua, thuneina zong nielin a minthanna a neite#1:8 Ahi sihle “vantung mite “; Gk “minthannate “ a gensie uhi. 9Hinanle vantungmi mangpa Michael in dawimangpa tawh Moses luong kitu-in a kisel laitahun, dawimangpa tungah mawsah gensietna kammal zang ngam loin, “Topa in nang ang phawhsie hi,” beh na ci hi.#Dan 10:13, 21; 12:1; Kln 12:7; Thkna 34:6; Zech 3:2 10Hizongnanle tam mite in a thei lo uh thu khatpopo a mawh gensiet vua, ngaisutna a nei lo ganhingte bangin a pienpi lungsim utawh a thei uh thute in amate a susie hi. 11Amate in gimna a thuoh ding uhi! Bangzieh ahei cile sum nga thei nadingin Cain lampi zui-in Balaam khielna-ah amau le amau a kipiekhie vua, tuaci’n Korah ledona-ah a kisie sieng uhi.#Pien 4:3-8; Gam 22:1-35; 16:1-35 12Tua mite pen na itna pawi vua a nieh bangte#1:12 Ahi sihle “tuipi nei-a kisel suongpi “ ahi vua, zum mel nei loin no tawh an ne tonin amau le amau an kivate ahi uhi.#1:12 Ahi sihle “zauna a nei sih uhi. Amate beh a kivahkhop tuucingte ahi uhi “ Hui in a mut kawikawi guo lah a zusah bep lo meei tawh a kibang vua, amate ga a ga lo, nivei a si, a kiphungkal phalbi singkungte ahi uhi. 13Amau’ maizumna pen a phuonsah tuipi huol husiete le a leng kawikawi aahsite tawh kibang ahi vua, amate adingin a tawntungin khuomiel thuhpi kikoipieh zo hi.
14Adam panin a khang sagina Enoch in tami thute a na magen zo ta a, “En un, a misiengtho tul sawm tampite tawh Topa hing pei-in,#Pien 5:18, 21-24 15mi zosie tungah thu khen ding le, milip in tua banga a bawl uh ahi Pasien zatah lo gamtat ziete le Pasien zatah lo mawneite in ama langpanin a gen khah uh kamkhau zosie a mawsah ding hi,” a ci hi. 16Tam mite ahile a phun hatte le lungkim hun a nei ngai lote ahi uhi; a lunggulna bangun a gamta uhi; amate ahile kam dimdimin hamin a phattuom nading vua mi maipah siemte ahi uhi.
Thuhilna le Hanthotnate
17Ahi vangin ka itte aw, i Topa Jesu Khris’ sawltahpite in na kung vua ang genkholsa thute phawh un. 18Bangzieh ahei cile amate in, “Hun nukhia ciengin Pasien zatahna zie ahi lo a pumpi uh’ deigawna lam a zui mi simmawte ang pieng ding hi,” ci-in note tungah ang gen zo uhi.#2Pet 3:3 19Tua bang mite pen hlagau nei lo, kikhenna a piengsah a tahsa tai mite ahi uhi. 20Hinanle no ka itte aw, a siengtho pen na upna uh tungah noma le noma kilam unlen, Hlagau Siengtho tawh thu ngen un. 21Pasien’ itna sungah noma le noma kikem un; kumtawn hinna ang tun ding ahi i Topa Jesu Khris’ khuotuona na lamen bo un. 22A lungkaa mi pawlkhat khuotuo un; 23meikuong sung panin midangte kaikhie-in hunkhie un; amau’ tahsa zieha a buabang a puonsilte nangawn uh muda-in zauna tawh midangte tungah khuotuona na nei un.
Thupha Piehna
24Tu-in na pua lo nading vua ang kem zo pa, mawsahna om loin ama’ minthanna munah kipahna tawh ang tut zo pa, 25i Topa Jesu Khris tungtawnin hunpa Pasien khat beh tungah minthanna thupina, vanglietna le thuneinate in a tawpsa hun zosie-a kipanin tu le kumtawnin hing om den taheh, Amen.
Currently Selected:
JUDE 1: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
