PHILEMON 1
1
Hopina
1Khris Jesu hang tawh thongkie Paul le ka sanggam pa#1:1 Gk “sanggam pa “ uh Timothy in,
ka lawm it ule ka naseppi uh Philemon le 2ka sanggam nu#1:2 Gk “sanggam nu “ uh Apphia, ka galkappi uh Archippus le nangma’ inna a kikhawm pawlpi tungah:#Col 4:17
3I Pasien le Topa Jesu Khris tung panin hepina le lungmuonna note tungah hing tung taheh.
Philemon Itna le Upna
4Ka thungetna ah note#1:4 tang 4 panin tang 21 dong “note” kici pen a tawm genna kammal (singular) kizang hi. kang phaw sielin ka Pasien tungah nuomthu ka tut zing hi. 5Bangzieh ahei cile misiengthote zosie na it dan ule Topa Jesu na upnate uh ka na za hi. 6Kote#1:6 Adang tang laibute ah “note” ci-in a tam lahna kammal (plural) kizang hi. in Khris adingin na hoi zosie ka sep thei lam uh na thei ciengin, na upna na hopsawnna ah a muibut thei nadingin thu kang nget pieh hi. 7Ka sanggam pa aw, nang tungtawnin misiengthote’ lungsim thasuosah zo na hi ziehin, keima in na itna tung panin lungdamna lienpi le hanthotna ka na nga tahtah hi.
Onesimus Tanga Thumpiehna
8Tami thu ziehin na tavuon na sep nadingin Khris sungah hang tahin thu hing pie ngam nanleng, 9itna bulphu-in kang thumzaw hi. A khangham keima Paul in tulai tahin Jesu Khris adingin thongkie ka hi a, 10ka thongkieh sunga ama’ pa a suoh keima in ka tapa Onesimus adingin kang thumpieh hi.#Col 4:9 11Nidangin nang adingin ama a kizang thei sih a, ahi vangin tu-in nang le kei adingin a kizang thei#1:11 Onesimus min pen “kizang thei” a ci na ahi hi, ahi sihle (tang 20 tawh etkah in) “phattuompi “ tahtah ahi ta hi. 12Keima’ pumpi za ma-in ngaisunin na kungah ama kang sawlkia hi. 13Lungdamna thu zieha ka thongkieh sungin nangma tanga ei kem dingin ka kungah ama ka omsah nuom hi. 14Hinanle na gamtatna hoite paubawl hi loin nangma’ thu tawh a sem na hi thei nadingin, na thukimpina om lopi-in bangma ka bawl nuom sih hi.
15Khan tawntungin ama na neikia thei nadinga bakhat sung kikhen pah zong na hi kha thei ding a, 16tu-in ama pen sila bang hi nawn loin sila sanga thupizaw sanggam it khat ang hita hi, adieh diehin kei adingin ama a manphat ma bangin cilesa sung le Topa sungah sanggam khat ahina tawh nang adingin manphazaw kan lai ding hi.
17Tuaci’n na naseppi banga nei ngaisut leh, kei nei san bangin ama zong na sangkia in. 18Ama in lam khatpopo-ah nangma tunga suhkhiel a nei a, leibat khatpo a nei khah leh keima’ batin na ciemte in. 19Keima Paul in kang sangkia ding hi, ci thu ka khut mama tawh kang giel ahi hi: Nangma’ pumpi mama nangawn zong kei tunga nei bat hi, ci thu bangma a gen ka hi sih hi. 20Hi hi, sanggam aw, nangma tung panin Topa sungah tami hamphatna ei ngasah in! Khris sungah ka lungsim hing thasuosah in.
21Ei mang dingin kang muong a, kang nget sanga a hoizaw nangawn hing bawl na vateh ci thu thei kawmin lai kang giel hi.
22Tua banah kei adingin ka zin tunna ding innkhan khat a baisa-in na bawl un, azieh pen na thungetna uh tungtawnin na kung vua ang tung theikia dingin ka kilamen hi.
A Tawpna Hopina le Thupha Piehna
23Jesu Khris sungah thong ka kiehpi Epaphras a kipanin,#Col 1:7; 4:12 24ka naseppite ahi Mark, Aristarchus, Demas le Luke in zong ang noset hi.#Sawl 12:12, 25; 13:13; 15:37-39; Col 4:10, 14; 2Tim 4:10, 11
25 Topa Jesu Khris’ hepina, na hlagau utawh hing om taheh.#1:25 Adang tang laibute in “Amen” belap hi.
Currently Selected:
PHILEMON 1: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
