HEBREW 1
1
A Tapa Tungtawnin Pasien in Thugen
1Tanglai-in Pasien in kamsangte tungtawnin i pu i pate tungah lampi tuomtuom tawh tamveipi thu na gen a, 2ahi vangin tami ni nukhiate ah leitung a bawlpa, sil bangkim a luo dinga a sepa ahi a Tapa tungtawnin eite tungah thu ang gen zo hi. 3Ama in Pasien’ minthanna kilahna le Pasien’ hina bang lien puo a, a vanglien ama’ kammal tawh sil bangkim a tukip hi. Ama in mawnate adingin kisiensuona a bawl zaw ciengin sang pen muna om Vanglienpa’ zietlamah a to hi. 4Ama in vantung mite sangin min thupizaw a luo ma bangin vantung mite sanga a tungtuongzaw tham ahi hi. 5Bangzieh ahei cile Pasien in vantungmi kungah, “Nang ka Tapa na hi hi; tuni-in kang piengsah zo hi,” a ci ngai ta amah?
Ahi sihle khatvei tawh,
“Kei ama’ Pa ka hi ding a,
ama ka tapa hi ding hi,” a ci ngai amah?#Late 2:7; 2Sam 7:14; 1Khg 17:13
6Tua banah leitungah a tacil ang peipi ciengin ama in,
“Pasien’ vantungmi zosie in
ama bie uheh,” a ci hi.#Thkna 32:43
7Vantung mite tawh kisai-in ama in,
“Ama in a vantung mite hui suohsah a,
ama’ nasemte meikuong a suohsah hi,” a ci hi.#Late 104:4
8Ahi vangin Tapa tawh kisai-in ama in,
“Pasien aw,#1:8 Ahi sihle “Pasien khu na kumpi topha ahi hi “ na kumpi topha kumtawnin om ding a,
dihna ciengkhut pen na#1:8 Adang tang laibute ah “ama’ ” ci-in kigiel hi. kumpi gam uhna ciengkhut hi ding hi.
9Nang in dihna na it a, gitlona na muda hi;
tua ahi ziehin Pasien,
na Pasien in nang pen
na guolte hlengin
kipahna sathau tawh ang nu zo hi,” a ci hi.#Late 45:6-7
10Tuale,
“Topa aw, a cilin leitung na phut a,
vantungte nangma’ khutsuo ahi hi;
11tuate kisie nanle nang na om den ding a,
puon bangin tuate zosie a tulmang ding hi;
12puontuol bangin tuate kizieltum ding a,
puonsil bangin#1:12 Adang tang laibute ah “bangin” ci om lo hi. tuate kikhel ding hi.
Hizongle nang na kibang den ding a,
na kumte tawp ngai lo ding hi,” a ci hi.#Late 102:25-27
13Ahi vangin ama in vantung mite koi pen tungah,
“Na galte na keng ngahna ka hisah masangsie
ka zietlamah to in,” a ci ngai ta ahei?#Late 110:1
14Pasien’ nasepna ah vantung mite zosie#1:14 Gk “amate zosie “ pen hutdamna luo ding mite’ nasem dinga kisawl hlate hi lo uh amah?
Currently Selected:
HEBREW 1: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
