GAMLAH VANA 8
8
Meivah Sagite
(Pei 25:31-40)
1 Topa in Moses hopi-in tam bangin a gen hi: 2Aaron hopi inlen tam bangin gen in: Meivahte na koi ciengin meivah sagite in meivah tunna mai teng a tan dingin koi in. 3Tua bangin Aaron in a bawl hi. Topa in Moses a thupiehsa bangin ama in meivah tunna mai teng a tan dingin meivahte koi hi. 4Tam meivah tunna kibawl dan pen kham tawh kiseh ahi hi. A tunna panin a papete dongin a kiseh ahi hi; Topa in Moses a lahsa lim dan dung zui-in ama in meivah tunna a bawl hi.#Pei 25:31-40; 37:17-24
Kisiensuona le Levi-te’ Nasep
5 Topa in Moses hopi-in tam bangin a gen hi: 6Israel-te lah panin Levi-te ladawh inlen siensuo in. 7Amate siensuo nadingin a tung vuah tam bangin bawl in: Siensuona tui a tung vuah the inlen, a pumtung zosie uh mulmetna tawh metsah inlen, a puonte uh sawpin amate ma na kisiensuosah ding hi. 8Tua ciengin bawngtangno khat le sathau kihal annel tuituoh tawh kibawl an tawh biehna na la sah ding a, nang in mawna zieha biehna dingin adang bawngtangno khat na la ding hi. 9Kikhopna puonbuh mai-ah Levi-te na zawpi ding a, Israel mihon buppi na khawm ding hi. 10Topa mai-ah Levi-te na zawpi ciengin Israel-te in Levi-te tungah a khut uh a ngam ding vua, 11amate in Topa’ na a sep thei nadingun Aaron in Israel-te lah panin Levi-te, Topa mai-ah a kivei biehna-in a pie ding hi. 12Levi-te in bawngtangte’ lu tungah khut a ngam ding vua, Levi-te ading thoidamna bawl nadingin Topa tungah mawna zieha biehna-in khat, meihal biehna-in a khat, na pie ding hi. 13Tua ciengin Aaron le a tapate mai-ah Levi-te na dingsah ding a, Topa tunga a kivei biehna-in amate na pie ding hi.
14Tua bangin Israel-te lah panin Levi-te na tuomkoi ding a, Levi-te keima-a’ hi ding hi. 15Amate siensuo-in a kivei biehna-in na pieh zaw ciengin kikhopna puonbuh-ah na sem dingin Levi-te lut ding hi. 16Azieh pen Israel-te lah panin kei tungah amate ang kipie sieng ahi ta uhi. Israel-te’ tacil zosie, naubu a hong masa zosie tangin keima adingin amate ka la zo hi. 17Azieh pen Israel-te lah panin tacil zosie mihing hile ganhing hile a nipi-in keima-a’ ahi hi. Egypt gam sungah tacil zosie ka thagam ni-in keima dingin amate ka siensuo a,#Pei 13:2 18ahi vangin Israel-te lah panin tacil zosie tangin Levi- te ka la zo hi. 19Tham loin kikhopna puonbuh-ah Israel-te dinga na sem ding le mun siengtho tawh kinai-a a pei Israel-te lahah gimna a tun lo nadinga thoidamna a bawlpieh dingin Israel-te lah panin Aaron le a tapate tungah letsongin Levi-te ka pie zo hi.
20Moses le Aaron le Israel mihonpi zosie in Levi-te tungah tua bangin a bawl uhi; amate tawh kisai-in Topa in Moses kunga a thupiehsa bang lien ma-in Israel-te in Levi-te tungah a bawl uhi. 21Mawna panin Levi-te kisiensuo-in a puonte a sawpsieng uhi; tua ciengin Aaron in a kivei biehna-in Topa mai-ah amate pie a, a sientho nadingun Aaron in amate dingin thoidamna a bawlpieh hi. 22Tua ciengin Aaron le a tapate opna kikhopna puonbuh sunga na a sem dingin Levi-te a sungtum uhi. Levi-te tawh kisai-in Topa in Moses a thupiehsa bangin amate tungah a bawl uhi.
23 Topa in Moses hopi-in tam bangin a gen hi: 24Tam pen Levi-te tunga zah ding ahi hi: Kikhopna puonbuh nasepna sunga a sem dingin kum sawmni le nga pan a tungsie a phate kipan ding uhi; 25tuale kum sawmnga a phah vua kipanin nasepna pan khawlin bangma a sem nawn sih ding uhi. 26Kikhopna puonbuh sunga a sanggamte a hu thei bep ding vua, hizongle amate in na a sem nawn sih ding uhi. Tam bangin Levi-te nasep ding na sepieh ding hi.
Currently Selected:
GAMLAH VANA 8: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
