GAMLAH VANA 7
7
Lamkaite’ Biehnate
1Moses in biehbuh dingsahin a vanzah zosie sathau nu-in siensuo a, tuale maitam le a vanzah zosie teng sathau nu-in a siensuo a man ni-in, 2Israel makaite, amau’ pupa innkuon makaite, a kisim mite a uh minam makaite in biehna a pie uhi. 3Amate in a tungkhu nei leeng guh le bawngtang sawm le ni, makai ni in leng khat ciet, makai khat in bawngtang khat ciet Topa mai-ah biehna-in a peipi uhi; amate in biehbuh mai-ah tuate a pie uhi. 4Tua ciengin Topa in Moses kungah tam bangin a gen hi: 5Kikhopna puonbuh nasepna-a zah dingin amate tung panin tam teng sang inlen, a nasep ciet utawh kizui-in Levi-te pie in. 6Tuaci’n Moses in leengte le bawngtangte la-in Levi-te tungah tuate a pie hi. 7Amau’ nasep tawh kizui-in Gershon-te kungah leeng ni le bawngtang li a pie hi; 8ama in siempu Aaron’ tapa Ithamar uhna nei-ah na a sem Merari-te tungah a nasep utawh kizui-in leeng li le bawngtang giet a pie hi. 9Ahi vangin ama in Kohath-te tungah bangma pie lo hi. Azieh pen liengko-a a puoh ding uh siengtho nate kep ding amate tavuon kipie hi.
10Maitam sathau a kinu hun ciengin makaite in zong maitam apna ding biehnate a pie uhi; makaite in a biehna uh maitam mai-ah a pie uhi. 11Topa in Moses kungah tam bangin a gen hi: Maitam ap nadingin makai khat in ni khat ciet a biehna uh pie ding uhi.
12A ni masa ni-a biehna piepa pen Judah minam, Amminadab’ tapa Nahshon ahi hi; 13ama’ silpieh pen mun siengtho shekel tawh kizui-in shekel zakhat le sawmthum a khai ngun kuongdai khat, shekel sawmsagi a khai ngun kuong khat, an tawh biehna dinga sathau tawh kihal annel tuituoh tua a kuong gel a dimvum tuoh tawh; 14shekel sawm a khai gimnamtui a dim kham pakan khat; 15meihal biehna dingin bawngtangno khat, tuutang khat, kum khat a pha tuuno apa khat; 16mawna zieha biehna dingin keel apa khat; 17thunuom biehpiehna dingin bawngtang ni, tuutang nga, keel apa nga, le kum khat a pha tuuno apa nga ahi hi. Tam pen Amminadab’ tapa Nahshon’ silpieh ahi hi.
18A ni ni ni-in Issachar-te makai Zuar’ tapa Nethanel in biehna a pie hi; 19a biehna dingin ama in mun siengtho shekel tawh kizui-in shekel zakhat le sawmthum a khai ngun pakan khat, shekel sawmsagi a khai ngun kuongdai khat, an tawh biehna dingin sathau tawh kihal annel tuituoh tua kuong gel dimvum tuoh tawh; 20shekel sawmsagi a khai gimnamtui a dim kham pakan khat; 21meihal biehna dingin bawngtangno khat, tuutang khat, kum khat a pha tuuno apa khat; 22mawna zieha biehna dingin keel apa khat; 23thunuom biehpiehna dingin bawngtang ni, tuutang nga, keel apa nga, le kum khat a pha tuuno apa nga a hi hi. Tam pen Zuar’ tapa Nethanel’ silpieh ahi hi.
24A ni thum ni-in Zebulun-te makai Helon’ tapa Eliab ahi hi. 25Ama biehna pen mun siengtho shekel tawh kizui-in shekel zakhat le sawmthum a khai ngun kuongdai khat, shekel sawmsagi a khai ngun kuong khat, an tawh biehna dingin sathau kihal annel tuituoh tua kuong gel a dimvum tuoh tawh; 26shekel sawmsagi a khai gimnamtui a dim kham pakan khat; 27meihal biehna dingin bawngtangno khat, tuutang khat, kum khat a pha tuuno apa khat; 28mawna zieha biehna dingin keel apa khat; 29thunuom biehpiehna dingin bawngtang ni, tuutang nga, keel apa nga, le kum khat a pha tuuno apa nga ahi hi. Tam pen Helon’ tapa Eliab’ silpieh ahi hi.
30A ni li ni-in Reuben-te makai Shedeur’ tapa Elizur ahi hi. 31Ama biehna pen mun siengtho shekel tawh kizui-in shekel zakhat le sawmthum a khai ngun kuongdai khat, shekel sawmsagi a khai ngun kuong khat, an tawh biehna dingin sathau tawh a kihal annel tuituoh tua kuong tegel a dimvum tuoh tawh; 32shekel sawmsagi a khai gimnamtui kham pakan khat; 33meihal biehna dingin bawngtangno khat, tuutang khat, kum khat a pha tuuno apa khat; 34mawna zieha biehna dingin keel apa khat; 35thunuom biehpiehna dingin bawngtang ni, tuutang nga, keel apa nga, le kum khat a pha tuuno apa nga ahi hi. Tam pen Shedeur’ tapa Elizur’ silpieh ahi hi.
36A ni nga ni-in Simeon-te makai Zurishaddai’ tapa Shelumiel ahi hi: 37Ama biehna pen mun siengtho shekel tawh kizui-in shekel zakhat le sawmthum a khai ngun kuongdai khat, shekel sawmsagi a khai ngun kuong khat, an tawh biehna dingin sathau tawh kihal annel tuituoh kuong gel a dimvum tuoh tawh; 38shekel sawm a khai gimnamtui a dim kham pakan khat; 39meihal biehna dingin bawngtangno khat, tuutang khat, kum khat a pha tuuno apa khat; 40mawna zieha biehna dingin keel apa khat; 41le thunuom biehpiehna dingin bawngtang ni, tuutang nga, keel apa nga, le kum khat a pha tuuno apa nga ahi hi. Tam pen Zurishaddai’ tapa Shelumiel’ silpieh ahi hi.
42A ni guh ni-in Gad-te makai Deuel’ tapa Eliasaph ahi hi: 43Ama biehna pen mun siengtho shekel tawh kizui-in shekel zakhat le sawmthum a khai ngun kuongdai khat, shekel sawmsagi a khai ngun kuong khat, an tawh biehna dingin sathau kihal annel tuituoh tua kuong gel a dimvum tuoh tawh; 44shekel sawm a khai gimnamtui a dim kham pakan khat tawh; 45meihal biehna dingin bawngtangno khat, tuutang khat, kum khat a pha tuuno apa khat; 46mawna zieha biehna dingin keel apa khat; 47le thunuom biehpiehna dingin bawngtang ni, tuutang nga, keel apa nga, le kum khat a pha tuuno apa nga ahi hi. Tam pen Deuel’ tapa Eliasaph’ silpieh ahi hi.
48A ni sagi ni-in Ephraim-te makai Ammihud’ tapa Elishama ahi hi: 49Ama biehna pen mun siengtho shekel tawh kizui-in shekel zakhat le sawmthum a khai ngun kuongdai khat, shekel sawmsagi a khai ngun kuong khat, an tawh biehna dingin sathau kihal annel tuituoh tua kuong gel a dimvum tuoh tawh; 50shekel sawm a khai gimnamtui a dim kham pakan khat; 51meihal biehna dingin bawngtangno khat, tuutang khat, kum khat a pha tuuno apa khat; 52mawna zieha biehna dingin keel apa khat; 53le thunuom biehpiehna dingin bawngtang ni, tuutang nga, keel apa nga, le kum khat a pha tuuno apa nga ahi hi. Tam pen Ammihud’ tapa Elishama’ silpieh ahi hi.
54A ni giet ni-in Manasseh-te makai Pedahzur’ tapa Gamaliel ahi hi: 55Ama biehna pen mun siengtho shekel tawh kizui-in shekel zakhat le sawmthum a khai ngun kuongdai khat, shekel sawmsagi a khai ngun kuong khat, an tawh biehna dingin sathau kihal annel tuituoh tua kuong gel a dimvum tuoh tawh; 56shekel sawmsagi a khai gimnamtui a dim kham pakan khat; 57meihal biehna dingin bawngtangno khat, tuutang khat, kum khat a pha tuuno apa khat; 58mawna zieha biehna dingin keel apa khat; 59le thunuom biehpiehna dingin bawngtang ni, tuutang nga, keel apa nga, le kum khat a pha tuuno apa nga ahi hi. Tam pen Pedahzur’ tapa Gamaliel’ silpieh ahi hi.
60A ni kuo ni-in Benjamin-te makai Gideoni’ tapa Abidan ahi hi: 61Ama biehna pen mun siengtho shekel tawh kizui-in shekel zakhat le sawmthum a khai ngun kuongdai khat, shekel sawmsagi a khai ngun kuong khat, an tawh biehna dingin sathau kihal annel tuituoh tua kuong gel a dimvum tuoh tawh; 62shekel sawm a khai gimnamtui a dim kham pakan khat; 63meihal biehna dingin bawngtangno khat, tuutang khat, kum khat a pha tuuno apa khat; 64mawna zieha biehna dingin keel apa khat; 65le thunuom biehpiehna dingin bawngtang ni, tuutang nga, keel apa nga, le kum khat a pha tuuno apa nga ahi hi. Tam pen Gideoni’ tapa Abidan’ silpieh ahi hi.
66A ni sawm ni-in Dan-te makai Ammishaddai’ tapa Ahiezer ahi hi: 67Ama biehna pen mun siengtho shekel tawh kizui-in shekel zakhat le sawmthum a khai ngun kuongdai khat, shekel sawmsagi a khai ngun kuong khat, an tawh biehna dingin sathau kihal annel tuituoh tua kuong gel a dimvum tuoh tawh; 68shekel sawm a khai gimnamtui a dim kham pakan khat; 69meihal biehna dingin bawngtangno khat, tuutang khat, kum khat a pha tuuno apa khat; 70mawna zieha biehna dingin keel apa khat; 71le thunuom biehpiehna dingin bawngtang ni, tuutang nga, keel apa nga, le kum khat a pha tuuno apa nga a hi hi. Tam pen Ammishaddai’ tapa Ahiezer’ silpieh ahi hi.
72A ni sawm le khat ni-in Asher-te makai Okran’ tapa Pagiel ahi hi: 73Ama biehna pen mun siengtho shekel tawh kizui-in shekel zakhat le sawmthum a khai ngun kuongdai khat, shekel sawmsagi a khai ngun kuong khat, an tawh biehna dingin sathau kihal annel tuituoh tua kuong gel a dimvum tuoh tawh; 74shekel sawm a khai gimnamtui a dim kham pakan khat; 75meihal biehna dingin bawngtangno khat, kum khat a pha tuuno apa khat; 76mawna zieha biehna dingin keel apa khat; 77le thunuom biehpiehna dingin bawngtang ni, tuutang nga, le kum khat a pha tuuno apa nga ahi hi. Tam pen Okran’ tapa Pagiel’ silpieh ahi hi.
78A sawm le ni ni-in Naphtali-te makai Enan’ tapa Ahira ahi hi: 79Ama biehna pen mun siengtho shekel tawh kizui-in shekel zakhat le sawmthum a khai ngun kuongdai khat, shekel sawmsagi a khai ngun kuong khat, an tawh biehna dingin sathau kihal annel tuituoh tua kuong gel a dimvum tuoh tawh; 80shekel sawm a khai gimnamtui a dim kham pakan khat; 81meihal biehna dingin bawngtangno khat, tuutang khat, kum khat a pha tuuno apa khat, 82mawna zieha biehna dingin keel apa khat; 83le thunuom biehpiehna dingin bawngtang ni, tuutang nga, keel apa nga, le kum khat a pha tuuno apa nga hi hi. Tam pen Enan’ tapa Ahira’ silpieh ahi hi.
84Maitam sathau a kinu ni-in tua maitam ap nadinga Israel lamkaite in a pieh uh biehna pen tam teng ahi hi: Ngun kuongdai sawm le ni, ngun kuong sawm le ni, 85ngun kuongdai khat ciengin shekel zakhat le sawmthum khai-in ngun kuong khat ciengin shekel sawmsagi khai a, ngun kuong zosie pen mun siengtho shekel tawh kizui-in shekel tulni le zali khai hi. 86Gim namtui a dim kham pakan sawm le nite, mun siengtho shekel tawh kizui-in khat in shekel sawm khai a, kham pakan zosie shekel zakhat le sawmni khai hi; 87meihal biehna dingin ganhon zosie ahi bawngtang sawm le ni, kum khat a pha tuuno apa sawm le ni, an tawh biehnate tawh; tuale mawna zieha biehna dingin keel apa sawm le ni; 88thunuom biehpiehna dingin ganhon zosie ahi bawngtang sawmni le li, tuutang sawmguh, keel apa sawmguh, kum khat a pha tuuno apa sawmguh ahi hi. Tam teng pen maitam sathau a kinu zaw cienga apna biehnate ahi hi.
89Kikhopna buh sungah Topa#7:89 Heb “ama” tawh kiho dingin Moses a lut ciengin cherub ni gel kikal thuciemna singkuong#7:89 Ahi sihle “asin” tunga om hepina topha#7:89 Ahi sihle “thukimna”, ahi sihle “thuciemna”; Heb “eduth” tung panin ama a hopi awging a za hi; tua bang awging in Moses a hopi hi.
Currently Selected:
GAMLAH VANA 7: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
