GAMLAH VANA 9
9
Sinai-ah Peisan Pawi Kibawl
(Pei 12:1-20)
1Amate Egypt panin a peizaw uh a kum ni cin kum, a hla khatna sungin Sinai senel gamah Topa in Moses hopi-in tam bangin a gen hi: 2A kise hunin Israel-te in peisan pawi bawlsah in. 3A kise hun, tami hla ni sawm le li khuomut ciengin#9:3 Heb “nitah ni kikal” a thukham zosiete le a ngainate tawh kizui-in na bawl ding uhi. 4Tuaci’n Moses in Israel-te kungah peisan pawi a bawl nadingun a gen hi. 5A hla masa, a ni sawm le li khuomut ciengin#9:5 Heb “nitah ni kikal” Sinai senel gamah amate in peisan pawi a bawl uhi. Topa in Moses a thupiehsa bang lienin Israel-te gamta uhi.#Pei 12:1-13 6Tu-in misi luong thamkhah zieha abua mi pawlkhat om a, tuaci’n khum ni-in amate in peisan pawi a bawl sih uhi. Khum ni-in Moses le Aaron mai-ah amate a pei vua, 7ama kungah, “Misi luong thamkhahna ziehin ka sientho sih vangun a kise hunin Israel-te lahah bang dingin Topa’ biehna ei kipiesah lo ahei?” a ci uhi. 8Moses in amate kungah, “Note’ thu tawh kisai-in Topa’ thupieh ka zah masangsie na ngah tadi un,” a ci hi.
9 Topa in Moses hopi-in tam bangin a gen hi: 10Israel-te hopi inlen tam bangin gen in: Note lahah mi khatpo in ahi a, na suon na hlahte uh khatpo in ahi zongin misi luong a khoikhah ziehin abua ahi a, ahi sihle a khuolzin laitah ahile Topa tungah amate in peisan pawi a bawl thei lai veve ding vua, 11a hla nina a ni sawm le li ni khuomut ciengin#9:11 Heb “nitah ni kikal” pawi bawlin lopa khaate tawh tol saw lo anlum me ding uhi. 12Zingmawng dongin bangma hen nei loin a gute zong a tawngsah sih ding uhi; amate in peisan pawi ngaina zosie tawh kizui-in a bawl ding uhi.#Pei 12:46; Jhn 19:36 13Hizongle khuolzin lo napi-in a sieng mi khatpo in peisan pawi a bawl sih leh a kise huna Topa’ biehna pie lo ahi ziehin a mite kung panin kihemkhie ding hi; tua bang mipa in a mawna paat a thuoh ding hi. 14Note lahah a teng pemta khatpo in Topa tungah peisan pawi a bawl nop leh peisan pawi thukhamte le a ngaina kipte bangin bawl ding hi; note in pemtate le tuolsung mite dingin ngaina a kibang na nei ton ding uhi.
Meiilum le Mei
(Pei 13:21-22; 40:34-38)
15Biehbuh a din ni-in meii in biehbuh le thuciemna#9:15 Ahi sihle “thukimna”, ahi sihle “thuciemna”; Heb “eduth” biehbuh a tuomcip hi; tuale nitah panin zingmawng cieng dongin biehbuh tung son-ah meikuong bangin a om hi. 16Tua bangin a om den hi: Sunin#9:16 Gk Syr Vg: Heb ah “sunin” kici om lo hi. meii in tuomin zanin meikuong tawh kibang khat in a tuom hi. 17Puonbuh tung pan tua meii a kilahto popo ciengin Israel-te a dingkhie uhi; tuale meii khawlna munah Israel-te in giephuol a sat uhi. 18Topa’ thupiehna tawh Israel-te a dingkhie vua, Topa’ thupiehna tawh giephuol a sat uhi. Biehbuh tungah meii a khawl laisie giephuol-ah amate a om uhi. 19Biehbuh tungah ni tampi sung meii a om cieng nangawnin Israel-te in Topa’ sawlna mangin a dingkhie sih uhi. 20Ni tawmno khat sung biehbuh tungah meii om thei zel a, Topa’ thupieh tawh kizui-in giephuol-ah a om uhi. Tua ciengin Topa’ thupieh tawh kizui-in amate a dingkhie uhi. 21Khat veivei nitah pan zingmawng dongin tua meii a om hi; tuale zingmawngin meii a kilahto ciengin amate a dingkhie vua, ahi sihle sun khat le zan khat a omlai le zong, meii a kilahto ciengin amate a dingkhie uhi. 22Ni ni ahi a, hla khat ahi a, a hun sauzaw ahi zongin, biehbuh tung sonah meii a khawl laisie giephuol-ah Israel-te om denin a dingkhie sih uhi; hizongle tua meii a kilahto ciengin a dingkhie uhi. 23Topa’ thupiehna tawh amate in giephuol a sat vua, Topa’ thupiehna tawh a dingkhie uhi.Topa in Moses a thupieh bangin amate in Topa’ sawlna a mang uhi.
Currently Selected:
GAMLAH VANA 9: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
