GAMLAH VANA 34
34
Gamgite
1 Topa in Moses hopi-in tam bangin a gen hi: 2Israel-te thupie inlen a kung vuah tam bangin gen in: Canaan leitangah na lut ciengun (Canaan gam, na luo ding vua gamgi hielsa a kang piehte tam teng ahi hi) 3na leitaw lampang uh pen Zin senel gam panin Edom pang teng hi ding hi. Na leitaw lam gamgi uh pen nisuona lamah Si Tuipi#34:3 Heb “Ci Tuipi” mong pan kipan ding hi; 4na gamgi uh Akrabbim katona leitaw lamah kawi-in Zin kansan ding a, a mong tawpna pen Kadesh-barnea leitaw lam hi ding hi; tua ciengin Hazar-addar dong pei suohin Azmon kansan ding hi; 5Azmon panin Egypt Lui lamah gamgi kawi-in Tuipi-ah tawp ding hi.
6Nitumna lam gamgi dingin Tuipi Lien le tua#34:6 Syr: Heb ah “tua” ci om lo hi.’ gun dung teng na tang ding uhi; tam pen nitumna lam na gamgi uh hi ding hi.
7Leilu lam na gamgi uh tam hi ding hi: Tuipi Lien panin Hor Muol dong na gamgi uh na ciemte ding uhi; 8Hor Muol panin Lebo-hamath dong na ciemte ding vua, gamgi mong in Zedad dong ban ding hi; 9tua ciengin Ziphron dong gamgi kihlung ding a, a mong pen Hazar-enan ah tawp ding hi. Tami khu leilu lam na gamgi uh hi ding hi.
10Nisuona lam na gamgi uh Hazar-enan panin Shepham dong na ciemte ding uhi; 11gamgi pen Shepham panin Ain nisuona pang lama om Riblah dongah peisuh ding a, tua gamgi peisuhin Chinnereth tuipi nisuona lam gamken dong bansuh ding hi; 12Jordan dongin gamgi peisuh ding a, a mong pen Si Tuipi#34:12 Heb “Ci Tuipi” ah tawp ding hi. Tam pen a kimvela gamgi nei na gam uh hi ding hi, ci-in gen in,” a ci hi.
13Moses in Israel-te thupie-in tam bangin a gen hi: Tam pen minam kuo le minam alangte tungah pieh dingin Topa in a thupieh, aisanna tawh na luo ding uh leitang ahi hi;#Gam 26:52-56 14azieh pen Reuben minamte, amau’ innkuonte, le Gad minam amau’ pupa innkuonte in a gouluo uh a la zo ta vua, Manasseh minam alangte in zong a la zo ta uhi; 15Minam ni gel le minam alangte in a gouluo dingun nisuona lam, Jordan gal Jericho nisuona lam teng a la uhi,” a ci hi.#Josh 14:1-5
Minam Makaite
16 Topa in Moses kungah tam bangin a gen hi: 17Na luo ding uh leitang ang hawmpieh dingte min pen siempu Eleazar le Nun’ tapa Joshua-te ahi uhi. 18Na luo ding uh leitang hawm dingin minam simah makai khat ta na la ding hi. 19Tam teng pen amau’ min ahi hi: Judah minam sung panin Jephunneh’ tapa Caleb ahi hi. 20Simeon minam sung panin Ammihud’ tapa Shemuel ahi hi. 21Benjamin minam sung panin Chislon’ tapa Elidad ahi hi. 22Dan minam sung panin makai khat, Jogli’ tapa Bukki ahi hi. 23Joseph’ tapate sung panin: Manasseh minam makai khat, Ephod’ tapa Hanniel ahi hi. 24Ephraim minam sung panin makai khat, Shiphtan’ tapa Kemuel ahi hi. 25Jebulun minam sung panin makai khat, Parnach’ tapa Eli-zaphan ahi hi. 26Issachar minam sung panin makai khat, Azzan’ tapa Paltiel ahi hi. 27Asher minam sung panin makai khat, Shelomi’ tapa Ahihud ahi hi. 28Naphtali minam sung panin makai khat, Ammihud’ tapa Pedahel ahi hi. 29Tam teng pen Israel-te adingin Canaan gamah leitang hawm dinga Topa in thu a pieh mite ahi uhi,” a ci hi.
Currently Selected:
GAMLAH VANA 34: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
