SIEMPU LAIBU 24
24
Meivah
(Pei 27:20-21)
1 Topa in Moses hopi-in tam bangin a gen hi: 2Meivah a kuon den thei nadingin olive ga kigawivui sathau siengtho na kungah ang tawi nadingun Israel mite thupie in. 3Kikhopna buh sung, thuciemna#24:3 Ahi sihle “thukimna” ahi sihle “thuciemna “; Heb “eduth” dalna diel pulamah nitah panin zingmawng dongin Topa mai-ah tua meivah a kuong den dingin Aaron in koi ding hi; tua khu na khang tungtawn vua na zui ding uh thukham hi den ding hi. 4Ama in kham citah#24:4 Heb “meivah tunna siengtho” tawh kibawl meivah tunna khuom tung Topa mai-ah meivahte koi den ding hi.
Biehbuh Ading Anlum
5Annel la-in tua panin moh sawm le ni na em ding a, moh khat ciengin annel ephah khat’ sesawm-suo- seni ta hi ding hi. 6Tuate kham citah#24:6 Heb “sabuoi siengtho” sabuoi tungah zawn ni-in na koi ding a, zawn khatah guh ta om ding hi.#Pei 25:30 7Annlum tawh melcina biehna dingin Topa tungah mei tawh kihal biehna a kipieh thei nadingin zawn khat cietah gimnamtui siengtho na koi ding hi. 8Sabbath ni sielin Aaron in kumtawn thuciemna-in Israel mite tangin tuate a ngaina bangin Topa mai-ah koi den ding hi. 9Tuate pen Aaron le a tapate nga ding satanh ahi a, amate in mun siengtho khatah ne ding uhi. Azieh pen tuate Topa tunga meihal silpieh lah panin ama’ nga den ding a satanh siengtho pen ahi hi.#Mat 12:4; Mrk 2:26; Luk 6:4
Pasien Gensietna le Daanpiehna
10Israel mite lah panin a nu Israel-te, a pa Egypt-te ahi mi khat peikhie hi; giephuol sungah Israel numei’ tapa le Israel mi khat kihau uhi. 11Israel numei’ tapa in tua gensie-in a samsie hi. Amate in Moses kungah tua pa a peipi uhi. Ama’ nu min pen Shelomith ahi a, Dan minam, Debri’ tanu ahi hi. 12Amate tungah Topa’ khensatna a kitel masangin tua mipa a khumcip uhi.
13 Topa in Moses kungah tam bangin a gen hi: 14Tua Pasien’ min gensie pa giephuol pulamah peipi in. Tuale a za tapo in ama’ lu tungah khut ngamin mihon zosie in ama suong tawh sepsah in. 15Israel mite hopi inlen tam bangin gen in: Pasien a samsie poma in ama’ mawna khu ding hi. 16Topa’ min a gensie mipa kithat ding a, mihon buppi in suong tawh tua a gensie pa sep ding uhi. Pemtate hile tuolsung mite hile tua Min Siengtho a gensiet ciengun amate kithat ding hi. 17Mihing khat a that poma kithat ding hi.#Pei 21:12 18Ganhing khat a that poma in tua tangin ditkiana bawl ding a, hinna khat tangin hinna khat hi ding hi. 19Midang khat a poisah mi poma ama bawl bangin ama tungah kithuhkia ding hi: 20Gu pen gu ma tawh, mit pen mit ma tawh, ha pen ha ma tawh kithuh ding hi. Ama in mi khat a liemsah bang ma-in ama kiliemsah ding hi.#Pei 21:23-25; Thkna 19:21; Mat 5:38 21Ganhing khat a that pa in tua ganhing’ manh lo ding hi; ahi vangin mi that pa kithat ding hi. 22Note in pemtate ading le tuolsung mite adingin a kibang thukham na nei ding uhi: Bangzieh ahei cile keima Topa na Pasien uh ka hi hi.#Gam 15:16 23Tam bangin Moses in Israel mite hopi hi; tuale amate in giephuol pulamah mi samsie pa peipi-in suong tawh a seplia uhi. Topa in Moses a thupieh bangin Israel mite a gamta uhi.
Currently Selected:
SIEMPU LAIBU 24: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
