SIEMPU LAIBU 23
23
A Kise Pawite
(Gam 28:16–29:40)
1 Topa in Moses hopi-in tam bangin a gen hi: 2Israel mite hopi inlen tam bangin gen in: A siengtho biehpieh kikhopnate ahi hi, ci-in na tangtawh ding uh a kisesa Topa’ pawite tam teng ahi hi.
Sabbath, Peisan Pawi, le Tol Saw lo Anlum
3Ni guh sungin nasep kizo ding hi; hizongle a ni sagi ni pen a bukim tawlngahna Sabbath, a siengtho biehpieh kikhopna ahi hi; note in na na sem sih ding uhi: tua khu na tenna zosie vuah Topa dinga Sabbath ahi hi.#Pei 20:8-10; 23:12; 31:15; 34:21; 35:2; Thkna 5:12-14
4Tam teng pen a kise Topa’ pawite, amate dingin a kise huna na bawlpieh ding uh a siengtho biehpieh kikhopnate ahi hi. 5A hla masa, tua hla a ni sawm le ni li ni a nitah lamin#23:5 Heb “nitah ni kikal “ Topa tungah peisan pawi biehna om ding a,#Pei 12:1-13; Thkna 16:1-2 6tua hla a ni sawm le ni nga ni pen Topa tungah tol saw lo anlum pawi ahi hi; ni sagi sung tol saw lo anlum na ne ding uhi. 7A ni masa ni-in a siengtho biehpieh kikhop khat na nei ding vua, leitung nate na sem sih ding uhi. 8Azieh pen note in Topa tungah ni sagi sung meihal biehna na pie ding uhi; a ni sagi ni-in siengtho biehpieh kikhop khat om ding hi: note in leitung nate na sem sih ding uhi.#Pei 12:14-20; 23:15; 34:18; Thkna 16:3-8
Gamasate tawh Biehna
9 Topa in Moses hopi hi: 10Israel mite hopi inlen tam bangin gen in: Keima in na tung vua kang pieh ding gamah lutin bu na at ciengun siempu pa kungah na buphai at masa pen uh na tawi ding uhi. 11San thei-a na op nadingun Topa mai-ah ama in tua buphai vei ding a, sabbath zaw a zing ciengin siempu pa in tua buphai a vei ding hi. 12Buphai na vei ni-un Topa tungah meihal biehna dingin tuuno apa khat Topa na pie ding uhi. 13Tua tawh kipiehtha ding an tawh biehna dingin sathau kisawsa annel ephah khat’ sesawm-suo-seni hi ding hi; tua khu Topa kipie a gimnamtui ding meihal biehna ahi hi; tua tawh a kipiehtha ding dawn thei biehna dingin lenggazu hin khat’ seli-suo- sekhat hi ding hi. 14Na Pasien uh’ biehna na tawi masang uh, tua ni masangin anlum ahi sihle a ki-em an ahi sihle ansielte na ne sih ding uhi: Tua khu na tenna mun vannuoi vuah na khang tawntung vua na zui ding uh ngaina khat hi ding hi.
Nipi Pawite
15Sabbath ni zaw ciengin a kivei biehna dingin buphai na tawi ni vua kipanin nipi sagi na simto ding uhi; tuate pen a bih hi ding hi. 16Sabbath sagina zaw a zing cieng dong ni sawmnga dong na simto ding uhi; tua ciengin Topa kungah an tha tawh biehna na pie ding uhi. 17A kivei biehna dingin na tenna uh panin Topa tungah ephah khat’ sesawm-suo-seni tuoh tawh a kibawl anlum ni na tawi ding uhi; tuate pen annel tawh a kibawl, tol tawh ki-em, Topa tungah anpal-a kipie dingte ahi hi. 18Anlum tawh kum khat a pha, a paubaang lo tuuno sagi, bawngno khat, le tuutang ni na pie ding uhi. Tuate, an tawh biehna le dawn thei biehnate tawh Topa tunga kipiehtha meihal biehna hi ding hi; tuate pen Topa a lungkimsah a gimnamtui mei tawh kihal biehna ahi hi. 19Mawna zieha biehna dingin keel apa khat, le thunuom biehna dingin kum khat a pha tuuno apa ni na pie ding uhi. 20Siempu pa in Topa mai-ah tuate a kivei biehna-in anpal anlum le tuuno ni tawh veiton ding hi; siempu pa adingin tuate Topa mai-ah a sieng hi ding hi. 21Khum ni ma-in note in tang na tawh ding uhi; note in a siengtho biehpieh kikhop khat na nei ding uhi; note in leitung nasepte na khawl ding uh. Tam pen na tenna uh mun vannuoi-ah na khang tawntung vua na zui zing ding uh thukham ahi hi.#Pei 23:16; 34:22; Thkna 16:9-12
22Na leitang pan vua an na lah ciengun na lo gei dong uh la loin, na ansanghte uzong na khawm sih ding uhi; tuate pen mizawngte le pemtate na nuasiepieh ding uhi: Keima Topa na Pasien uh ka hi hi.#Siem 19:9-10; Thkna 24:19-22
Pengkul Pawite
23 Topa in Moses hopi-in tam bangin a gen hi: 24Israel mite kungah tam bangin gen in: A hla sagi veina, tuami hla masa ni-in a bukim tawlngahna ni khat, pengkul awte tawh phawna a kibawl a siengtho biehpieh kikhop khat na nei ding uhi. 25Note in leitung nasepte na sem sih ding uhi; mei tawh Topa’ meihal biehna na peipi ding uhi.
Thoidamna Ni
26 Topa in Moses hopi-in tam bangin a gen hi: 27Tu-in tam a hla sagina a ni sawm ni khu thoidamna ni ahi hi; note adingin a siengtho biehpieh kikhop khat hi ding hi: Noma le noma#23:27 Ahi sihle “an na tang ding uhi “ na kideh ding vua, tuaci’n Topa tungah meihal biehna na pie ding uhi; 28tuami ni bup sung tungtawnin na na sem sih ding uhi; bang ding ahei cile tuami khu Topa na Pasien mai vuah note tanga thoidamna bawl nadingin thoidamna bawl ni ahi hi. 29Bangzieh ahei cile tua nibup sung tungtawnin ama le ama kidehna#23:29 Ahi sihle “an a tang lo “ a bawl lo poma a mite lah panin kihemkhie ding hi. 30Tuami nibup sung tungtawnin tua banga nasem poma a mite lah panin ka susie ding hi. 31Note in na na sem sih ding uhi: Tuami ni pen na khang tungtawn vua na tenna uh mun zosie-ah zui ding thupieh khat hi zing ding hi. 32Tuami ni pen note dingin a bukim tawlngahna Sabbath ni khat hi ding a, noma le noma#23:32 Ahi sihle “an na tang ding uhi “ na na kideh ding uhi; tua hla a ni kuo nitah panin a nitah kia dong na Sabbath uh na tang ding uhi.#Siem 16:29-34
Buh Pawite
33 Topa in Moses hopi-in tam bangin a gen hi: 34Israel mite hopi inlen tam bangin gen in: Tami hla a sagina ni sawm le nga ni panin ni sagi sung, Topa adingin buh pawite#23:34 Ahi sihle “biehbuhte “: Heb “succoth” om ding hi. 35A ni masa ni pen a siengtho biehpieh kikhop hi ding hi; note in leitung nasepte na sem sih ding uhi. 36Ni sagi sung note in mei tawh kihal Topa’ biehna na lui ding uhi; a ni giet ni-in a siengtho biehpieh kikhop khat nei-in Topa’ meihal biehna na lui ding uhi; tua khu a thupi kikhopna khat ahi hi; note in leitung nasepte na sem sih ding uhi.#Thkna 16:13-15
37Tam teng pen a kisesa Topa’ pawite ahi a, a siengtho biehpieh kikhopna hunin tuate na zang ding vua, Topa tungah mei tawh kihal biehnate- meihal biehna, an tawh biehna, thoidamnate le dawn thei biehnate amau’ ni cietin na pie ding uhi. 38Tam teng pen Topa’ Sabbath-te, na letsongte uh, na kiciemna zieh vua na biehnate zosie ule kiphalna tawh na biehnate zosie ban vuah na pieh dingte uh ahi hi.
39Tu-in leitanga a piengte na kaikhop zaw uh, a hla sagina ni sawm le ni nga panin ni sagi sung Topa’ pawi na bawl ding uhi. A ni masa ni pen a bukim tawlngahna ni khat hi a, a ni giet ni zong a bukim tawlngahna ma hi ding hi. 40A ni masa ni-in a etlawm#23:40 Heb ah a khietna kicien lo hi. sing gate, lutu bate, a na pha singbate le luidunga a po gielhehte na la ding uhi; tuale Topa na Pasien uh mai-ah ni sagi sung na guolnuom ding uhi. 41Tua pen kum simin ni sagi sung Topa’ pawi-in na mang ding uhi; tua khu na khang tungtawn vua a kip den ding thukham hi ding a, tua pen a hla sagina sungin na bawl ding uhi. 42Buh sungah ni sagi sung na teng ding uhi; Israel gam sunga tuolsung mi zosie buh sungah teng ding uhi, 43tuaci’n Egypt gam panin amate ka peipi lai-in buh sunga Israel mite ka tensahna thute na suonlehlahte un a thei ding uhi: Keima Topa na Pasien uh ka hi hi.#Pei 23:16; 34:22
44Tua bangin Moses in Israel mite tungah Topa’ pawi a kisate a phuongzah hi.
Currently Selected:
SIEMPU LAIBU 23: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
