3 JOHN 1
1
Hopina
1Khangham pa in thuman thutah sunga om ka lawm it Gaius tungah.#Sawl 19:29; Rom 16:23; 1Cor 1:14
A Zindo Siem Ziehin Gaius Kipahta
2Ka lawm it aw, na hlagau a cidam bang ma-in na zosie ah na lawcin thei nading le na cidam thei nading thu ka ngen hi. 3Lawmte#1:3 Gk “sanggamte “ pawlkhat ang tungin thuman thutah sungah na muonhuoina le thuman thutah sungah na kalsuon dan ang gen ciengun ka na kipah mama hi. 4Ka tate thuman thutah ah a kalsuon ka zaha ka kipahna za sangin a lienzaw kipahna ka nei sih hi.
5Ka it lawm aw, amate gelta hi napi lawmte#1:5 Gk “sanggamte “ tunga na bawl bangin amate tungah muonhuoi tahin na bawl hi; 6amate in hlattuom pawlpite mai-ah note’ itna thu teci a pang uhi. Pasien tungah gamtat dinga a kilawm za-in a lampi vuah amate na hla lacin sil hoi bawl na hi ta ding hi; 7bangzieh ahei cile amate pen Khris’#1:7 Gk “tua min zieha” min hang tawh khuolzin kipan ahi bo vua, thu um lo mite#1:7 Gk “Gentile-te “ tung panin bangma panpina a nga sih uhi. 8Tua ahi ziehin thuman thutah tawh nasem tonte i suo thei nadingin tua bang mite i hu ding vua kilawm ahi hi.
Diotrephes le Demetrius
9Hlattuom pawlpi tungah lai pawlkhat ka hlah zo a, ahi vangin lamkai suoh nuom pa ahi Diotrephes in ka thu ei mang nuom sih hi. 10Tuaci’n kang haw khah leh kote tungah aman lo-a ei mawsahna le ei gensietna teng kang phawhsah ding hi. Mi gensietna tawh lungkim nai vaset loin, lawmte#1:10 Gk “sanggamte “ zong zin tungsah nuom lo a, a tungsah nuomte nangawn khamin hlattuom pawlpi panin a hawlkhie hi. 11Kang it lawm aw, thusiete ette loin, thu hoite ette zaw in. A hoi-a gamta poma Pasien pan ahi hi; a sie-a gamta poma Pasien a mu nai lo ahi hi. 12Mi zosie in Demetrius a phat vua, tua thuman thutah mama in zong teci a pang hi. Kote in zong ama ka phat vua, ka teci panna uh a man lam na thei hi.
A Nukhia Hopina
13Na kungah giel ding tampi ka nei a, ahi vangin laitui le laikung tawh giel ka sawm sih hi; 14nang tawh kimu bai ding ka lamen a, kimaitang tuo-in i kiho ding hi.
15Nang tungah nopna hing tung taheh. Lawmte in zong ang noset uhi. Khum sunga om lawmte a milipin khatciet ei na noset pieh in.
Currently Selected:
3 JOHN 1: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.