JOEL 2

1Zion ah pengkul mut unlen,

ka muol siengtho tungah patauna aw gingsah un!

Topa’ ni tung ta ahi ziehin

gam sunga tengte zosie zau-in citun sieng uheh.

2Khuomiel ni le lungzin ni,

meiikai ni le khuozin ni nai mama ta hi!

Muoltung tengah meivom a kai bangin,

a thahat le a tam mama galkapte ang kuon uhi;

tangtawng panin tua bangte

a om ngai nai sih a,

a khangkhangin zong tuate

a om ngai ta sih ding hi.

3Amate mai-ah mei in hulvam a,

a nua lam vuah meikuong kileh vapual hi.

Amate masanga gam pen

Eden um tawh kibang a,

ahi vangin a nua lama gam pen

senel gam gawta hi a,

bangma in amate

a suohta sah thei sih hi.

4A melpuoh uh sakol tawh kibang a,

gal-sakolte bangin a tai uhi.

5Sakol leeng ging bangin amate

muol tung tengah a kopdien vua,

mei in a kahtum butu ging le

gal sim dinga a kithawi,

a thahat mama galkap honte

tawh a kibang uhi.#Kln 9:7-9

6Amate mai-ah mite lungkhamin,

maitang zosie a kangdang#2:6 Heb ah a khietna kicien lo hi. sieng hi.

7Galhangte bangin gal a sim vua,

galkapte bangin kul tungah a ka uhi.

A lampi ciet uh a zui vua,

a lampi panun#2:7 Gk Syr Vg: Heb “amate in khamkholna la lo” a piel sih uhi.

8Amate khatlekhat kiphukha loin,

a lampi son ciet uh a zui uhi;

amate in galhiemte a phugawp vua,

khawl vawt loin ma a nawt uhi.

9Khuopi sungah a kopdien vua,

kul tung tengah a tai kawikawi uhi;

inn sung tengah a kato vua,

guta bangin tawlette panin a lut uhi.

10A mai vuah leitung kilawhin

vante kiling gawp hi.

Ni le hlate zong miel a,

aasite tang nawn lo hi.#Kln 8:12

11A galkapte mai-ah

Topa in thu a gen hi;

a galkap honte nah tam sam e!

Ama’ thupieh a mang mite simzawh ding hi lo hi.

A tahtahin Topa’ ni pen thupi mama hi;

zong zau huoi mama hi, koi in thuohzo ding ahei?#Kln 6:17

12Hizongle tu nangawnin zong

lungsim tahtah tawh kisia-in

antanna, kaana le mauna tawh

ka kungah hing kinualekia un, Topa in ci hi;

13na puonsilte uh botkeh zaw loin,

na lungtangte uh botkeh zaw un.

Topa na Pasien uh kungah hing kinualekia un,

azieh pen ama migi-in mi hepi a,

lungduoi-in itna kip tawh kidimin

mi dan a pie nuom sih hi.

14Note in Topa na Pasien vua dingin

an tawh biehna le dawn thei biehnate

na pieh thei nadingun,

ama ang kihei-in a lungsim hing khiem a,

a thupha ang nuasiepieh ding le

ang nuasiepieh lo ding koi in thei ahei?

15Zion ah pengkul mut un;

a siengtho antanna khat bawl un;

kikhopna thupi khat hlan un;

16mihonpi kaikhawm un.

mihonte siensuo un;

khanghamte kaikhawm un;

khanghamte le naupangte,

nawi ne lai nausente nangawn kaikhawm un.

Zinei pa in a lupna nuasie hinlen,

monu in a lupna dalna nuasie taheh.

17Maitam le talaap kikalah

Topa’ nasem siempute kap uheh.

Amate in, “Topa aw,

na mite suohta sah inlen,

nangma’ gouluote, minamte lahah

simmaw le thu gentena-in

ei kineisah poma sin.

Bang dingin mite lahah, ‘A Pasien uh hei-a om ahei?’

ei kici ding ahei, cisah un,” a ci hi.

Pasien’ Dawnkiana le a Kamciem

18Tua ciengin Topa in ama’ leitang hing lainatin,

ama’ mite ang khuotuo hi.

19 Topa in a mite dawngkia a:

An, zu, le sathau kang pie ding hi,

tua hile na lungkim ding uhi;

keima in note pen minamte lahah

mi simmaw-in kang koi nawn sih ding hi.

20Na kung panun gamlapi- ah

sahlam galkapte hemkhie-in,

senel gamgaw munah

amate ka notmang ding a,

a masate nisuona tuipi sungah,

a nukhiate nitumna tuipi sungah

ka notmang ding hi;

a gimnam le a ui a than uh kikhawto ding hi.

Ama in na golpite a bawl tahtah zo hi!

21Leisiet aw, zau sin;

lungdamin kipah in,

azieh pen Topa in na lienpite sem zo ta hi!

22Gamlah gamsate aw, zau sih un,

azieh pen gam sunga lopate dawng zo hi;

singkungte ga-in lengguite le

theikung tampitah a ga uhi.

23Zion tate aw, lungdam unlen,

Topa na Pasien uh sungah kipah un;

azieh pen ama in na dihna uh

a kilah nadingin guo masa#2:23 Heb ah a khietna kicien lo hi. zusah zo a,

note adingin guotui tampitah

ang buohsuh zo ta hi.

Guo masa le guo nukhia zong

nidang lai bangin a zusah hi.

24Ancilna phuol an tawh kidim ding a,

lenggazu le sathau zong umlebeel a dim ding hi.

25Note sim dinga kang sawl kauphe honpi,

a kitom, a susie, le a petsan kauphete ahi,

ka galkap honte in ang nehpieh

kum sunga a piengte, kang lokia ding hi.

26Note in tampi ne-in na lung uh kim ding a,

lamdang taha ang bawlpieh

na Topa Pasien uh’ min

na phat ding uhi.

Tuale ka mite in maizumna

a thuohkia ngai ta sih ding uhi.

27Israel laikimah ka op lam le

kei, na Topa Pasien uh ka hi a,

kei simlo koima dang a op lo lam

note in nei thei ding uhi.

Tuaci’n ka mite ahile

kimaizumsah ngai nawn lo ding hi.

Pasien’ Hlagau Kibuo

28 # 2:28 Heb ah 3:1 Tua zaw ciengin mi zosie tungah

ka hlagau ka buo ding hi;

na tapate ule na tanute un thu a hil ding vua,

na khanghamte un mangte manin,

na khangnote un mang a mu ding uhi.

29Khum ni ciengin sila numeite le

sila pasalte tung nangawnah

ka hlagau ka buo ding hi.

30Keima in leitung le vante ah hilkholna limte ahi sisan le meikhu lompi ka lah ding hi. 31A thupi le a zauhuoi Topa’ ni a tun masangin ni khuomiel suohin hla sisan a suoh ding hi.#Mat 24:29; Mrk 13:24-25; Luk 21:25; Kln 6:12-13 32Tua ciengin Topa’ min tawh a kiko poma in hutdamna nga ding hi; azieh pen Topa in a gensa bangin Zion Muol le Jerusalem khuo sungah a suohta lai mi a om ding hi. Topa in a hlat mite a suohta ding uhi. #Sawl 2:17-21#Rom 10:13

Currently Selected:

JOEL 2: ZBOTF01

Highlight

Copy