JOEL 1
1
1Pethuel’ tapa Joel tungah Topa’ thu a tung hi:
Gamsung Kisietna Zieha Kaana
(Pei 10:1-20)
2No upate aw,
tami ngai unlen,
gam sunga tengte zosie in zong
na bil uh daw un!
Noma le na pu na pate khangin
tam bang thu a pieng ngai amah?
3Tam thu na tate hil unlen,
na tate un amau’ tate hilsawn hinlen,
a khang a khangin kihil sawn uheh.
4A pettan kauphete’ nehmawh teng,
kauphe honte in netum a,
kauphe honte’ nehmawh teng,
a kitom kauphete in ne-in,
a kitom kauphe’ nehmawh teng,
a susie kauphe in a netum hi.
5No zukhamte aw, tho unlen kap un;
no lenggazu dawn zosiete aw, thumin tau un,
azieh pen na kam sung panun
zutuite kikhahtan zo hi.
6Azieh pen a thahat, a kisim zo lo
minam a tampi khat in ka gam ang sim hi;
amau’ ha pen humpi’ ha tawh kibang a,
humpi nute’ ha bangin hiem mama hi.#Kln 9:8
7Ka lengguite ei suhsiet pieh vua,
ka theikungte zong a sattan uhi;
a hawte hawh dawhin a paimang vua,
a bate zong khu a kangdang sieng ta hi.
8La-ip puon silin a sen lawmpa
a kaa nungah nu bangin kap un.
9 Topa’ biehinn panin an tawh biehna le
dawn thei biehna om nawn lo hi.
Topa’ nasem ahi siempute
thumin a tau uhi.
10Lozaute a kisie sieng ta a,
leitangte a kap vangut ta hi;
azieh pen ankungte kisusie a,
lenggazute gawkangin
sathaute tawp sieng ta hi.
11No lohlote aw, da un.
No lenggui cingte aw,
mangbu le mangbuhamte adingin
thumin kap un;
bangzieh ahei cile
lolai ante kisie ta hi.
12Lengguite gawpmang sieng a,
theikungte tuolah kunsuh ta hi.
Mang kawlsingte, lutu kungte le apple kungte a kipan,
lolai-a singkung zosie gawta sieng zo hi;
a tahtahin ci leih mite lahah
lungnopna kici om nawn lo hi.
Kisiakia ding le Thungen Dinga Hlatna
13No siempute aw, la-ip puon silin kap un;
no maitam nasemte aw, thum unlen tau un.
No ka Pasien’ nasemte aw, hing pei unlen
zan khuovahin la-ip puon silin kap un!
Topa’ inn panin an tawh biehna le
dawn thei biehnate kipie nawn lo hi.
14A siengtho antanna khat bawl unlen,
kikhopna thupi khat hlan un.
Na Topa Pasien uh’ biehinn sungah
upate le gam sunga tengte zosie,
kaikhawm unlen Topa kungah
kiko-in thungen un.
15Kadeisei, tuami ni khu!
Bangzieh ahei cile Topa’ ni ang nai ta a,
Vanglienpa#1:15 Heb’ zah ngaina-ah “Shaddai” kung pana ang pei
sietna bangin ang tung ta hi.#Isa 13:6
16Eima’ mitmu-in an neh ding le
i Pasien’ biehinn sung panin
kipahna le thanopnate
kilamang ta hi lo amah?
17Leikhal#1:17 Heb ah a khietna kicien lo hi. nei-ah khaicite gaw sieng a,
an kholna innte hawmsuoh ta hi;
bu a tun lo ziehin
ansalte zong kisie gawp ta hi.
18Ganhingte cimaw-in tautau uhi!
bawng honte a vahthap uhi,
bangzieh ahei cile
amate adingin lohing om lo hi;
tuuhonte nangawn zong
cimaw-in a lungdong#1:18 Gk Syr Vg tawh a kitekah: Heb ah a khietna kicien lo hi. uhi.
19 Topa aw,
nangma kungah kang kiko hi.
Bangzieh ahei cile
gamlah lohing zosie mei in hulvam ta a,
meikuong in lolai-a singkung zosie
a katum sieng ta hi.
20Gamlah lohingte mei in a kahtum sieng ziehin,
luidungte kanggaw sieng ta a,
gamsate nangawn zong
nangma kungah ang kiko uhi.
Currently Selected:
JOEL 1: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
