JOEL 3
3
1 # 3:1 Heb ah 4:1 ah om hi Khum ni le khum hun ciengin Judah le Jerusalem, a nidang hun ka bahsah ciengin, 2keima in minam zosie kaikhawmin Jehoshaphat kuomah ka peipisuh ding a, khum munah ka mite le ka gouluo Israel ziehin amate tungah thu ka khen ding hi, azieh pen amate in minamte lahah Israel a kithezah sah uhi. Amate in ka gam a hawm vua, 3ka mite adingin aisanin a pahtat numeite lei nadingin naupangte, zu lei nadingin nungahte a zua vua, tuale a khamtahun zu a dawn uhi.
4Tyre, Sidon, le Philistia gam zosie aw, keima tungah bang bawl sawm na hi uh ahei? Bang khat po zieha ei thuh sawm na hi uh amah? Note in ei thuhkia na hi uleh, ke’n zong na luzang vuah na na sepsate uh kinawtah le gangtahin kang tusahkia ding hi. 5Bangzieh ahei cile note in ka ngun le ka kham teng nei lahpieh ta vua, na biehinnpi#3:5 Ahi sihle “kumpi innte” vuah ka gougil teng na puo sieng ta uhi. 6Note in Judah mite, Jerusalem mite, le Greek mite tungah na zua vua, a gamgi panun a gamlapi-ah na hemmang uhi. 7Ahi vangin tu-in na zuana uh mun ciet panin amate ka hantawh ding a, na luzang vuah na sepsa teng uh ka tungsahkia ding hi. 8Keima in Judah mite khut sungah na tanute ule na tapate uh ka zua ding a, amate in a gamlapi-a om gam khat ahi Sebea-te tungah zuasawn ding uhi; bang ding ahei cile Topa in a gensa ahi hi.#Isa 14:29-31; 23:1-18; Jer 47:1-7; Ezk 25:15–28:26; Amos 1:6-10; Zeph 2:4-7; Zech 9:1-7; Mat 11:21-22; Luk 10:13-14
Jehoshaphat Kuom Sunga Thukhenna
(Isa 2:4; Mic 4:3)
9Minamte tungah
tam thu phuongzah un:
Galdo#3:9 Heb “gal siensuo dingin” dingin kithawi unlen,
galhangte hantawh un.
Galkapte zosie in naisah unlen,
amate hing kuonsah un.
10Lokaina na tute uh
namsau-in kheng unlen,
singba heuhna na namkawite uh
teipi-in kheng un;
a zawngkhal pa in zong,
Kei galhang ka hi hi,” ci taheh.#Isa 2:4; Mic 4:3
11No a kimvela om minam zosie aw,
mallangin#3:11 Heb ah a khietna kicien lo hi. hing pei unlen,
khum munnah hing kikhawm un.
Topa aw, na galhangte
hing peipisuh in.
12Minamte, amau le amau
hing kihantawh uh hinlen,
Jehoshaphat kuomah
hing peito ta uheh;
bangzieh ahei cile
na kimvel vua om minam zosie
thu khen dingin khum munah
keima ka to ding hi.
13An lah hun ta ahi ziehin
na phieukawi uh tawi un.
Lengga cilna kuong dimin,
lenggatui dawna zong
dimlet ta ahi ziehin,
hing pei unlen hing cil un,
bangzieh ahei cile
a gitlona uh lien mama hi.#Kln 14:14-16, 19-20; 19:15
14Thukhenna kuom sungah
mihon tampitah a om hi!
Azieh pen thukenna kuom sungah
Topa a nai zo hi.
15Nipi le hlapi miel zo a,
aasite tang nawn lo hi.
16Zion panin Topa hawhin,
Jerusalem panin awng vapuoh a,
vanpi le leipi a kilawh hi.
Hinanle mite adingin Topa pen kibuhna hi a,
Israel mite adingin mun muonhuoi ahi hi.#Amos 1:2
Judah’ Mailam Minthanna
17Tuaci’n note in keima, ka muol siengtho
Zion-a teng Topa na Pasien uh ka hi lam na thei ta ding uhi.
Jerusalem siengtho ding a, minamte in
ama sungah lam a hla ngai nawn sih ding uhi.
18Khum ni ciengin muolsangte panin
zuningte ang taasuh ding a,
muoltangte ah bawngnawite luongin,
Judah gam luidung zosie ah
tui luong ding hi;
Topa’ inn panin
tuisam khat pul ding a,
tua in Shittim kuom teng
a nomsah ding hi.
19Judah mite tungah a tatsiet zieh ule,
a gam sung vuah maw nei lote’ sisan
a luonsah ziehun,
Egypt gam, ten lona gam suohin
Edom gam, senel gam a suoh ding hi.
20Ahi vangin Judah gam pen
kumtawn tenna-in kinei ding a,
Jerusalem pen a khangkhangin
tenna-in kinei ding hi.
21Keima in amau’ sisan phu la-in,
a khielnate uh#3:21 Gk Syr: Heb “Amau’ mawna sisan ka maisah lote ka maisah ding hi” ka maisah sih ding hi,
bangzieh ahei cile
Zion ah Topa a teng hi.
Currently Selected:
JOEL 3: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
