JAMES 5
5
Mi Bawlsie Mihaute Hilkholna
1No mihaute aw, tu-in hing pei unlen note tunga ang tung ding hamsatnate ziehin kap in mau un. 2Na haunate uh muotmangin, na puonsilte uh nget in netum sieng zo hi. 3Na ngun na khamte uh sam-eh kaisieng zo a, na lang vuah sam-eh teci hing pangin meikuong bangin na sa uh a ne ding hi. Note in ni nukhia ni adingin ngun le kham na khol zo uhi.#Mat 6:19 4Ngai un! Note in solin a thaman na pieh lo uh, na lo uh ang hlawpieh nasemte a kiko vua, vanglien Topa bil ah anlate kikona tung zo hi.#Thkna 24:14-15 5Leitungah noptat zulzau-in na nungta vua, nuomsa-in gawlup ni adingin na kivathau phitphet uhi. 6Na thu uh ang niel zo lo midih pa mawsahin na that uhi.
Thuohna ah Lungduoina
7Tua ahi ziehin it le ngaite aw, Topa ang pei dongin lungduoi tahin om un. Leitang pana ga manphate a nga thei nadingin lohlo pa in guo masa le guo nukhia a zuh dongin lungduoi tahin a ngah hi. 8No zong na lungduoi un. Topa ang pei bai#5:8 Ahi sihle “ang nai ta “ ta ding ahi ziehin na lungsimte uh na khausah un. 9It le ngaite aw,#5:9 Gk “Sanggamte aw “ thukhenna na thuoh lo nadingun khatlekhat na kiphunsan sih un. En un, kotpi gei-ah Thukhen Pa a ding hi! 10It le ngaite aw,#5:10 Gk “Sanggamte aw, “ gimthuohna leh lungduoina lamah Topa’ min tawh thu a gen kamsangte ette-in na nei un. 11A tahtahin kote in a thuohzo mite mi hampha ahi hi, ka ci uhi. Note in Job’ thuohzawhna na za zo vua, tuaci’n Topa’ siltup le Topa’ in bangza tahin ama lungsietin khuotuo ahei ci zong na thei zo ta uhi.#Job 1:21-22; 2:10; Late 103:8
12Tam teng zosie banah, kang itte aw,#5:12 Gk “ka sanggamte aw “ vantung tawh ahi a, leitung tawh ahi zongin adang kiciemna khatpo tawh na kiciem sih un. Mawsahna na thuoh lo nadingun, a hite, “Ahi,” ahi lote, “A hilo,” hisah pai un.#Mat 5:34-37
Upna Thungetna
13Note lahah mi khatpo gimna thuoh a om eimah? Amate in thungen uheh. A lungdam mi khatpo a om ei mah? Amate in phatna la sa uheh. 14Note lahah a cina mi khatpo a om eimah? Hlattuom pawlpi upate hlanin amate in thungetpieh uh hinlen, amate tungah Topa’ minin sathau nu uheh.#Mrk 6:13 15Upna tawh thungetna in cinate damsah ding a, Topa in amate a phongto ding hi. Mawna a bawl mi khatpo zong a mawna kimaisah ding hi. 16Tua ahi ziehin na dam sieng thei nadingun khatlekhat na mawnate uh kipulah tuohin khatlekhat thu kingetpieh ciet un. Midihte’ thungetna in vang nei-in na lienpi sem thei hi. 17Elijah zong eite bangin mihing khat ma hi lel napi, guo a zuh lo nadingin nahpi tahin thungen a, tuaci’n kum thum le hlaguh sung leitungah guo zu loin a om hi.#1Kum 17:1; 18:1 18Tua ciengin thu a ngenkia leuleu leh vantung in guo zusahin leitung in galete a piengsah hi.#1Kum 18:42-45
19Ka sanggamte aw, note lahah thuman thutah panin mi khatpo pielin, midang khat in tuapa ang nuatutkia leh, 20a vahvaina panin mawnei mi khat a tunpikia poma in sina panin tua mawnei pa’ hlagau hundamin, mawna tampitah a selpieh ahi ding hi, ci thu tua mipa in thei taheh.#Pau 10:12; 1Pet 4:8
Currently Selected:
JAMES 5: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
