HOSEA 10
10
Israel’ Mawna le Saltanna
1Israel pen lenggui phung pha ahi a,
ama in ga tampi a ga hi.
A lengga ga semsem a,
ama in maitam lam semsem hi;
a gam khantona tawh kizui-in
biehna songte bawl bebe hi.
2A lungtang uh a man sih hi;
tu-in amau’ khielna paat a puo ding uhi.
Topa # 10:2 Heb “ama” in a maitam uh satguoi-in
a biehna songte uh a susie ding hi.
3Azieh pen tu-in amate in,
“Topa ka zatah lo ziehun
kumpi zong ka nei ta sih uhi,
ama in kote adingin
bang ei seppieh thei ding ahei?”
a ci ding uhi.
4Amate in thu ginalo po a gen vua,
a kampi utawh kiciemin
thuciemnate a bawl uhi;
Tuaci’n lolai tuma kuohte lahah
a po a gunei lopate bangin kiheh kibalna dim hi.
5Beth-aven khuo-a bawngno#10:5 Gk Syr: Heb “bawngnote” lim ziehin
Samaria-a tengte zau-in a citun uhi.
Tami ziehin a mite a kap ding vua,
tami thu ziehin milim a bie siempute thumin tau#10:5 Cn: Heb “kipah” ding uhi.
Amate in tua pana a kilamang
ama’ vang a kaapi ding uhi.
6Assyria kumpi lienpa#10:6 Cn: Heb “a dem ding kumpi khat tungah “ kungah
sieh le kaih a pieh dingin tuami kipuo ding hi.
Ephraim kimaizumsah ding a,
a milim ziehin Israel maizum ding hi.
7Tui maitanga a lam tuiphuon bangin
Samaria kumpipa a kisie ding hi.
8Israel’ mawna ahi Aven munsangte kisusie ding a,
a maitamte uh tungah ling le khaute a po ding hi.
Amate in muolsangte kungah,
kote ei khusuh un, a ci ding vua,
muolte kungah, kote tungah
hing kiesuh ta un, a ci ding uhi.#Luk 23:30; Kln 6:16
9Israel aw, Gibeah hun peh panin
nang na maw zo ta bo hi;
amate in khum munah
mawna a bawl lai uhi.
Gal in Gibeah ah amate
nuaphah lo ding amah?#Thkn 19:1-30
10Thu manglo mite langkhatah
dan pie dingin kang pei ding#10:10 Gk tawh a kitekah Cn: Heb “Keima deihna ah” a,
khielna nam ni a bawl ziehun
amate dan#10:10 Gk: Heb “khi” ka pieh ciengin,
amate langkhatah minamte
ang kikhawm ding uhi.
11Ephraim pen hoitaha a kisin
ancil ding a thanuom bawnglaa ahi a,
keima in a zol sipsep a ngawng ah
kol ka na bul sih hi;
Hinanle Ephraim pen lei ka kalsah ding hi.
Judah in lo a kaih lo phamaw ding a,
Jacob in ama adingin lo a hlo ding hi.
12Noma adingin dihna khaici tu un;
itna kip at unlen a kihlo nai lo lote kalkang un.
Azieh pen ama ang pei-in
note tungah thumana guo
ang zuhsah thei nadingin
Topa sui hun ahi hi.#Jer 4:3
13Note in lo kaih bangin gitlona lo na kai vua,
bu at bangin thutang lo na at zo uhi;
note in zuou phuona ga zong na ne zo ta uhi.
Azieh pen note in thahatna na suong vua,
na galhang honpite na ngam seng uhi.
14Tua ahi ziehin gal a kido ni-in Shalman in
Beth-arbel a suhsiet bangin,
a tate utawh nute tuol dena-a
a kinei hun lai-a bangin,
na mite langkhatah gal dona husa om ding a,
na kulpi zosie uh a kisusie ding hi.
15Bethel aw, na gitlona a gol ziehin
nang tungah tua bangin ang kibawl ding hi.
Khuovah ciengin Israel’ kumpipa
kisumaimang ding hi.
Currently Selected:
HOSEA 10: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
