HOSEA 9
9
Mawna Zieha Israel Dan a Kipiehna
1Israel aw, lungdam sin!
Minamte bangin lungdamin kipah#9:1 Gk: Heb “lungdam kipahna ah” sin;
azieh pen na Pasien kung pan tai-in
numei pahtat bangin na gamta hi.
Ancilna phuol teng zosie ah
na pahtat thaman na lunggul hi.
2Ancilna phuol le lengga suhna in
amate a va sih ding a,
amate deiza-in lenggazu tha
a pieng sih ding hi.
3 Topa’ gam sungah amate
a om den sih ding vua,
ahi vangin Egypt gamah
Ephraim kilekia-in,
amate in Assyria gam sungah
an sieng lo a ne ding uhi.
4Amate in Topa tungah dawn thei
lenggazu tawh biehna a sung sih ding vua,
amau’ biehpiehnate in ama a lungkimsah zo sih ding hi.
Tua bang biehpiehnate pen
kuosa hangtang tawh kibang lel ding hi;
tua kuosa hangtang an a nete zosie
a bua ahi ding uhi;
bangzieh ahei cile amau’ neh an pen
gilkiel phatna maimai ding ahi bo a,
Topa’ inn sungah tua an
kitut lo ding hi.
5A kisesa pawi ni le Topa’ pawi ni ciengin
bang bawl ding na hi uh ahei?
6Azieh pen sietna panin
amate nangawn a suotah uleh,
Egypt in amate khawmtuo ding a,
Memphis in amate a vui ding hi.
Lahkhai in ngun tawh kizem
a vanmanphate#9:6 Heb ah a khietna kicien lo hi. uh khumang ding a,
lingkungte in a puonbuhte uh
a khumang ding hi.
7Dan pieh hun tung zo ta a,
thuhkiana hun tung zo ta hi;
Israel kiko-in,#9:7 Gk tawh a kitekah Cn: Heb “a thei ding hi”
“Kamsang pa mimaw hi a,
hla mipa a lungsim kicing lo hi,” a ci hi.
Na mawna uh a gol seng ziehin
kigal neina zong a gol hi.#Luk 21:22
8Ka Pasien adingin kamsangpa pen
Ephraim tungah galvil pa hi a,
hizongle a lampi teng zosie ah
thangsie pa in a thang kamin,
a Pasien’ inn sungah
kigal neina a om hi.
9Gibeah hun lai ma bangin
amau le amau nahpi tahin kisie uhi.
Ama in amau’ khielna phawh ding a,
a mawnate uh ziehin amate dan a pie ding hi.#Thkn 19:1-30
10Senel gam sunga lenggate bangin,
keima in Israel ka mu hi.
Kum kihei masah pen huna
theikung a ga masa pente bangin
keima in na pu na pate uh ka mu hi.
Ahi vangin Baal-peor ah amate tungin
tua a zumhuoi nate tungah a ki-ap vua,
a it a ngai uh nate ma bangin
amate a kidahhuoi ta uhi.#Gam 25:1-5
11Va bangin Ephraim-te’ vang lengmang ta a,
ta suoh, nupi gai, nau pai ci bangte a om nawn sih hi!
12Amate in tate hing nan ule,
khat beh a hinsuo lo uh za dongin ka kap ka mausah ding hi.
Amate ka taisan ciengin,
gimna a thuoh tahtah ding uhi!
13Hun khat lai-in Ephraim pen
a deihuoi lohing#9:13 Heb ah a khietna kicien lo hi. lahah a kisuon
lutu kungno bangin ka mu a,
ahi vangin tu-in Ephraim in
tha dingin a tate a peipi kul ding hi.
14 Topa aw, amate pie in,
Amate bang pie ding na hei?
Amate tatolh sulbu le
a suoh lo nawitui pie in.
15A mawna teng zosie uh Gigal ah kipan a,
amate ka mudana pen tua muntah ahi hi.
Amau’ gitlo gamtatnate ziehin
ka inn panin amate ka notmang ding hi.
Amate ka it nawn sih ding hi.
A uliente zosie mi ledote ahi uhi.
16Ephraim in gimna thuoh a,
a huite gaw siengin ga a ga sih ding uhi.
17Amate in ama thugen
a ngai nuom lo ziehun,
ka pa Pasien in
amate a nuol ding hi.
Amate pen minamte lahah
mi vahvaite a suoh ding uhi.
Currently Selected:
HOSEA 9: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
