HOSEA 11
11
Israel Lungdam thei Sih Nanle Pasien’ Khuotuona
1A khangmoi lai-in Israel ka it a,
Egypt panin ka tapa ka hlan hi.#Pei 4:22; Mat 2:15
2Keima#11:2 Gk: Heb “amate” in hlan semsem leng,
kei#11:2 Gk: Heb “amate” kung pan gamla pei semsem hi;
amate in Baal-te kungah
kithoina a nei den vua,
milimte kungah
gimnamtui a hal den uhi.
3Hinanle Ephraim lam pei
a kisinsah pa keima ka hi a,
ka#11:3 Gk Syr Vg: Heb “ama’” khut tawh amate ka tu hi;
ahi vangin ka damsah lam
amate in a thei sih uhi.
4Migitna le itna khau tawh amate ka pui hi.
Keima in a khagu tunga hahkol sutpiehin
awnsuhin amate an ka pie hi.#11:4 Ahi sihle “amau’ khagu tunga hahkol a zangsah pa”
5Egypt gamah amate a kilekia ding vua,
Assyria-te pen amau’ kumpi hi ding hi.
Bangzieh ahei cile ka kungah
amate ang kilekia nuom sih uhi.
6A khuopite sung vuah namsau kileh ding a,
tua in thuphuon nga siempute vatmai-in,
a gelnate ma un amate valtum ding hi.
7Ka mite in kei kung panin
kihei ding a sawm teitei uhi.
A sangna munah amate a kiko vangun
amate kilamto tuon lo hi.#11:7 Heb ah a khietna kicien lo hi.
8Ephraim aw, bangci danin
nang hing tan thei ding ka hei?
Israel aw, bangci danin
midang hing pie thei ding ka hei?
Bangci bangin Admah bangin
nang hing bawl thei ding ka hei?
Bangci bangin Zeboiim bangin
hing bawl thei ding ka hei?
Ka sungah ka lungtang kilumletlet hi;
ka lainatna a khang hi.#Thkna 29:23
9A zauhuoi ka lungthahna ka tungsah sih ding hi;
Ephraim ka susiekia nawn sih ding hi;
azieh pen keima Pasien ka hi a,
note lahah a om mihing ka hi sih hi.
Siengtho Pa ka hi ziehin
a thangpaisa-in kang pei sih ding hi.#11:9 Heb ah a khietna kicien lo hi.
10Amate in humpi banga a hawh
Topa a zui ding uhi;
ama a hawh ciengin nitumna panin
citun kawmin a tate ang pei ding uhi.
11Vate bangin Egypt gam panin citun kawmin ang leng ding vua,
Assyria gam panin vakhu bangin ang leng ding uhi;
Keima in a inn ciet vuah
ka peisahkia ding hi, Topa in ci hi.
12 # 11:12 Heb ah 12:1 Ephraim in zuouthu tawh
ei kuikhum a,
Israel innkuon in solna tawh
eite ei kuikhum hi;
ahi vangin Judah tawh Pasien zawhton#11:12 Heb “vaihva” ahi sihle “uh” lai a,
Siengtho Pa tungah ama muon huoi hi.
Currently Selected:
HOSEA 11: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
