HEBREW 9
9
Leitung le Vantung Mun Siengthote
1Thuciemna masa pen nangawn in biehna-a zah ding ngainate le leitung mun siengtho zong a nei hi. 2Azieh pen puonbuh#9:2 Ahi sihle “biehbuh “ khat kilam a, a dan masa pen sungah meivah tunna, sabuoi, le Ompina khomun om a, tua pen Siengtho Mun kici hi.#Pei 26:1-30; 25:31-40; 25:23-30 3Puonkhai a nina nualam ah Siengtho Pen a kici puonbuh#9:3 Ahi sihle “biehbuh” khat a om hi.#Pei 26:31-33 4Tua sungah kham tawh a kibawl panamtui hal nading maitam le a kimvel zosie-ah kham tawh a kizut thuciemna singkuong kitung a, tua sungah mana koina kham beel, Aaron ciengkhut meng le thuciemna suongpehte a om hi;#Pei 30:1-6; 25:10-16; 16:33; Gam 17:8-10; Pei 25:16; Thkna 10:3-5 5tua tungah minthanna Cherub-te in hepina topha#9:5 Ahi sihle “thoidamna mun “ a liesuh uhi. Tu-in tami thute a neng a nawi-in i gen sieng thei sih hi.#9:5 Pei 25:18-22
6Tam bangin kithawi kholnate a kibawl zaw ciengin, amau’ nasep ngai teng sem dingin puonbuh#9:6 Ahi sihle “biehbuh “ a dan masa sungah siempute a lut ngitnget uhi.#Gam 18:2-6 7Hinanle a dan nina sungah siempu lien pa kum khatin khatvei beh lut a, thei lona ziehin amama ading le mite mawna adingin sisan tawi-in biehna a pie hi.#Siem 16:2-34 8Tam thu ziehin puonbuh#9:8 Ahi sihle “biehbuh “ a dan masa pen a om laisie, mun siengtho lut nading lampi kihong nai lo hi, ci thu Hlagau Siengtho in ei lah hi. 9Tami in tuhun ading etsahna lim#9:9 Gk “thugentena “ hi a, letsongte le biehpiehnate a pieh hun sungun a bie mite’ kitheina lungsim a bukimsah thei sih a, 10tuate pen neh le dawn le baptize-na tuomtuomte, le pumpi tawh kisai ngainate beh hi lel a, puophat hun a tun masangsie zui dingte ahi hi.
11Ahi vangin ang tungsa sil hoite a sem ding siempu lien ahi Khris ang tun ciengin, (khut tawh a kibawl lo, tami a kisiemsa nate ahi lo,) a lienzaw le a bukim#9:11 Gk “a bukimzaw “ puonbuh#9:11 Ahi sihle “biehbuh “ tungtawnin, 12keel le bawngno sisante ahi lo, ama’ sisan tawh a kimang den dingin siengtho munah khatvei beh lut a, tua bangin ama in eite kumtawn tatkhietna ei ngasah hi. 13Azieh pen a bua mite tunga a kithe ahi keel si, bawngtang site, le bawnglaa halna vutte in a tahsa uh siengthosah ahile,#Siem 16:15-16; Gam 19:9, 17-19 14kumtawn Hlagau#9:14 Adang tang laibute ah “Hlagau Siengtho” ci-in kigiel hi. tungtawnin paubanna a nei lo, Pasien tunga ama le ama a kipie Khris’ sisan in a si nasepna panin a hingzing Pasien i bieh thei nadingin eite’#9:14 Adang tang laibute ah “note’ ” ci-in kigiel hi. sielepha theina lungsim bangza tahin siengthosah zawkan lai ding ahei?
15Tam thu zieh ma-in ama in thuciemna masa#9:15 Tam sunga kizang Greek kam pen “thuciemna” le “sinua gamhluona lai” a ci na ahi hi. nei-a a tawnkhielnate panun amate a tat nadingin sina thuoh zo a hi ziehin, a kihlante in a kikamciemsa tawntung gou a luo thei nadingun, ama pen thuciemna#9:15 Tam sunga kizang Greek kam pen “thuciemna” le “sinua gamhluona lai” a ci na ahi hi. tha palai ang hi ta hi. 16Sinua gamhluona lai bawlna-ah, tua lai bawlpa a sina thu kipsah phot kul hi. 17Bangzieh ahei cile tua gamhluona#9:17 Tam sunga kizang Greek kam pen “thuciemna” le “sinua gamhluona lai” a ci na ahi hi. lai a bawlpa a hin laisie tuami lai in thu nei thei lo a, ama a si cieng behin tua gamhluona lai kizang thei pan hi. 18Tua ahi ciengin thuciemna masa nangawn zong sisan loin kizang thei lo hi. 19Azieh pen thukham dung zui-in Moses in mi zosie tungah thupiehna vannuoi a gen lai-in, tui tawh bawngno’ si, keelte’#9:19 Adang tang laibute ah “keelte” ci om lo hi. si la-in samul puon dupsan, hyssop sungah die-in tuate tawh laiziel le mipi zosie the a, 20“Tam pen Pasien in note adinga a sesa thuciemna sisan ahi hi,” a ci hi.#Pei 24:6-8 21Tua ma bangin ama in puonbuh#9:21 Ahi sihle “biehbuh “ le biehpiehna sunga a om vanzahte zosie zong sisan the hi.#Siem 8:15 22A tahtahin thukham khut nei-ah na zosie a unpi phielin sisan tawh kisiengsah a, si kibuo loin maw maisahna a om sih hi.#Siem 17:11
Khris’ Biehpiehna in Mawna Lakhie
23Tua ahi ciengin vantung nate’ lim maimaite pen tam bang bawldan ngainate tawh siensuo ding kisam a, ahi vangin vantung nate ahile tamte sanga a hoizaw biehpiehnate tawh siensuo ding kisam hi. 24Azieh pen Khris in a tahtah tawh a kisun maimai, khut tawh a kibawl siengtho pen munah lut zaw loin, Pasien mai-ah eite tanga kilah dingin tu-in vantungah a va lut ta hi. 25Siempu lien pa in ama’ sisan ahi lo ganhing sisan tawh siengtho pen munah kumsiela a lut bangin Khris in ama le ama kum siela a kipieh kiakia ding kisam lo hi; 26kisam hi leh leitung piencil a kipanin tamveipi si zo ding hi. Ahi vangin khang tawpna-ah mawnate a pai dawh dingin ama le ama biehpiehna-in ang kizang a, a tawntung adingin khatvei ang kilang zo hi. 27Mihingte adingin ahile khatvei si ding pen sesa ahi a, tua zaw ciengin thukhenna a om ding hi. 28Tuaci’n mi tampite mawna a puo dingin Khris in khatvei kipie zo a, mawna tawh kisai hi nawn loin, ama lam-enin a ngah mite hunkhie dingin a niveina ang kilah ding hi.#Isa 53:12
Currently Selected:
HEBREW 9: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
