HEBREW 8
8
A Hoizaw Thuciemna Palai
1Tu-in i gen nop bulpi pen tami ahi hi: Eite in vantunga Thupina kumpi topha zietlam-ah a to tua bang siempu lien khat i nei vua,#Late 110:1 2ama pen mihingte lamsa ahi lo, Topa in a lam puonbuh#8:2 Ahi sihle “biehbuh “ tahtah ahi siengtho muna a sem pa ahi hi. 3Bangzieh ahei cile siempu lien zosie, letsongte le biehpiehnate pie dinga kisesa ahi hi; tua ahi ciengin tami siempu pa in zong a pieh ding sil khat a nei ding kisam hi. 4Thukham dung zui-in letsongte a pie ding siempute om ta ahi ziehin, tu-in ama leitunga om hi leh siempu ahi thei vawt sih ding hi. 5Amate in mun siengtho khat sungah biehna a lui vua, tua khu vantunga om thu’ a lim maimai le a hlim ahi lel bo hi; azieh pen puonbuh#8:5 Ahi sihle “biehbuh “ lam dinga Moses a kipat ciengin, “Muol tunga ang kilahsa lim bang tehtehin na zosie na bawl ding kithei gige in,” ci-in thu kipie hi.#Pei 25:40 6Hinanle tu-in Jesu#8:6 Gk “ama “ in a thupizaw nasepna khat nga zo a, tua dinmun ah ama pen thuciemna tawh a kikipsahsa a thupizaw thuciemna’ palai ahi hi. 7Bangzieh ahei cile thuciemna masa a khiel lo hi leh thuciemna nina pen sui a ngai sih ding hi.
8Pasien#8:8 Gk “Ama “ in amate mawsah nading mu-in ama in tam bangin a ci ciengin:
“Israel innkuon le Judah innkuonte tawh
thuciemna tha ka phu ding ni
ang tung valon ding hi, Topa in ci hi.
9Egypt gam panin amate peipi dinga
a pu a pate uh ka khut tawh ka kai lai-a,
amate tawh ka bawlsa thuciemna bang ahi sih ding hi;
azieh pen amate in ka thuciemna a zop sih vua,
tuaci’n ken zong amate ka thudon sih hi,
Topa in a ci hi.
10Tami in Israel innkuon tawh,
tua hun zaw cienga ka bawl ding ka thuciemna ahi hi.
A lungsim sung vuah
ka thukhamte ka guong ding a,
a lungtang tung vuah tuate gielin, amau’ Pasien ka hi ding a,
amate zong khu keima mi ahi ding uhi.
11Amate in, ‘Topa thei in,’ ci-in
khatlekhat kihil loin,
khatlekhat a kici sih ding hi.
Azieh pen amate zosie in
a neu pen pan a gol pen dongin
keima ei thei ta ding uhi.
12Azieh pen keima in a khielnate
vuah ka khuotuo ding a,
keima in a mawnate uh
ka phawhkha ta sih ding hi,” ci hi.#Jer 31:31-34
13A ma in, “Thuciemna tha khat,” a gen ciengin a masa pen a tul a suohsah zo hi. Tua a tulsa le a lui pen a sawt lo-a maimang ding ahi ta hi.
Currently Selected:
HEBREW 8: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
